|
|
اقتباس:
تستاهل التقدير يالشيخ الاغر=انت الذي تعرف بذي هم مخلصين كله كلامك زين وافعالك ثمر=بالجود والمعروف شفنا لك مدين في كل شي معروض لك وجهة نظر=انت المقدم والمتوج والامين |
الاخوان الاعزاء اسمحوا لي بهذا الفصل
ياسميع الدعى يامن بكل سر تعلم= يامنجي ولد يعقوب من باطن البير نجنا من مصايب طاش هو والغشمشم= منهم باتجي وحده وللها مقادير لو لي الشار باتبرى من الخال والعم= مابغى سعفهم بدحق برجلي وباسير |
مع اعتذاري للاخوه الشعار اذا كان تشوفن انكم باتواصلون على الفصل الاول واصلوا وماهناك اي احراج
|
اقتباس:
ياهلا بالذي زمجر بصوته ونسم= عالعرب من تحطرام القدُم والمناشير عادنحن نباء كلمه تهز المعمم=صاحب الراي والفكره امير التصادبر |
من سقاني كرع باسقيه من حوض زمزم=
بانوفيه حقه دون اية تقاصير من فعال الخيب يارب نجي مسلم= شالسماء غايمه والجو كله عواكير |
كلااااااااااام رايع جدا
نرحب بالاخون ابونواس وبن قطمان ونور الزامل بهم وبكم جميعا |
ليش ندخل ونسكن حصن ساسه مهدم=
بايقع فوق راسي لابدين العواصير يوم عقلي معي بحسب لها قبل نندم= والمخيله لها من قبل تطلع تباشير |
الف حيا وسهلا بالكلام المنظم = شهد كنه مقطر داخل الكاسات تقطير الف حيا ببونواس لاقد تنهم = ينظم الاقوافي وافيه دون تقصير لكن الجرح ياصحاحبي ماظن ينسم = وضعنا وضع في حاجه لوقفه وتغيير كم دكتور قد جبته يعالج بمرهم = قال لي لاتحاول والمرض فلخنازير |
مرحيب مرحيب يابو مهند
|
يارفيقي وياصهري كلامك محكم=
يفتهم لي ولايحتاج فك التشافير فد تعب خاطري من شغل بالروح والدم= تاليتها تقع يالعكبري داخل الكير |
اقتباس:
شغل بالروح جاب الدحبشه والافندم=جابنا ميح من فوق الحسر والتياسير شربونا رجال الحزب حالي وعلقم=وبالريال المزيف بعد ذيك الدنانير |
صم راسي رفيقي السبع لاقد تكلم=
والكلام النقي قدمه من دون تاخير صاحب المكر مانبغاه في الشار ينضم= هاكذا راينا نبغاه من غير تهوير |
اقتباس:
صاحب المكر جاهل مادرس ماتعٌلم=يحسب اهل الشرف والجودات مثله مصاقير عاد ذا وقت قل له ان سكت وان تكلم=في عبون الحسد بلقي ثلاثه مسامير |
عالشعاب الشراقي المناشي تزهجم = قل لسبع الليالي دلهمت بالتباشير قل لربعك وجيرانك وخص المقدم = من سيول الحميمه فرعوا ـ خذه تحذير من يسيب النصيحه شفه من بعد يندم = احذروا والحذ ر ما با يرد المقادير |
خايف الحلو يتغير يقع قار علقم=
او نقع في مطب ونكسر الشاص والقير من يولي على موتره واحد مهيم= قال باراس خالد بايدمره تدمير |
سلام
اقتباس:
الخبرللمعازيب اما حنا الا سبهلم=قسمنا الا الحسوفه والندم والتقاهير مثل ماقالوا الاحباش والقول يلم=قد شربنا من الكرفان مثل العصافير |
خمس تعشر وانا في سفل مقدر تنسم = نسال الله بعد العسر هذا بتيسير تشرق الشمس يذهب ليل داجي ومظلم = اتعبتنا الافاعي فيه هي والصراصير |
اقتباس:
قل لخالد ولد باراس شهرك محرم=باتجيك البشاره والعسل في القوارير المواتر تولوتها قبائل مسٌلم=خلوا القير والشاصي يحن في الخراخير |
وين ربعي واهلي وين سالم ويسلم = وينهم وينهم وين الرجال المغاوير من تخلف من الرميان ساعة تقدم = ريت له موت والا حكم نافذ وتعزير |
الف صلوا على الهادي الشفيع المعضم =
ذي سكن في المدينه نور الكون تنوير سعفكم في الزمل شلنا من الضير والهم= قال باراس ياصحابي تصبحوا على خير |
اقتباس:
قد بطت دعوة المختار في دار لرقم=بعد ماقد اذن ربك لها بالتشاهير نورها عم في الدنيا وكل كافر أسلم=في جميع المداين والقرى والاماصير |
قل للسبع شفني كل ليله تحلّم=نحلم الغندره وإنته عليك التفاسير خمستعشر سنه فارقتها دون مغنم=نا ستاهل لأنّي خيب وإعطيتها تير محمد بن سعيــد بن مخــاشــن |
اقتباس:
يالخشيني بسيط ان مامعك ماء تيمم=وترك الغندره ياما تركنا غنادير غيرها باتلاقيهن عزيزات واحشم=منها لي رمت عز الرجاجيل في البير |
احيكم احيكم جميعا
|
بن مخاشن ضهر ذي عليه ندعي ونزهم=
عذر شرعي معه والا كذا دون تعذير وين غييبة ياحضرة جناب المكرم= ليش تركت في روكب وروحت لاشحير عاد مالي ومالك سيب مبعد تقسم= شل لك شق في الفيده وشق في الخاصير |
وينكم ياشباب وين الزوامل
|
توكل على الله وبدع فصل ياطالب وبايجيب الله خير
|
فصل جديد
ليش يانوب ماحنيت والارض خضره والجنى زان لك يانوب في كل وادي وين قرص العسل ذي ماتجد فيه كبره والبغيه دواء ذي من مجاني بلادي |
اقتباس:
مرحبا ما ينود الغصن في راس شجره=بالذي من مسافه قد سمعته ينادي من يريد العسل يلزمه للدبس خبره= لجل مايدبسه في جو صافي وهادي والذي مامعه ف الرجل قوه وقدره= لايعدي في الجيلان وسط البوادي ليت مولى الخريبه مادخل وسط غدره= كان ميزّ من الحبشي ومين التشادي خذ من الوقت ياباراس كل حين عبره=لاتضيع المثل يا صاحبي والمبادي |
مرحبا مرحبا بالهر حلوه ومره
باستقبله لو هو صعب باقول عادي والكلام القوي منه نحس بالمسره ماينكد على حالي ولي حال مادي |
بن حمد لا تروم الخور وتروم شقره=ال شقره تناسوا ماحصل في سعادي خلوا الشحر تبكي ماكفتها المضره=قطبوا الحبل لي زره محمد عبادي ايش من راح باياتي على سن شفره=نعنبوهم قلال الخير خس من لعادي سلكوها ولا سلكة صواميل مكره=حلقوا حولها مثل الذبر والجرادي |
اقتباس:
زفوا الوعل بوقرنين لمان قبره=وانتهت لعبت الديمن ولعبت لحادي من بغاء العز والناموس يعمد مقره=لا يناوط بيده للكرش والكبادي عاد وحده لها سبعه وسبعين فره=ان صفت بايحل تيمور بين العبادي |
اقتباس:
ياحسين النظر ياريت لي فيك نظره=وين قرص العسل ماليوم بقعه زبادي الخنازير كثرت والبلاء زاد شره=ايش من قوم لي توكل لحوم الفسادي |
اقتباس:
مرحبا يازميلي ماتجي منك قصره=انت سبع الليالي وانت سقم المعادي من رضي في خوانه قل ف الناس قدره=لولبس ثوب والقاء له على الكتف رادي واالمراوغ لقى للناس ضمه وكسره=عاد عينه على تمر الخلوع النجادي مانبا الخور يامحفوظ خل سيف بحره=قسم سيبان مع نوح وقسم الكسادي |
كل واحد ضوى عالظهر قد شل خبره = ماحضر ساعة الهده ولابان بادي حطت اليوم عالوادي وعاديس قتره = كله اسباب حمزه ابن عم القرادي |
اقتباس:
يا محبي سعاد القو على البحر قطره=غيرو لونها لحمر وهاتو رمادي مانبا اخبار معسوله ولا حط ذره =ننتظر بارق الملحي يصل كل وادي من ربط حبل في رجله لقي من يجره=ذا مثل من زمان اول عرف في البوادي والنشاما تفك الحبل من لي يزره = وحكم رب السما بالعدل بين العبادي |
قال باراس خالد اول السيل قطره
يارفيقي صبر شالصبر قوتي وزادي بعد لحضات بانوصل الما المجره لاتغيب ضهر يالسبع خلك قصادي |
اقتباس:
جيت ياصقر هت موجز وبعطيك نشره=انت لي باتوصلني لغاية مرادي شوفني حس في قلبي بضيقه وحسره=اعطني ورد من عندك وبعطيك كادي |
اقتباس:
قل لهم يالعمودي عاد في الكير سبره=منطفت نار بوجاعم ولا حل برادي عاد بقعه نكٌهر عاد ميتين كره=وعاد ضربات باتاتي قويه شدادي |
امس عدت وماذلحين ساهن لبكره
وينكم من زمن يوم كنت بالصوت نادي البلا ذي ضهر يارب كفه الناس شره جهزوا للبلا ياذينكم في رقادي |
| الساعة الآن 12:36 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir