فري معي ومعي كما خمسه نفر=لاتقول واش يبغاء هنا واش جابه
بوصقر ياصمصوم لا سير ومر=كل البشر تعلم وبه تدر ابه

يامرحبا مليون ياذيب الغمّر=شف خوك متنكد من الي سابه
خلاه في رمله يدحق فالغدر=ونا عضيده ساعة المحرابه

صاروخ حسني قال قد صاب الابر = وان قد تنصع في الجبل ما صابه
و الامر جاهز في السفارة قد صدر =ضحكت سني.قال حرر طابه!

يابومجيد الطقس به كتمه وحر=كلاً ترك شغله وكلاً سابه
حتى العسل ذا اليوم به عثه وقر=سعره نقص في السوق للجلابه

حسني يبيع الهرج مامثله بشر=مصري ونص شعبه معه نصابه
وانتها فهمها يارفيقي بالبصر=ماهو تقي كل من وعض محرابه

الكسر عاده قال شاعر ماجبر=من ذي غزونا كلهم نهابه
صيّحت في بوصقر لاكن ماقدر=صاحبه ملقي له حنش ف اجرابه

ماساير العياب دي شرعه قصر=لاني مجمل بين كم من لابه
حل الدرك باروت وتناذخ شرر=والدم له زمره معي شرابه

بو صقر لاحظ شفك دقيت الوتر =خلو فري يلقط ملا امسابه
و الصقر قالوا قد نفض ريشه وفر =يا ريت يقرب با مسك مخلابه

بتشوفني لاتصاقبت روس البقر=بهري بربعي كلهم غلابه
ذي يوخذون الفيد من سوق التجر=ون حد غلط بايحلقون اشنابه

ماضن ياصمصوم عاروس الشجر=عطهم شرم احسن وهم صرابه
ولا على حرمل وساعه عاعشر= مالهم ولك بالحرب دي شبابه