|
|
سلام
البيض وينه ووينه العطاس= هل هو مشٌرق او مقٌبل ان عاد شي زفه وشي عراس=قرب طبولك يالمطبل |
اقتباس:
ما نلبس الكاره ولبسي لاس = نتبع فتاوي إبن حنبل بعزمك يا صاحبي لا مكناس = لي غيثها دائم مسبل |
اقتباس:
سرقوا وغطسوا مثل كل غطاس = واللولي قسمه مدبل في وقتهم شاب الشعر في الراس = باعوا منيحة طفل مقبل |
هاجس معي تحتي يهز الارض هز= شبهه باردوغان هز بقعاء هزيز
لي كل مسلم من كلامه قد عتز = في تركيا وبلاد بن عبد العزيز |
اقتباس:
كأن عمر موسى من الدخان مز = وريينه انفجرت من كثر المزيز جالس على كرسي الخيانه ماقفز = يحتاج له تدريب كامل عالقفيز |
في عين بني يعرب غز العار غز =واقلوب بني صهوين غز سهمه غزيز يستاهل الناموس لاجله كل عز = في اقلوبها الاحرار بايبقا عزيز |
اقتباس:
واللي تركنا بعد ماهو قد نجز =بنجيز له اشياء واشيا ما نجيز |
هاجس معي حبه وله مقدار=في فائده والا خساره
يالي دخلتوحجر بن دغار=لا تحسفو نخل الصداره |
اقتباس:
يالذيب مالك عذر لازم تحتجز=لما تفك الرهن في مال الحجيز وان حد بلامعنى يجز الراس جز=ماهمه الفتوى تجيز او ماتجيز |
اقتباس:
قولوا لبو طارق يشب النار=مادام شب ابليس ناره واهل السقيفه شارهم يندار=واهل الوله وسط المداره |
الذيب عابوريه قد عمر ومز = قد جابله كرسي عمرمن دون ميز قولوا لبو طارق يقز الارض قز = وان جات لك حفره نقز منها نقيز |
لا ياعمر خليتني نحتار = ورفعت ضغطي والحراره لاجيت لك يمنه رجعت يسار = حدد يمينك من يساره |
اقتباس:
|
الذيب هو من خيرة الشعار = حبه نا واعشق شعاره بدحق معه في ليل أو في نهار = او بنخلط ليله بنهاره |
بالصدق باتكلم لكم مابابرز =يكفي كفى من كذب وكفانا بريز احداث غزه خلت العالم اهتز =كن العرب امطارهم دايم هزيز ماحد رفع راسه ولاواحدقفز= بطونهم كبرت معد منهم قفيز |
بنشدك ياطالب من المغوار = ان غاب باتاتيه غاره قالوا وصلنا ولد بوشنكار = بعده تهبش في المداره |
اقتباس:
الذيب لو قلتوا من الشطار = غلطان لي صدر قراره راجع حسابك قبل سوق النار= وابليس لي يولع بناره |
اقتباس:
الناس هم خبه على الأخبار = والشيخ بانسمع خباره بسويسرا ليته حضر بشار = ان كان بتجينا بشاره |
قد لي زمن عده مع الاحرار = تشهد علي قريه وحاره ماسمعت كاسيتك في الاخبار = وبتجيك من عندي بشاره وعيال عمه يفقعون الطار = كلن بمرواسه وطاره |
اقتباس:
اليوم والبارح معي سنجار=قرفين واثنعشر سجاره لا ما وصلني صاحبي لدار=انا بنفس روح داره |
اقتباس:
مابا قنعبه حارسي في الدار = لي هو انطرد من وسط داره هو عاق في اهله ولا هو بار = ما يلصلح الا وسط باره |
كلام كلام ياشعار وينكم
|
والي صغر منه وقع سمسار = شمعون بيحدد مساره ليته يحافظ عاحقوق الجار = والا يفر من عند جاره |
الظاهر اليله ماحد طربان يابو راضي
|
الجماعه ماادري ايش فيهم اليوم اخي الطامع
وانته ابداعت بصراحه كلامك جميل جدا |
لان طالب مابغى يرد علينا مارد على قصيدة الكاسيت
|
سلام
شفنا السفينه دقرت بقشار=ذا بحر يامكثر قشاره ماشي درايه تشمل البحار=ذي ما عرف مسلك بحاره في البحر كمين حوت بتار=يدرج لها تاره بتاره ما غير بانخلعك يالمسمار=والوعد لا عقبت سماره |
ذي ما صبر عا الحلو هو والقار=يارب له من رأس قاره ومن لا ينافح عا الوطن والعار=العار هو ماهيش عاره محمد بن سعيــد بن مخــاشــن |
اقتباس:
يامرحبا بالي وصل للدار = والمخشني هي الدار داره مالقافي الليله عليه البار = شفها على لساني عباره شونا بغينا من سقط لاثار = والبرق يلمع في مثاره قد لي زمن دور على البحار = غريق في داخل بحاره |
اقتباس:
وانعم والله مدها بالوار=ذا المخشني ما يخيب واره ويجيبها من روس لصبار=خل الجبل ترقل صباره |
اقتباس:
عنده حليله ذيبنا المكار=وشرحها مثل الكراره باحارثه غلبته والمحضار=والذيب من أهل الحضاره الكراره = شرح العبيــــــد. محمد بن سعيــد بن مخــاشــن |
يالمخشني صبري نفذ قد طار = مادام بوطارق بطاره صابر على كلمه مثيل النار = وهاجسي شرر بناره |
سلام
معروف بوفيصل هني وجدار=الفكر عند والجداره باعدبه من غيرت التجار=يعرف قوانين التجاره |
بدعيك لا يا رب يا ستّار=كل من خدع خلف الستاره سلّط عليه الفقر هو وِبْوار=وإكشف لنا خيمه وباره محمد بن سعيــد بن مخــاشــن |
سلام
يابن مخاشن شاهي السموار=عندك وانا عندي غضاره هت لي خبر في البيض والهدار=هل عاد في الموكب شراره |
اقتباس:
وينه أبو طارق خدع في الغار=وألا نشب وسْط المغاره شاف العرب كلاّتهم ثوّار=كلن بغا حقّه وثاره محمدبن سعيــد بن مخــاشــن |
اقتباس:
با نام قدني ... جيت لي مذعار=من يم قصيعر والمعاره ذي باع جنّب وإنقمر قمّار=غابت نجومه معْ قماره محمد بن سعيــد بن مخــاشــن |
ليمان مانفعت كمى ليسار = ضر بن مخاشن من يساره قدها طريق الكلب عالجزار = بثوري بصر ياهل الجزاره |
اقتباس:
في نشرات الأخبار عن غزّه أصبح من المألوف ظهور عربات الكرّو التي تجرّها الحمير في الشوارع: تاجر وفقري كلّهم ( فـ ) دْمار=وإللي ببالي با دماره شوف طين غزّه صابه الحِمّار=وعربات تسحبها حماره محمد بن سعيــد بن مخــاشــن |
اقتباس:
قانون للطِّلْبه بغا تبصّار=حتى الشحاته بالبصاره وجراب عا كتفك بغا صرّار=لك غرْس في هَلْ بازراره بحبسك شفني داخل المسيار=حتى ولو عندك سيَاره سِـيَـــــاره = أي لو معك سيّر. وآخر السمر طيط طيط حسب المثل المصري ( معاد با نجيب المثل الحضرمي ). تصبحون عل خير محمد بن سعيــد بن مخــاشــن |
| الساعة الآن 07:27 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir