|
|
اقتباس:
هذا زمن بعبع يقول المعتني=تقدم به الحرمه ويتبعها العوال ولعاد تستغرب وشفك أدوشتني=ما شي معي هاجس ولا عندي قوال القول ما قالته بنت المعشني=فطساء سويداء كنّها تدحى الجبال تؤمر على سيبان هم والديّني=ماحد يخالف أمرها في كل حال وتصبحون على خير محمد بن سعيــد بن مخــاشــن |
المعذره والسموحه اخي طالب ماشفت الفصل الجديد
|
نق البيوت الوافيه ياهاجسي=واوزن كلامك في ميازين القفال لأنك الى عز القبايل تنتمي=والسمعه الزينه حسبها راس مال لاباتسند ياالواسي سنّدي =وش بايهزك ياشناطيب الجبال كوفي عنان الوغد لي مايستحي=خلا العدوء يضرب على قرن الغزال |
وحصار غزه طال قل للمخشني=كم له وهي تقرح من إخشوم الطوال ولعنة الله اللإه المعتلي=على اليهودي لي لقاء خس الفعال |
بالله شل القول ذا يالمعتني=شفني حذيرك لاتحرفه المقال سلم على علوي قلة بعتني=بغير قيمة بعتني من غير مال انا افيدك وانت قط ما فدتني=غير الخساير في زقوري والعيال ياريت منته خوي وانا ياريتني=هندي بارض السيخ مايلبس عقال |
ماجيت في هونك وانته هنتني=ورميت لحمي للبيع فوق التفال ورضيت في ذبحي بغدرك خنتني=يالخاين الغدار سال الدم سال |
سلام
ماليوم باساهن بشارة ماء قني =وسيول بتشل السواقي والرمال برمي حبالي والزون ماباسني=الخير مقبل والبغيه والزلال مابايدوم الحال قل للجرمني=اما اليهودي ياكلاله بالكلال |
عامله باالحنكه وباالعقل الذكي=خصمك حِرق دمه ونكل به نكال وابيات ماتمسك عليها اي شي=لكنها تلقي كما طعن النصال |
كله من الدلال ذي هو غشني=جاب الحرامي قد صبح جاري وحال واصبحت وحدي غيرابني عزني=شاجع وسلبته البلاجيك الطوال سلمت يا اسماعيل فعلك سرني=يهناك هذا الفوز يازين الرجال |
الفوز بالجنه مرادك ياالتقي=ماتحسب الدنيا وهي دار الزوال وابليس له مسخه يغر الادمي=غربق ابوناء ادم وميّل به ميال |
لاكنني خليت ناره تنطفي=لأنه بشر جاهل سريع الاشتعال شره سواد الليل والخبت الخلي=ذليل ماعمره وقع شاجع وفال |
اسمي كتبته باالرصاص الذايبي=الخاء وبعده الف.. لام..ا وحرف دال وياشموس الصيف في العيف احرقي=خله يذوق الشمس من بعد الظلال |
تلبيه لطلب الاخ الشاعر صالح باعمران ابوزايد قمت بحذف المشاركه
وذالك بعد الاتصال بيننا |
سلام
اربع ليالي والكواكب تندري=حول الثرياء وان لفوها ذا محال والله ماظني يذوق البربري=ذالا تباء تسحب من امات الريال |
[ ابشر يابوراضي
|
يهل الكرم والجود والشرع الوفي=لتزرزرو كل السلاسل والحبال اتشاوروا وتناظروا في كل شي=انتوا خوه وعيال عم وعيال خال |
سلام
ساس المعابر ذي السنه بايبتني=وجدار حول الساس بيقوم احتمال ياأم الكباير عرفي وتيقني=ايش بايقع بعد الضغينه والجدال |
اقتباس:
في شان بوزايد صديقي لولي=لي هو اتصلبي عبر خط الاتصال قال الكلام الزين مكسب للوفي=واحنا على شرع المعزه مالازال |
لاعرش رب العرش لاجاه النبي=لاكرسي الملكوت لي صعب المنال الى السماء والبيت واللي يحتوي=والقصر لي فيه النبي ساكن وحال لاكل اسماء الله ربي بلتجي=وبهتري في عزة الله والجلال ((واسمي))..كتبته باالرصاص الذايبي=((الخاء وبعد الف لام وحرف دال)) وعلى كذا راسي مكانه معتلي=ظاهر مثيل الشهر في القبله هلال ياولد باعمران وصلك مشجري=ياتاج راس المجد ياعز الرجال هذا خطابي لك موجه معتني=من عند شاعر جيد يضرب به مثال لجلك ومن شانك ولا وصيتني=لقفتها ,,بادرت لازين الفعال وانته قوي وانا كما الحيد القوي=ولايطاولن الجبال الا الجبال.. |
الف شكر للاخوة الشعار على التجاوب والتقدير وهذا دليل على التواضع والطيبة
ويالله ازتملوا وفصل جديد ياسامعين الصوت غزة في محن=بعد المعارك دي لها عشرين يوم والناس فرحوا في ربوعك يالوطن=لمّا الخبر جاهم بتوقيف الهجوم لازم نصلّح ما تخرب في السكن=ونوحّد الكلمة على كل الخصوم كل ماتقدّم قد تهدّم وندفن=بين العرب و الكلمة الزينة تدوم |
اقتباس:
قولوا لباعمران ياصالح ذهن=شفها المعارك مقبله عند اللزوم ولْد اليهودي قد تربّى عا الفتن=ومولى العماله جاك متردّي بلوم ماشي تغيّر خاف عاده مرجحن=يحصل ينوّد بالرواسي والحزوم والنار باترشن يقولوا من عدن=وعادها توصل إلى طاق الحموم محمد بن سعيــد بن مخــاشــن |
اقتباس:
قدها مقاله يالخشيني من زمن=لابرح المسكين ثوبه عالريوم محسود بين الناس توخذه المحن= وتهب عليه العاصفه هي والغيوم |
غزه صليبه في القور عينت عدن =ورجالهاصمدوا من نهار القدوم ضربوا مثل فاخر وعلنوها علن = النصر يأتي بالسواعد والعزوم ولذي يطبل في ميادينه بشن=ماشي من التطبيل بيشل غير لوم يمضي عليه العمر كله في سهن=ولعاد يلحق قسم من بين القسوم |
سلام
الجوهره ياصاحبي باغلى ثمن =ان بعتها في السوق بتجيك الضيوم ماغير خل الجوهره براس الدفن=غزه لها تاريخ تشهدها النجوم هي راس مالك وانت عادك عاللبن=ماتعرف الرطنه ولا تزهد تقوم وان باتكفنها نباك انت الكفن=ياناقص القيمه تشرف بالقدوم |
خالد مسى يرطن وغيره مارطن = حافظ على عزك لابغيته يدوم شوفك متتهور ولا تلعب بفن = هذه نصيحه قال شاعر للحموم |
اصل العروبه جات من ارض اليمن =عاحسب مانسمع من الشيخ القحوم والكلمه الزينه من الشينه حسن = ومكانها بين الثريه والنجوم بادخل في الزامل معي شرغه وفن =باخذ وباعطي من خباره والعلوم بلجيك عكتفي مثيله في العين =مايلتحق في السوق له سته رقوم |
لا ماعمل صاحبي له قبص الدفن=والا عسى حليه يجي فوق السنوم ذي داهل الغرشه ومخاض اللبن=مابا يجمل وقت مايجوه الخصوم |
اقتباس:
حيا وسهلا بالعضيد المتزن =حيا ببداع القوافي والنضوم الخير جانا والبشاره في سهن =مادام بوفيصل في الساحه يحوم ماليله الا بايقع ياغصن دن=وقرب بخيلك لا توطي بالجزوم |
سلام
ان جابها باللين والا بالشحن =شفها ربابه باتصيبك بالهموم ماغير خل الواحدي بين العكن=يصبر على لذع العقارب والسموم |
السيل لي مروس عاده بالسهن = عاد السماء ياناس مليانه غيوم سبع الليالي صاحبي قد له زمن = ماينتسي نلاقاه بشدات اللزوم |
سلام
الفال فالك والطهاره في البدن=وابليس بالحلتيت بايبعد وبثوم وان ماكفاه الرطل بانعطيه طن=يحسب حسابه لا ذالحن الحتوم |
فصل باقول مالليله كمى كل ليله = يومه الاطلع يصرخ علينا بصوته كال عمه بمكياله ثلاثين كيله = وان تكلم بكلمه خايف انه يشوته |
اقتباس:
غزه تباء دكتور يعرف للحقن=يعرف يداويها من أثار الجذوم اكبر عليهم شكلوا فيها العين=وتقابلوها بالقذايف والدكوم |
العفو يابوفيصل ماشفت الفصل الجديد الله يبارك فيك
|
اقتباس:
|
سلام
بالتفاهم وبالطيبه تروق الحليله=قال سبع الليالي وين شربه وقوته ماتعذر ولا بعذر رجال الفضيله=والاجاويد ماتبغاه يطول سكوته وان بطى بانلقي له بصره اووسيله=ما يطيب السمر والمربعي في خبوته |
عاد لي قول في صاحب فعاله اصيله=عالي الراس والسمعه النظيفه كروته شيخ ملقي على راسه شعار القبيله=معتزي بالضيافه والشرف في بيوته |
اقتباس:
انشهد انك سبع بارك الله فيك وابقاك |
فصل جديد ياشباب
|
باتخبر على بعض العرب باتخبر = بنشد الذيب ذي عاكر ربوع الجزيره بعد صلح العرب بوزيد هلل وكبر = والضحيه بلا عده ولامعه ذخيره |
| الساعة الآن 11:18 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir