|
|
سلام
اقتباس:
زاد خوفي عليك خايف تروح المصحه=ياعمر ماسخابك وانت نور السقيفه انت عند كما جعفر وخالد وطلحه=في المعارك وفي الغزوات سيفك بسيفه |
بعد اذن الشعار
اليوم واليله نبا مأخذ ورد = وسط السقيفه بين حمران العيون يا خير من ليله ولد فيها حمد = صلوا على المختار ياذي تسمعون ذكر النبي وآل يطير بالنكد = وأهل النفوس الطيبه به يسعدون اسلام بريح المسك مع كادي وند = للمصطفى يبلغ وعيدان الدخون |
اقتباس:
الفي صلاة الله عدد ساجد سجد =وتعداد لي هم في الصحف يصفحون وتعداد مافي الكون من كائن عبد=ربه ونص الليل قاموا يقنتون |
اقتباس:
|
ليلة ثنعشر ذكرهاالطيب ورد =بولادة المختار لوماتعلمون شرف على الدنيامحمد واجتهد=جده معه رباه اخير مايكون وخلفه بوطالب محل جده وشد =الأزر به بن خوه من بد البنون حتى كبر عمره على نفسه اعتمد=ورعى وتاجر لن صبح سيد لكون |
|
سلام
توبوا الى الله ياجماعه الى الابد=ماشي كما التوبه ولا حسن الظنون وتوحدوا وتكاتفوا يدا بيد=ولي ما اهدتوا يارب عساهم يهتدون لبواب مفتوحه ولا باب انقلد=لا مال ينفعنا ولا ينفع بنون |
واجب علي صلي مائه والفين عد = عالمصطفى الهادي واله اجمعون ياخير من ليله ويالطامع بجد = فيها خلق طه سيد المرسلون باقول مالليله وياشاهد شهد = المخشني غايب مثيل الغايبون يهوين ثم يهوين علينا قد شرد = عنده عرب ماليوم قدهم يذبحون عنده عزيمه قال بوفيصل حمد = هذا زواج ابنه عساكم تعرفون يابوحمد ماشفت نا كرته ورد = ياريت قدرنا مثيل الحاضرون |
سلام
الله يبارك في البنيه والولد= الله يبارك عالذي هم يعرسون ماليله الا بن مخاشن يرتعد =عامد بباب القصر يرحب بذي يجون |
العرس باقي عليه كم يوم يقولون بس المخشني يحضرله
|
اقتباس:
صلى عليك الله ماحط البرد=ياخير خلق الله يانور العيون قد حاربوك اهل الكايد والحسد=واغشاهم القادر فهم لايبصرون والمخشني لوكان كرته ماورد=قل العمودي ناس بايتدخلون وعدالته لازم تقع يد بيد=او خاف عاد العرس لاتستعجلون |
بين الاجانب هم وحلان البلد= مشكل بغيناكم تجونا تفرعون وان كان ما جيتو نبا ندا بند=حبه بحبه ضرب ما بين العيون |
اقتباس:
من ذي هو الغلطان ذي سبر وهد=قل لي وانا باجي مع ذي يصلحون ان كان غلطوا عالاجانب بالعمد=الحكم بايصدر سوى كثره ودون وان كانه الاجنب غلط عااهل البلد=حكم الحكومه ياعمر يترحلون |
اقتباس:
|
اقتباس:
خمس وسدس واستمع يا بن حمد=كلن عرف لا تقول لي ما تعرفون مبغيت شي من لحم نا قة با عبد=لي منه اصحابي يباتو يا كلون ولا بغيت شي من عند بن عبد الصمد= ما جاب شي غير المشقه والشطون والكذب والتزوير جابه بالعمد=كذبه قفا كذبه وانتو تصدقون الصدق با قوله ولا بي شي قهد=ماشي مكاسب والسرق يتسابقون من لي في احسابه كثر من ذا رصد=والشعب في حاله وهم يتبرطخون |
ذا فصل يالهاجس بدع مشكور = ورد لنا من كل عينه وان كان حد باينكر المنكور = والا فسحنا في المدينه |
اقتباس:
اظاهر الغله مع الجمهور=وقروش ذهبيه ثمينه ماشفت حد قرب ولا بيدور=ولا حد تنباء عالمكينه |
يالسبع لاتظهر لنا المستور = ارجوك خل بقعى دفينه لاتخلف الطالب من الطابور = مابينجح طيلة سنينه |
اقتباس:
ماقصدي الا نجبر المكسور=وتعود كل طينه لطينه الحال متزرزر بطئ مزرور=واهل السلاء بصوات زينه |
غلطان ذي بايطلع المقبور=مقبور مايحسب سنينه واهل القرى وسط المدن طابور=غصبا تراهم بالمدينه لما متى والحضرمي محضور=محضور من ذي كاتبينه اما يسافر داخل البابور=ولا يدور له سفينه لعمى معد بايقلب الناضور=باقول ربك بايعينه والهرج شله مننا محزور=والحال ربك بايزينه لوماعثر بايسقط المعثور=والخوف قد كبر ريينه |
يهل السقيفه داركم معمور = يابخت ذيهم ساكنينه ولد العمودي شيخنا المشهور = والسبع ذي هو عايمينه قولوا لهم من غير الدستور = اليوم زادوا معارضينه والي مكذب قد صبح مقمور = شاف الخيانه سد عينه |
يا سلام على الشعر الزين والكلام المقرع هذه المساجلات من افضل شي رايته فالسقيفة وين الشاعر ابوراضي فقدناه كثير هل هو مازال بحضرموت مسافر نتمنى له رحله سعيده وشكراااااااااااااااا للجميع
|
حالي مكدر لي سنه مقهور= شبه الذي هم ساجنينه والعفو خلو حالنا مستور=يالي سكنتو في المدينه |
يهل العضيده والزمل والهوك = النتن ياهو يرتجي باراك خطط وعازم بايصل لتبوك = من بعد مادسم لحى الأتراك والخط سابر سدهم مدكوك = ويل العرب ويلاه من هذاك ياراس عالي غصب بيوطوك = وان صحت مهما صحت ماحد جاك لي بعتهم بالأمس بيبيعوك = هذا كلام الصدق ما يخفاك |
سلام
ان با تنا قد عالعرب حبسوك=وان باتعارضهم عطوك الشاك وان جيت تصلح بينهم عادوك=مافيهم الغيره ولا لدراك |
اقتباس:
|
يابن حمد ربعنا لاجوك = حكم رباع الدار في بمناك خلك حكم لامنهم القوك = لاتستحي من ذا ولامن ذاك |
اقتباس:
وباقي الشعار مايهونون |
اقتباس:
ان صحت او غفلت مالبوك=خلوك غارق في غبب واشباك وان ماتلاقي لك بصر تركوك =تهمع مع نفسك كما لدياك لا حكم ينصف لك ولا يعطوك=حقك ولا نشدوا على مضواك |
سلام
ان مامعك شي واسطه نهبوك=يا بن حمد دور على مجراك ماشفت شي عادك ولا رووك=ولا قد وصلك الدق والدكداك توكل في المندي وفي المريوك=وبالليل تسمر في هواء مغناك |
سبع الليالي ربعنا خلوك = حتى رفعت الصوت ماحد جاك وان شفتهم يالسبع مايبغوك = وانا معك يالسبع مابنساك |
قولوا لبو زايد دخل ارجوك = وسط العضيده شوفنا نبغاك شيباننا سرحوا قدى مبروك = عاوصف ليلى جالسين هناك |
هت فصل يالشيخ والا السبع
|
انت تريض يا علـــــي **** في الهرج شفني باعطي
عا القول دايم بابنــــي **** كل عيف بيحصل جــــزاه محروم شفني من بطي **** عا الجمر صابرمشتكـــي يكلون في ناجح ونــــي **** كلين لاقي مشتهــــــــــاه الذئب يأكل عا الظبــــي **** في الغار شوفه مختبــي ياريت عاده بيشتبــــــ ي **** بالنار بعطيله مـــــــــــلاه والجيد ذي قلبه نقـــــــي **** دائم على عرضه حنــــي ماطاع شوفه يشتـــــري **** بالمال ذي باعه لخـــــــاه مطلوب منك ياعلـــــــــي **** بالهرج هذا تقتــــــــــــدي الزقر ذا ماهو غبــــــــي **** مرسول من جده وبـــــــاه |
عليك الفصل يالطامع
|
فصل ياشباب
|
سلام
اقتباس:
تسلم تراحيبك ويسلم فوك=ياشيخ مانبغاء سوىالا رضاك بيدك وثايق للزمل وصكوك=ارواحنا يابن حمد تفداك |
سلام
ذا فصل ياحيا ويامية سهلا=بالمقدم صليب الراس راعي المكانه العمودي عن اصحابه ابد ماتخلا=يوفي الكيل بالمصرى ويعدل وزانه يشهدوله جميع الناس لي في المكلا=بالشرف يشهدوله والوفاء والامانه |
مرحيب ياسبع الليل
|
سلام
الاراضي قرب مليون وصلت وأغلا=والوثايق خيانه كلها في خيانه من معه ظهر مستقوي لقاء ما تمنا=ماتهم القوانين البقش في ثبانه |
| الساعة الآن 04:10 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir