|
|
اقتباس:
يالواقعي هذي السنه زلزال زلزل بالريد=جانا وجاب الموت قباض الحناجر والوريد
|
اقتباس:
دقت نواقيس الخطر لاياو لد قع لي ولد=كلمك جد وانك مكذبني تخبر بو وليد
|
اقتباس:
خايلت وخيالي على ما كنت باخايل بعد=جات المخيله مقربه ذي كنت خايلها بعيد السيح مرحومه ورحمة جات ايضا عالمقد= وسيول في وادي عمر باتقددالوادي قديد |
اقتباس:
جابو المخالع والزبر والكير عاده مابرد=وخبار مسهونه بطت يا صاحبي عند البريد مبعد عرفناهم صوغ لي جوحنا والا حدد=وان كانها الا هكذا ماشي ذهب ذلا حديد |
اقتباس:
ياما تخبرته ولكنه تجاهل بالعمد=من بعد ساب القياده وامرجيشه للعميد
|
اقتباس:
من جاه شي يصبر الى مالقا لها غرضه وشد=والفرصه الزينه دنت ان كان حد باسه شديد شلوا وحطوا واعملوا مادام راعدها رعد=والا استكينو للذي في جوكم يرعد رعيد |
اقتباس:
قد لي سنه فوق الوقى ماحد على حالي نشد=كل ما سمع جاري وننيني يحسب الونه نشيد لا كن وردي معديه تبدا من الفم بالثرد=والله ماخليه يتهنى بوجبات المفطح والثريد |
اقتباس:
لاما قبض عينات والريده وروس الباعبد=مابا يشل محروس لي هان القبائل والعبيد
|
اقتباس:
ما مصيبة الا نسان الا الجار ملعون الكبد=لي مايحس باللي عمد خورته يكبدله كبيد عامد بند وحده وخلق الله في الدنياء بند=اصقع جهر ماشاف لي مكتوب في الخط البنيد |
اقتباس:
عادات له منذ زمن كل من تبع شوره شرد=ما زبن الابطال ذلا انذال يلجوله شريد يستاهل الهسفات لي ما يمسك الا بالقدد=كل من تمسك بالقدد بعد الثمد ياكل قديد |
ضعنا وضاع الحق كله حقنا عن بوحمد=حاميم قاسم مشترك في اسم احمد او حميد غنوا على المدروف لكن ماسمعناحد قصد=والا على المدروف معنا ياعمرشفنا قصيد |
اقتباس:
الواقعي مليون كامل كاش في بنكه رصد= كل من يجيب الجوهره من هام يعطيه الرصيد صادق مع نفسه وعلى ماقال شفني باشهد=ونا معه باشهد وربه عده من فوقه شهيد |
اقتباس:
ماشئ بلا اسباب كل حاجه لها صدّه ورد=والأدمي بيقول جم والله يفعل مايريد ذي منه ماشئ بد من ذلحين قم منّه ابتد=لاتؤخر الموضوع لما ينقطع حبل الوتيد |
اقتباس:
معروفه ابواب الديم !! شباب يسعى للرشد=من ساحة التغيير قرر ترجع ايام الرشيد يعرف من المخلص ومن لي ينهب ارزاق البلد=ولعاد حد يتبع علي الا غبي والا بليد |
اقتباس:
لاتحسبونه كل من غناء في الدنيا قصد=شف بعضهم قوله وما يلقيه بن عم القصيد من لا ذرى موسمه حبه صافيه ما بي حصد=واحنا بنا خس المذاري منها نحصد حصيد |
اقتباس:
ماباسمح لك فوق كلما قلت عدني بالزيد = قف عند حدك في المشير الرمز كلمه لاتزيد ماحد مثيله وحدوي من بد عالمه انفرد=ماحد خلق في الكون مثله شخص من نوعه فريد |
اقتباس:
يا شاعر المليون ماحد يارفيقي مثل حد=يهناه مولى الصدق لي عالصدق باقي ما يحيد من قال ينجى الفهد لي في يومه الاول فرد=والشبل لو حصل رعايه ينقلب مارد فريد |
اعذروني كثير مشاركات تروح عليه النت معصلج معي والجهاز يطفي شيبه كماي هههههههههههههههه لعد يزعل بن مخاشن يحسبني عليه
|
اقتباس:
انته تباني حط سمني فوق هالي والزبد=وانا محنك حضرمي مانا زبيدي من زبيد بيدك طرحت الطعم واسباب الخساره والفيد=لاباس ساعه با خسر عندك وساعه مستفيد |
مساكم الله بالخير جميعاً أيش هذا الشنطبه أعذروني على التاخير وشوفوا لنا فصل جديد |
اقتباس:
;kis |
اقتباس:
لاتكون ذه صورة بن مخاشن اللي حطيتها مسكين والله شيب بو صالح ايش اللي سوى فيه كذا |
اقتباس:
العتب عالى النظر يابو طارق ايش لي سوى في عيونك انت كذا :FRlol::FRlol::FRlol: |
اقتباس:
برأسك الليله |
الذيب شوفه ماطرب عاده مضيع للفيد =ماشي على ماهو متمي من خسر بايستفيد انته عليك البارفي مجلسك وعليك العمد=والواقعي رتبته في المجلس كما رتبت عميد شاعرمحنك محترف عنده مقاليد السدد=وان جيت له للرأي رايه ياعمر دائم سديد وان قد وعد يوفي بوعده شفه نفذ ماوعد= تلحقه حاضر عاوعوده مايخالف للوعيد |
باقول لكم قصه شوفوا المدرف لاتعب قال ياجماعه ولد من هاذاك الولد مشبه عليه على ابو فلان وينسبه لبوه بس الرجال يبغي يؤخذ نفس هههههههههههههههههه
|
فصل عسى يعجبكم
مخيله مقبله ياطارف أرفع من غواربها= لعد تبقى في الوادي طلع روس الجبال السود وبدو النيد لاماحيقوا وأخلوا مضاربها = مع الطوفان بيروحوا ضحيه ياعمر محمود |
اقتباس:
كلاااااااااام يابوعبدالله لكن الى دخلو متأخرين يبون فصل جديد بروسكم يالعقال :FRlol: |
اقتباس:
تمور القطن نعرفها ونعرف عن شوايبها=ونعرف تمر وادي عمد جانا نثر او ملكود ذهن بعض المساري في طرق مكثر عقاربها=ومن سم بعضها ياكم فتا يالمشجري ملحود |
اقتباس:
طرق وعره سألني عنها شفني مجربها=دحقناها في الشبه بلا شاهد ولامشهود ولما قلت الهمّه ورك العظم حاربها= وماهونا لوحدي او محاربها عدد معدود |
اقتباس:
الى ابتعدت عسى المعبود من عنده يقاربها=وترجع مثل ماكانت بحق الواحد الواحد المعبود ولكن قبل ذا تبغاء عرب تفتل شواربها=وبعده صدق با نجني عنب حالي من العنقود |
اقتباس:
كلامك يعجب الجاويد لي تفتل شواربها= وكل شي تحسبه والجود يالشاعر من الماجود مكايين الخطر من سمح قدنا مانقاربها= ولمشي حيث مانامن ولاندحق على الممدود |
معد شئ زين في مشرق ولاشئ في مغاربها=من قناة الجزيره بات شوني ياعرب مارود
|
اقتباس:
شمال الشرق يعرفني وتعرفني مغاربها=كما معمر في الخيمه معي ضباط جم وجنود واهل الصيد معروفه بما هو في قوراربها=لخم والا سمك غوده على سنبوقهم موجود |
اقتباس:
عجوز ابليس في الدنياء وجب انا نحاربها=سبب كل البلاء والبهذله لي في عرب وهنود
|
اقتباس:
اذا كانك معك جندك وارضك باتدربها =لحالك مايخلونك عيال الشرج ياباعبود زرب عاحيد مهدي والسددلازم تزربها=ولازربتها من بيدخل لادربها مسدود |
اقتباس:
معمر لي تبا مثله اذا حل دار يخربها=بنينا بيننا وبينه حواجز عاليه وسدود ذبور الكسر لا شربت محال الناس تصربها=ولكن شربها هذي السنه لاياعمر محدود |
اقتباس:
عجوز ابليس شمطاءهمها الا تخربها=ومن عاكيدها يقدرقنابل عندها عنقود ولكن القدر من فوقها قوته تضربها=ونفتك منها هي والخبيث الكافر المصهود |
اقتباس:
امم يالواقعي منّه لها شفها مآربها =محبه فيه ولغيره محبه امرها مبعود عطيتك سر والأسرار اوعى لاتسربها=حفظ سري معك لما نهار القصد والمقصود |
اقتباس:
معك خير المراتب معتلي قمة مراتبها=ومثلك ياسعيد المشجري لازم يقع محسود مكانه لك وسط شعار مختلفه مشاربها=وفي عذب القوافي لك صدى واصوت جم واردود |
| الساعة الآن 06:17 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir