سحب صاحبك يا وزران من قدامنا حِده = ترى ليث الخطم با يصبحه ملسوع
ولاله علم قط بقريش خله يمسك العِده = يقهوي من حضر ولا يضْل ملطوع

انا وزران ياذيبان عندك ساعة الهده=ولا افرح غير لما شوف شمل اصحابنامجموع
معك با سري وعا واجبك كلن بيبذل جهده=وحبل الود متواصل معك ابدا مهو مقطوع
وهذا الوقت تعبنا رعى الله زام بن كدّه=زمانه زين ياذيبان عارغم العطش والجوع

ترى بعض العرب ينشدويتاكد من النشده=وفي وقت القسم مبعد بدر له قال شاعر روع
ومن بعض البنادق تسمع الكرحه مع الرده=وذي مبعد فهم خله يحب الكف بعد الكوع

وصل وزران يصحابي ويتذكر زمن جده=حناش الجيف ماباترتقي خل السفوع
وبن كده سرح وتبعه بن عبدات ذي سده=وجو نحنا عرب فيهم الضما ولجوع
على السمحات جو نحنا مواترهم على الحده=معاد شي فايده فيهم قصار اشروع

علامك يبن يسلم ضعت بين الصيم واللكده=تلخبط ليه ياصالح مبين الشهر والاسبوع
ترى البلجيك انا نعرفه من قرحته والرده=وخصه لو بيد قانص كما سليمان بن مزروع
انا عرفك تميمي والتميمي لو مسك حده=يموت ولايسلم عهدته ويقول لك ممنوع

بغينا من نعس من تحت راسه يلقي امخده=ويجلس نيم يا وزران خمس ايام من لسبوع
انا مالي وما له ذا ثقيل الدم والعده=بظني انت لي جبته بدال الشيخ بن جربوع

هذا مجلسك يتحمل ونجم اسهيل والبلده=لان الاصل ياذيبان واحد والفروع افروع
طفى ليث الخطم لمبته قدد شفته نوى الشرده=طبيعه فيه لا استكفا عطاك الكوع والكرسوع