يامن لقيت الساس عاحيد الرضم=انستني وارحبت يالشهم الاصيل
مثلك ومن يشبهك قد زل العلم =في المرجله مانته شوي ولا قليل
والهندوان الزين جيته والنشم=والحب من فرضته والكايل يكيل
ذلا على المهتوف ذي عتب وذم=فاهل الهضاب العاليه هم والسفيل
من ذي عرفته من على صفته كم=لامه وكم انبه عاخط السبيل

ذافصل ياصحاب المبادي والهمم = يالي لكم تقدير جم ماهو قليل
عاشانكم قد جيت حافي عالقدم = ياهل الكرم والجود والشرع الطويل

لأنه كلامك زين يشفي كل ألم=ويبري العله وما مثله مثيل
عيبون يالنشمي نعم يالمحترم=لك قدرعندي جم شف ماهو قليل

لاياهلابك ياهلا لايانقم= ياحامي(ن) صنعاء صباحك والمقيل
عاد الركيكه ماسلخها والدسم= باقدمه للشيخ من قبل الرحيل
هذي عوايد راسخه منذو القدم= الضيف غنيله ونطبله طبيل
موروث من جدي ومن خالي وعم=وتوارثو العادات جيل(ن)بعدجيل

جات المصايب صوبنا من كل يــم=وقعت فتن بين المعلم والقبــــــيل
ياكم باتحصي وكم باتــشوف كـــم=مادامها عاروسهم تزقل زقـــــيل
صبحت حوال الناس ممزوجه بهم=مثل الغريسه والمذنّب في النخيل

الشاحطه قسمت وقالت أنت ثم=هل بايراجعها مجمل أو جميل
وكلنا الا أخوتك وولاد عم=حد قسم له وافر ونا قسمي قليل

ماعذر لك ذا اليوم زم الحبل زم=من شان تضهر في قبيلة بن عقيل
والحبر عندك حط في جوف القلم=لا تسير لي صكه تقع ولا بخيل
مابغيت شوف الذيب يوكل في الغنم=والراعيه تشرب جفل وبزنجبيل

الهيج لاقد ضاق ياصاحب لطـــــــــم=فك الجمال المنيبه خلها هميل
والذيب له مخباط ياصاحب فهــــــم=مابي فزع من حاشدي ولا بكيل
دامك معي عالخصم بانشعل ضرم=بالقي محارق وخلها تشعل شعيل