الف حيا وسهلا بك ثلاثين مره=صوت سيبان بشهد له وهذا اعترافي
رجل ماحد مثيله مايحب المضره=رجل عاقل ومتعلم وايضاً ثقافي

مرحبا مرحبابك الف مليون مره=يالذي عالوفاء والجود لك شرع وافي
مرحبابك دخل في الصف محسوب عشره= نوّر النت بك من بعد ماكان طافي

بن مخاشن رجل باقول للأه دره=جاب لي شهد زايد شادليه وكافي
باتقهوى وبتلبس ببدله وشتره=نصرنا بان لتقولون ذا نصر خافي

ميت مرحيب يا كوكب لمع فالمجرّه=كوكب الشمس لي نوره على الناس ضافي
اشهد ان الزمل فرحت وجتها المسرّه=يوم عودتك رديت الهمم والعوافي

صوت سيبان ذكرني جبال المسره=هي كتابي وهي العنوان فوق الغلافي
ناصرتني وانا والوقت كره بكره=رب يارب تجعلها دناني عوافي

ارتكز بويماني بعد ماظم شقره=سن سيفه على ديرة عساكر ضعافي
مابظني دخل مصلح دخلها بصقره=عمٌر العاصمه من ظهرها والظرافي

بن حسن في العضيده ريت لي فيه نظره=راعي اللوله معروف طالب سنافي
مايقصر صليب الراس ملزوم قدره=نيته صافيه دايم وله قلب صافي

صوت سيبان شف نحن على صبر خره=خمستعشر سنه والجير وسط الميافي
نورت ابليس ماتظهر على كل ستره=حد يكسر وحد ينقض رصيف الحوافي

خلوا الشيخ بلحمر بخيره وشره=يخرج النفط والبترول ذي في المصافي
يوم ذا الشيخ متعلم وقد زاد قدره=بايصفق وبا يتبعه شعب العوافي