|
|
اقتباس:
ياراعي ام سهمين خل البربره= مالك ولعمى خل لعمى في عماه الصمت ماهو مثل كثر الثرثره=حتى جفا صاحبك تتحمل جفاه مثل المعاين وحي او مستنظره= هذاك يتعبّد وهذا في غناه |
اقتباس:
الا لك القدره وهرجك معسره=وانته وسط عين العدو مثل القذاه عظمك قوي يوم العظام امكسره=ون قد بلي بك خصم مامنك بداه |
اقتباس:
البارح الرادي ملقي خرخره =الظاهر الخيبان انهم عطلاه عاموجز الأخبار جات الشوشره =عمدوا شبربر كل حد منهم بغاه في بربره قالوا هدد ومناحره =كلين بالقصبي طعن من بيلفاه ولعد مخوه بينهم ومصاهره =حتى الولد عابوه مايدعيه باه |
اقتباس:
يا حي بو محمد سليل الهوبره=شاعر وقوله سر كل من هو وحاه شيخ القبايل لا ذكرت الصنبره=والمشيخه والبيرق الأخضر معاه صابر أنا يا شيخ عا بن هرهره=ذي عا طحينه يا الأخو قد زاد ماه محمد بن سعيــد بن مخــاشــن |
سلام
السبع كسرها بواب مسمره=وما بن مخاشن عامد الا في وقاه لا جيت باكلمه لقاء عنتره=قل له تريض ذا هواء ماهو هواه وان بايناوط للذهب والجوهره=اجيب له عشره من امثاله قفاه الليله الا باتزف المبخره=والشيخ بيخلي صبوحه من عشاه |
اقتباس:
بن هرهره من بعد زيت المعصره =والسمن لي قدذاق طعمه في عشاه ماظنتي عاده يســـــوي حــــرحره=عندين ربي يالحمومي قد هـــــــــداه الا نكان امعاه خطه مدبــــــــره=يرسل لك الصاروخ لي مبعد مداه |
اقتباس:
بن هرهره من بعد زيت المعصره =والسمن لي قدذاق طعمه في عشاه ماظنتي عاده يســـــوي حــــرحره=عندين ربي يالحمومي قد هـــــــــداه الا نكان امعاه خطه مدبــــــــره=يرسل لك الصاروخ لي مبعد مداه |
اقتباس:
ــــــــــــــــــــــــــــــــــــــــــــــــــ ــــــــــــــــــــــــــ يرسل لك الصاروخ ذي مبعد مداه ــــــــــــــــــــــــــــــــــــــــــــــــــ ــــــــــــــــــــــــــ لا قد مكر مكار ما أخشى ما أمكره=وإنه معه صاروخ شف عندي دواه الطاق واسع كيف يقدر يمتره=وكهوف عندي في جبال الطربراه محمد بن سعيــد بن مخــاشــن |
سلام
قالوا بياض الوجه ماهو فسمره=مافسمره الا من فرش ثوبه طواه البار عالمنظر وشغل النظره=والباقي الا عكس في رقت صفاه المزهريه باليه ومدثره=واهل المعرس خيروا سالم خباه لا يامحمد شل لبوها الكزبره=خل العرب تمسي تناشد عالولاه |
بطلب من الرحمن يله مغفره = الواحد المعبود ليهو في سماه قولوا لسبع الليل وين المبخره = العود قد جبته وهو ماشي كماه |
اقتباس:
والله يابوشيخ بقعه مشعفره=المخشني بدع ولقاء لي بغاه وما بن حمد خلاء الحروف مشفره=ولقالها من كل ربع رفعه وجاه مانا طرحت الجمر فوق المجمره=ماحد ملبي لا سمع داعي دعاه |
ذا فصل بانبدع قوافي ثانيه=عسى يبان القصد من بين السطور مثل العسل لي من جبوح الجانيه=لي هو مصّلح في قروفه والقدور دنيا الندم يالربع شوها فانيه=يارب تلطف وقت لزات القبور يالمخشني شوف الموارد هانيه= اشرب واتهنى ولا تدفع عشور |
اقتباس:
شفها طريقي قل لسالم سانيه=لا نا على عقبه ولا نا في نتور ام السلاسل صبحتنا عانيه=اكبر عليها صبحت فوق الحدور وين الوعاله والقرون الحانيه=وين الذي هو باينذيها خشور النفس مهيونه رذيله دانيه=كل ما لها باتهدد بالشعور |
سلام
باخلي الردات ردت كانيه=ماباستعجل في خبر ماهو جسور ذالا مريكا عزرت بالمانيه=يوم العرب طلقوا بها باخر نمور لي لقفوها بوش ابن الزانيه= بيت يمغلط في وجنها والصدور |
اقتباس:
أثن عليه وافتح الفصل يا بن احمد خل العرب تتوله.. القوافي معدودة واخذتوها انت والاخ سبع الليل.. وسبع الليل ماشا الله عليه كما جمل باداس ما يتقيد ابدا.. والا هت لنا فصل غيره.. تحياتي لك |
اقتباس:
|
اقتباس:
الله يهديك يابن احمد...... |
يابن حمد دائم شروعك وافيه=حاشا وكلّا ما يجئ منك قصور كلّفتني شف الجبال العاليه=وعْبرت نا من حيث ممنوع العبور عزك معزةيشهد الله باقيه=ما تنتهي في يوم او سبعه شهور خلّوا الخواطر كلها متصافيه=لمّا نهار البعث ونهار النشور |
اقتباس:
مليون ياحيا بشيخ القافيه = خليت حسي يارفيقي بايدور يابن حمد شفها عصابي هاديه = بسمر معك للصبح مسراح الطيور اخبار جتكم يارفيقي فاضيه = احذف ابوها منها شل العشور |
اقتباس:
قولوا لبوزايد خواطر ساليه=ياصقر ماشفنا مثيلك في الصقور هت مابداء لك دام نفس راضيه=ماهمنا غير التسالي والسرور والباقي الا له يقع في داهيه=البار عالجود وتيسير الامور |
سبع الليال شوف بقعى صافيه = من بعد مارحلوا وخلوها هجور قولوا لبومخشن فين التاليه = سرحوا وخلوكم بمثنات الزقور صبحت مدنهم يارفيقي خاويه = ولعاد شي فيها سوى سبعه جدور حتى ديار العز صبحت خاليه = يهوين ثم يهوين عاذيك القصور |
اقتباس:
اظاهر ان السيل شل الساقيه=اوفي رجييل البربريه جم كسور ولعاد بوسامي وبوساميه=حتى محمد بايحب بدر البدور وحنا على سُمره قويه قاسيه=واهل الحراوه بين عيدان البخور |
اقتباس:
يالمشجري كلمتك دايم راقيه=وتغوص دايم في عميقات البحور وتجيب منها اللول حاجه غاليه=لي قيمته تبقى على مر العصور واليوم قد جبت المعاني ساميه=مثل الذهب يوم الذهب مابايبور شف كل بيوتك يارفيقي شافيه= والكيل عا لقلوب لي وسط الصدور |
اقتباس:
فلفصل ذا با نشترك الزاميه = جينا نسلم علمجا ميع الحضور واحنا نشوف اطرافها متراميه= وهي قريبه عالسوافع والنسور ما تطلب الا نار تلهب حاميه =تحرق عظوم اهل المضالم والفجور لرعد يقصف والبوارق لاميه=والسيل جا من روس لشعاب النحور با تطرح الهند يه حق ا لشاميه=ذي شلته غصبا وهي حامي تفور لاكن حنبنا فلبحور الطاميه = واهل السياسه ضيعو منهو غيور |
(( فصل ))
البارحه في هاتف المعمور شفت الوافيه = طالب رسلها يا جماعه عبر هاتف من جريس في تايلند يُوصِف بيده قال ظبيه عاتيه = مسكين عنده يالخوه مجنون ليلى ذاك قيس |
حياكم الله ياشعارنا الافاضل
اعذروني على الانقطاع الغير ارادي واشكركم على عطاكم المستمر وابداعكم الرائع والرساله اللي في جوال المعمور من الاخ مجمل |
اقتباس:
الرعد ملقي في سمانا داوية=والسيل يكنس عا وسيعات النحور والناس شدّوا من ربوع البادية=خلّوا المطارح كلها هي والذبور واحنا فتحنا باب في كل زاويه=من شان تسهيل التزاحم والمرور |
كلااااااااااااام يابوزايد كلام
|
اقتباس:
الرعد عاده ماستمع مقداميه =والسيل عاده روس لجبال الوكور وسعديه ماعبرت بن ساميه =ولا تفكر تطلعه علوى القصور والناس لي تشكي الجروح الداميه= من ثر شضايا جابت اصواب القتور نبا مناهل للكبود الضاميه =والباب ما سهل لنا خط العبور |
جميل جدا جدا
اشكرك على ابداعاتكم الرائعه ومتابعتكم الدايمه |
فصل جديد ياشباب
وينكم |
اقتباس:
ما حد يُقدم على المقدم . |
الفصل من عندك ونحنا نتبعك =مابا نفوت القائد المقدامها انت الكبير الي قوى الهاجس معك= واحنا نتابع ما تخط اقلامها |
ذا فصل قال الشيخ بوفيصل حمد = ماشي في الدنيا يجي عامابغيت لاجيت للزامل انا ملقيت حد = الناس قد رحلوا وانا توني بديت |
اقتباس:
حيا بابو فيصل لي توه ورد = والفصل لي جبته لنا ذالسع وجيت ارحبت وابشر بالسمر جزراً ومد=وادخل بمشروعك على مانته بغيت |
اقتباس:
ياشيخ شف سالم معك مبعد رقد=يازين حظي ياحمد لو ماغفيت وان كان قد وكلت بكره يالسد=العلم قدامك وجاوب لا صحيت يالزين ياحرف الذهب منته رشد=النيه النيه خلصها لانويت وان كان بتمد يد ان بامد يد=باجيك خبه لو توجهت وحبيت يمي وما تبغاه يالغازي شتد=لو قلت عقبه تحتها سعفك شبيت |
اقتباس:
ياصقر بن علاو حيتان الثمد=ترمز وحيّه شوفها ف الماركيت شل مابغيته واذكر الفرد الصمد=قّسم ولا تذكر عطيه لا عطيت من بعد مارح العنيد امعا العند= السوق قزيته ولا بعت اوشريت |
اقتباس:
يامرحبا عا العين بك يابن حمد= يالشاعر المغوار لي اليله لقيت ماقد عرفته بس قوله يعتمد =لا زم انا وياه نعمل اوبريت قله معانا علعيند المستند =لي فيه وقع يومها شف ما نسيت قال المثل من حق من يزرع حصد=قد العراقي شل ثم حط الكويت |
اقتباس:
لا قد ذكرت الوعل لي راسه كرد= ياصقر شفني دم من عيني بكيت نهار خنقوا له ملاعين الكبد=قلبي حرق ياصقر بالنار انكويت |
ماشي في الديا على كيفك تجد= اليوم في صالون وبكره في ونيت واهل النجاره مايطيقون الحدد= لما نشوف النار تشب في كل بيت |
| الساعة الآن 11:14 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir