المشاركة الأصلية كتبت بواسطة ميراد باسودان (المشاركة 531932) مرحبا مرحبا باقول أول وثاني=مرحبا بالكلام الزين كله عذوبه الكلام الرضي يبلغك كل الأماني=والكلام الحتف تظهر مخازي عيوبه

الف حيا وسهلا بالذي قد شجاني=صوت راعده يطرح (ف) الجهام الخصوبه
بايسقّي مطارح سيل مكبر لفاني= هاتو العيلماني ياعرب رحبوبه

المشاركة الأصلية كتبت بواسطة عيبون (المشاركة 531902) هرج ميراد مجنى من اعز المجاني=مثل ريح الزبد ذي يلتحق في علوبه هاجسي قد كلفني يوم شافك دعاني=يوم جبح العذيبي دوب يمتاز نوبه

قل لعيبون نامالف أنا أنسان ساني=علموني هلي اللوم ماجي دروبه
بن هلابي نعزك مرحبا وعل حاني=عند ميراد لك تقدير يابن العروبه

المشاركة الأصلية كتبت بواسطة ميراد باسودان (المشاركة 531940) قل لعيبون نامالف أنا أنسان ساني=علموني هلي اللوم ماجي دروبه بن هلابي نعزك مرحبا وعل حاني=عند ميراد لك تقدير يابن العروبه

وانت لك قدر عندي قد جرى في كياني=قدر صافي ولا شي (م)الشوايب يشوبه
انت محسوب عندي سنح راسي وكناني=لل مكارم مطارح انته ارضه وجروبه

المشاركة الأصلية كتبت بواسطة عيبون (المشاركة 531947) وانت لك قدر عندي قد جرى في كياني=قدر صافي ولا شي (م)الشوايب يشوبه انت محسوب عندي سنح راسي وكناني=لل مكارم مطارح انته ارضه وجروبه

وين هو بن مهنا في دقائق ثواني=غاب يابن هلابي سهل الله دروبه
باه نا وياك ننقشن بالكلم والمعاني=يوم هجسه رضي راقي وفني سلوبه

المشاركة الأصلية كتبت بواسطة ميراد باسودان (المشاركة 531958) وين هو بن مهنا في دقائق ثواني=غاب يابن هلابي سهل الله دروبه باه نا وياك ننقشن بالكلم والمعاني=يوم هجسه رضي راقي وفني سلوبه

حالة المغترب قط ماتجي عالتماني=والمفارق صوابه نفّرن في جنوبه
والمسافر وشربه ماوقع يوم هاني=يومه المربعي يرتاح داخل شعوبه

المشاركة الأصلية كتبت بواسطة عيبون (المشاركة 531961) حالة المغترب قط ماتجي عالتماني=والمفارق صوابه نفّرن في جنوبه والمسافر وشربه ماوقع يوم هاني=يومه المربعي يرتاح داخل شعوبه

مكن الساس ياعيبون شام ويماني=لاتخلي الثعالا قط لايجون صوبه
آه قهري وياضيمي وببطي أعاني=كان شفت الدلل في السوق إن حرجوبه

المشاركة الأصلية كتبت بواسطة أحمد العمودي أبوفيصل (المشاركة 531966) حد في العضيده

في العضيده خوه ياشيخ ياوعل حاني=رحبو رحبو بالشيخ ذا رحبوبه
له معزه وله مقدار داخل كياني=ومن كذب في كلامه بايكثر ذنوبه