طارق بعد مني وانا دور له=وفيين بالاقيه ياهل الزامل
قالوا بوابه كلها متقفله=ولعاد بايوقف ولا بيقابل

يامن سمع صوتي وطن في مسمعه=جوب علينا كان عادك تستمع
يوم القصيد الجزل طالب مصنعه=والا الكلام الغثر ياكم ينصنع

الجود والمعروف طارق يجمعـه=والا في غيره مستحيل ان يجتمع
طارق في الشده تعـده باربعـه=ماهو كما ذي هو يبيت يرتبـع

يامرحباء عده حروف المطبعه=بالقول ذي هو وسط قلبي ينطبع
لا قد قطع باتيس محلاء مقطعه=حافظ على حبل الوفاء لاينقطع

كسب الوفاء والجود طالب مطمعه=والهون والتهوين به مبعد طمـع
جدي مشى قبلـي ولازم بتيعـه=وعادني بفرح اذا راضـي تبـع

واناء اشهد ان العز عندك مرجعه=والعايب الخوان من دونه رجـع
ذي لادخل في الضيق ماحد يرقعه=وان جاب ثبخه مابظنـي ترتقـع

بادحس بالمعروف لازم تقنعه=وان كانه الا قد غلب مايقتنع
طالب حسن قادر ويقدر يمنعه=كلمه فقط لاقلتهـا بايمتنـع

بادحس لاقد ثرت له با اقمعه=ماهو ولد شداد مابا ينقمـع
لاقد نويته من عروقه بقلعه=ذلاء قليل الاصل خله ينقلع

من العائدين وكل عام وانتم بخير

لهل السقيفه سلام مني باودعه = صفحة الاشعار شيك يندفع
ماحد بها مخصوص متجمعه = لمجموعة القراء والمستمع

كأني شوف الردودممنوعه = وكل شاعر عنها بات ممتنع
داخل علينا نجم الهنعه = والليل بايطول والرعد مابيهتنع

هكوا وازتملوا باقوال سنعه = وخلوا الحرف مع القاف يستنع
بوصوف عذبه وحكم مقنعه = لاجل كل شاعر يعودلنامقتنع

يامرحبا بالرعد ماحط المطر=حياء وسهلا بالقشاع الوافيين
ذي هم يعدوا في وطها والعسر=بين الشوامخ والحيود النايفين

يا مرحبا بمن هونونها والنظر = طالب ولد حسن ساحر السامعين
شاعر والرعد به ستانس واستر = استاذنا في السقيفه يالقاريين

سلام من عندي مايه والفين كر= يبلغ لحلان السقيفه اجمعين
عد الورق والزهرفاطراف الشجر=ينفح بعطر الورد هو والياسمين

حييا ببوطارق ومن سعفه حضر=حياء وسهلا بالرجال الوافيين
والرعد حيا به عدد طش المطر=واعداد مايرعد برؤس المطهبين

سلام من حاضر معاكم قد سمر=يبلغ كل زائر وذيهم حاليـــــــــــــــن
عد كل سائل دم محسوبه قطـــر=من كل مسلم قام ضد الطامعيـــــــن

انست ياباطوق ياجرو النمر=لاعند غلمه يفرحوا بالزايريين
باتيس رحب بك عدد طش المطر=انته وسعفك والذي هم مقبلين

وبك يا باتيس وبالسده كـــــــــــــــثر= ذي لي بها اصحاب ونعم الصادقين
نسقيه من جبحه لا واحد حـــــــضر= والعلك له ناسه وانتوا عارفـــــين
احذر ابا راضي قلاب الصــــــــــور = والفلم يعجبنا واحنا مازحـــــــــين

العذر ماشي عذر ياول النتر=خلك معي ان كلن في شده ولين
نحنا وياك اليوم بالحط الحجر=فوق الحجر لمايجون لباقيين

انسك اولهم وعا لباقي عبـــــــــــــــــــــر= من قبل ما تشرق والاسود يبيـــــــن
ماظن حد فينا يعرف للحفـــــــــــــــــــــــر= الله يخلي حجاركم تصبح عكيــــــــن
من عرب هذا الوقت هاتوا لي خبـــــــــر=الضر طايلهم وظلوا مفرقيــــــــــــن
الجار مع جاره في حل الخطــــــــــــــــــر= بالك لو وقف لعـــــــــدوه معيـــــــن
الجور يوم الموت في قصار العصــــــــر= ويا ريت منازلهم ظلوا سالميـــــــن

الصيعري قد حاط ساسه عالحجر=من بعد ماحل الخبوت الخالين
ماليوم بايسمر مع كمن قور=بيسن سكينه على اللحم السمين

سلام من ياشيوخ القبوله=يهل الميازر والبلاجيك الطوال
ياذي لكم بين القبايل منزله=من زام بوليلى وبوزيد الهلال
ياهاجسي ولع فتيل القنبله=شب الشراره في ميادين القتال
من هو يوقف في طريقك زلزله=من شان تتناطح شانطيب الجبال