|
|
اقتباس:
صاحبي به عد النجوم الزاهره=واسمه سمي ماهو مسلم بازهير ]ولاهو من ذي يقطعون السابره= لكل حاجه شفه ملقي له سبير يابومحمد خل بقعه ساتره=مادام ربي قده ساترها ستير وعسى بحسن الخاتمه والمغفره=قولوا معي آمين يالجمع الغفير |
اقتباس:
آمين يارب من للذنب غيرك غافره = باب الكرم مفتوح ما حال دونه غفير علايم يابونمر نا شوفها ظاهره = وبايبان كل مخفي وبايظهر ظهير والبنت رموها وهي بريه طاهره = هم من راسهم لا ساسهم بغوا تطهير ذي لعبه بينهم اصلها مقامره = ومن دخل معهم بايقمرونه قمير |
حيا وسهلا بالرجال الضافره === شعارنا ليهم خبب ماحد يسير
كلن يقدر صاحبه ويسايره === واتعاونو واتكاتفو عاكل خير نحناخوه واعيال عم ومصاهره === والدار واحد للصغير والكبير الشيخ والبدوي ومن قد جاوره === والهاشمي منا وفينا يابصير الصيد جافل والقنيص اتعاصره === والعيلماني كسبهم ماهو قصير والعفو واجب يالوجيه القادره === ماحد نهب ناقة ولاحتى بعير |
ياحد من الوادي شعارك باهره====== تبهر بها الدنيا شعارك ياصهير
أنته البطل دايم وكلن خابره ====== قد سجل التاريخ بأقلام الخبير حتى العلم فوق السقيفه شاهره===== حتى زاملكم قد أصبح شهير مابونمرياناس حباله قاصره===== يطاول على نفسه ولكنه قصي جاتني ماليوم منه نافـــــره ===== قصده ومقصوده ينفربي نفير ماسمعنا منه كلمه عــابره===== ولو بغا العداله بانعدله ببعير |
الغازي الليله حليله حاضره === مسرعه جاوب مايطالع بالنضير
قد قال قوله ليجي من خاطره === طيب يحب القول من عاده صغير لاتنشد الاعا الرجال الشاطره === تغزي بهم ركاب ولا بالمسير والضرب مانبغاه تحت الخاصره === شف بونمر مقدا رله عندي كبير مرحيب بالشعار لي فالباخره === و لا بسياره وطياره تطير والعفو من زايد وكلمه قاصره === كل من سرح يضوي بشرولابخير |
ياحد من الودي تبعت القــــــاطره = = = = = تركت في أهلك من شان القطير
من سعف للضرب رصاصي نافره= = = = = نعرف مكان الضرب يالراس الفكير والي يدور على المخوه نسايره= = = = = يلقاني قدامـــه في الشده اســـير والبير تحت الدار شفني جاهره= = = = = بسقيه في البكره وساعه في الهجير والعفو يوصل للنجوم الزاهره = = = = = تستاهل التقدير يالنجم الــــــــزهير |
اقتباس:
وكيف با نلقي إذا إبن الكافره=سيطر على أبوات الصَغير والكبير؟ إلمرت قالوا قد بنى في القاهره=وعمّـان والدوحه فيا قهري قهير المسأله يا خوي مهي إمناصره=شفت المصالح هي تحدد كل مصير يا إما خضع يا إما قلبها مناحره=والطعن قم وإلقيه في وسط النحير ولا تظن لو كانت لسانك ساحره=والشهد من مثناتها يقطر قطير با تحرر المقدس ومعها الناصره=يا بو نمر ذا حلم من بعد الشخير محمد بن سعيد بن مخـاشــن |
اقتباس:
الله اكبر عالوجوه السافره =من رئيس الوزراء الى عند السفير اهل المكوده والعمال الفاجره =ذي فجروها بيننا الله يجير ماهي محبه ياإبن موكا نادره =ذا بغض واضح للموظف والمدير عالشرق لوسط من زمان التتاتره =وعلى الجزيره كل حد ينتر نتير بغداد قد راحت نصيب الساحره =والقاهره خيف يسحروها سحير لاماحصل توحيد صف ومبادره =يمكن تجيب الطيبخي واللي يدير |
اقتباس:
ما فهمت قول إبن النمور الكاسره=واليوم كل شاجع غدا قلبه كسير وهمّـهم لا في القدود الآسره=كلن لليلى قد صبح عبد(ن) أسير من يتبع المبدأ فحربه خاسره=وإللي ينافق يفرشوا له عا السرير قد قالها القرآن: كثره كاثره=ذي يتبعون ألا الهوى ... الناس الكثير محمد بن سعيد بن مخـاشــن |
ام البلا اليوم للايادي حاسره = لضيوفها قامت وفرشت الحسير للكل معروفه واصلها فاجره = من العرض القبلي لمان الفجير لامعروف يعقها ولا المعاشره = لا ذهب محسوبه ولا حتى عشير |
| الساعة الآن 06:45 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir