|
|
قرص البغيه لي مسى مختوم = لعبوبه اولاد المعسكر والعود لي قالوا دواء المزكوم = كلين منه قد تعطر |
يابن مهنا هت خبر واعلوم = بنشدك من عزه وشمر من قبل لاتشوف الحسب عالسوم = نبغالنا حنضل مقشر |
اقتباس:
قل العمود كل شي مقسوم= وانت قبــل لاجا مقـدر واليوم ما باقي ولا صمصوم= والعاصمة صار مدغشقر |
اقتباس:
يالي تناضر في السماء لنجوم = بنصحك فيها لاتفكر خايف من الرمضاء على المغروم = لي وسطها قد تعكر |
قولوا لخالد ينصفوا المظلوم = ماشفت حد منكم يقدر يومك قفا العقرب وصلت السوم = وش فيك طبعك قد تغير شفني من الليله نويت الصوم = مادام حالي قد تكدر قد طار من عيني لذيذ النوم = ولعاد ينفع اي مسمر |
اقتباس:
هههههههههههه00 الله يسامحك
|
سلام
من حقدهم كيس الذره مقطوم =نصه ومالباقي مطير وايش بايضفه لا كلته البوم=والا غراب الحسف لعور من لا معه في الوصف تقدوم=ما بابيقع من غيره اشطر قدها مقاله من زمان اقدوم=من لاعرف للبيع يخسر |
واليوم نا في بحركم باعوم = لما نجيب اللول واكثر زرع العرب من غيرهم مصروم = من بعد ما يزهر ويثمر |
نبغى فصل جديد يالربع
اظن هذا الفصل ملان حقه معه |
فصل على شان ابو زايد ان شاء الله يعجبكم
يا سلامي عدد ماينكتب كل محضر=يكتبونه رجال الامن وسط القياده وعد كل من كتب و في دفاتره سطر=والقلم باركل مابا يخلص مداده |
اقتباس:
الف حيا بذي سلم علينا واشر=والاشاره لبوزايد قوي الاراده وانعم بك ولبوزايد ملايين واكثر=الرجاجيل تستاهل عظيم الاشاده |
ألف حيا بمن جانا بغى بيتسمر = الف حيابكم ياهل السلى والسياده قل لسبع الليالي وينه اليوم بخضر = او رقد قد لقى من تحت راسه وساده |
اقتباس:
بخضر اليوم يابوشيخ قالوا تعذر=وانشغل بالمدارس بايوصل ولاده اختبارات هلكتهم ومنهج مزرزر=بانشوف النتيجه عقب تاتي الشهاده |
سلام
ما نباء النوم قل له لبس ثيابك تعصر=لا يفوتك سمر فيه النسم والسعاده الزوامل تغذي الروح والقلب يخضر=لجلها كم وكم مخلوق خاصم رقاده |
اقتباس:
بكره الا اجازه يالزعيم المؤقر = عطلوا في المدرس لابغيت الافاده والتلاميذ ذه ليام تلعب وتسهر = وانما البعض قد روح زيارة بلاده |
اقتباس:
انا عندي انترنت فقط في العمل وجاء الفصل الجديد وقد خرجت من العمل لانتهاء الدوام والمعذره على التاخير مرحبا بالكلام الزين ذي قد تصدّر=من لسان المكرم يستحق الاشاده لا ظهر شان شد عزمه تعصّر وشمّر=يسبق القوم يصحاب السمو والرياده |
اقتباس:
هكذا الناس في عطله وهو ماتخبر=ماهقيت الخضيري بايطول حياده وانه الا علينا يالعمودي تكبر=قله الكبرياء لله ماهي لعباده |
اقتباس:
|
اقتباس:
مرحبامرحبا بالسبع ذي ماتعذر=فالمواجيب يظهر فوق صهوة جواده راعي الاوله دايم ولابعد تأخر=انشهد انه كلامه فيه سكرزياده |
اقتباس:
يالعمودي على الترحيب يالقرم تشكر=من وصل عندكم يا شيخ حقق مراده منتداكم ترى طيب ومن جاه يشعر=كنه ألا وسط بيته وداخل بلاده |
لا سمعت المنادي اذن الله أكبر = قول لبيك ياخواني عاداعي العباده غبشة الله نسرح نطلبه ماتيسر = وان ضوى الليل نرجع حسب مالله اراده ومن تخبر علينا قله اليوم تشكر = عد ما قد نطق مؤمن بقول الشهاده |
اقتباس:
والبقى يالمرحب عدمالغيث يمطر=شف شهادتك ياصالح وسام وقلاده كل شاعر يحب الشعر لابد يسهر=والزوامل تراها مثل شربه وزاده |
عاقل القوم غايب عدت ايام مامر = بنتخبر حلول الشام واهل الرماده لا وصلنا خباره عندي الحال يستر = وبنجني الزين دايم ياخوه من حصاده |
ما سالتو عليا يوم حالي تكدر= ليه تنسون ياصحاب السمو والسعادة والعمودي وسبع الليل والطامع اخبر=ان ظروف اليمن ما تستحق الاشادة كلما قلت باتقدم بخطوه تاخر= رغم شعب اليمن دائم يجي في الريادة |
اقتباس:
كل ماجاك يالصاحب من الله مقدر=لوهي الا خير كلين يبغاء مراده كان كلين عاسطح القمر حل وعمر=لكن الوقت له حكمه واكثر زياده |
فصل ياشباب
|
فصل
ذا فصل والثاني على باب الوكل=بالله بتوكل وهو نعم الوكيل ياصانعين الجود ياذيك الدول=هل عاد شي تاريخ للزام الدويل |
اقتباس:
يعجب كلام السبع ينطق بالجزل = بطلع انا سعفه للحيد الجزيل من طبعه الناموس عمد جنبه وحل = يالله تجمعنا ولاشي مستحيل |
حيا بليهو ياصحابي قدقبل = السبع لي جاب المعلم والقبيل تاريخكم ولا مع اهله رحل = ليهو بغى التاريخ يعجل بالرحيل |
سبع الليالي حيث ما وطن وحل = با يكرم الضيفان لا حل الحليل حبه وله مقدار عندي لم يزل= ما با تؤ ثر به الليالي والمزيل |
اقتباس:
الزام لوّل قل لسبع الليل فل=واليوم عوّد أبرهه ومعاه فيل ولعاد شي في المزرعه مسوى البصل=وباقي معك وسْط المداره با بصيل محمد بن سعيــد بن مخــاشــن |
اقتباس:
با مرحبا الفين ذا القانص وصل000 شي وعل جابه او لجهز له صميل والثانيه رحبت في ذري العول000 فدعق علي وحولوا ماطر وسيل |
اقتباس:
باقول للقناص خليلك وسل = من قبل لاكل شعب في الوادي يسيل من سمح في الميدان نضربك مثل = ولاشفت للقناص في الدنيا مثيل |
اقتباس:
حيا بومخشن يوم انه وصل = حيابكم من عمد لمان الوصيل هيا سمر معنا ساعه لاتمل = والا انا باجيك بقطع الف ميل |
اليوم صبغي يا صحابي ماء و خل=من بَعدِه الأقصى ومن بعد الخليل والله أنا مكسوف وش قُل للسّقل=من جنس يعرب زي معمّر با إستقيل محمد بن سعيــد بن مخــاشــن |
اقتباس:
يامرحبا بالقول من صاحب ودل = عالجود والناموس افعاله دليل من سمح راعيها ولاعمره بخل = راعي الكرم دايم ماشفته بخيل |
اقتباس:
والله معي ميعاد يا شيخ العُوَل=حِبْ الغناء ما حِبْ نسمع شي عويل والقول خيره شفه ذي قلاّ و دل=والعلم عندك شيخنا وإنت الدليل محمد بن سعيــد بن مخــاشــن |
اقتباس:
أخي القناص ... أولا شكرا على المكالمة وعساك شفت الصوت الجديد في الدان. ثانيا (( دل )) و (( دليل )) تكررت معك ومعي!!! توارد خواطر لأن مشاركتي ومشاركتك نزلتا الساعة الواحدة وثمان دقائق بعد منتصف الليل. يا بلكرم والجود يا عزّا و جل=يا من خلقت الكون يا الرب الجليل ترزق أخي القنّاص عد طش السّبل=وإلهمه فعل الخير وإهديه السبيل محمد بن سعيــد بن مخــاشــن |
اقتباس:
لوكان معك كرسي مثيلين الدول = ان كان مافكرت في الحصن الدويل لكن معك سكين تسحت عالصمل = اما رشخ والا عمدتك بالصميل |
اقتباس:
طبعي ونا القناص ماحبب الزلل = في حدود مقناصي ماحب النزيل صميل عاكتفك لمشطك والقلل = بلجيك عاكتفي بعد لاثم قليل |
| الساعة الآن 05:33 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir
