سقيفة الشبامي - مساجلات الزامــــل الشعبي

سقيفة الشبامي (http://www.alshibami.net/saqifa//index.php)

- سقيفة عذب القوافي (http://www.alshibami.net/saqifa//forumdisplay.php?f=24)

- - مساجلات الزامــــل الشعبي (http://www.alshibami.net/saqifa//showthread.php?t=3854)

وهذا فصل شلوا لي بغيتوه بعد اذن الشيخ والحضور

يالمخشني توك دخل لابوك = وسط العضيده والزوامل
من هاهنا ومن هاهنا بيجوك = وانته معك خير الجرامل
والساريه تمشي مع السنبوك = ماحد خلق ياناس كامل
وفوق المعرس عاكذا بنهوك = وسلام عالجاويد شامل

وهذا فصل

ذا خرج فصل يالهاجس رعد في قنيفك = مثل رعد الخره لاقد رعد في جهامه
ساير الناس لا تقنع بعرفك وشورك = ما من الكيف يا الصمصوم غير الندامه
اغنم اربيع عمرك لادخل حر صيفك = جودت الخرف في البلده واول نعامه
عالبعير القوي دايم ثقيلك خفيفك = لي يشل الثقل قالوا رجال الكرامه

الظاهر ما حد اليله ........................

اقتباس:

المشاركة الأصلية كتبت بواسطة الطامع (المشاركة 538432)

وهذا فصل

يالهيثمي الفصول بالجمله عندك الليله وبعدين وش جاب شورك الى قنيفك وصيفك قافيتن ولا انا غلطان يابو صقر

ما شاء الله !!
الليلة الفصول وايدة ياجماعة الخير ..

اقتباس:

المشاركة الأصلية كتبت بواسطة النومسي (المشاركة 538466)

يالهيثمي الفصول بالجمله عندك الليله وبعدين وش جاب شورك الى قنيفك وصيفك قافيتن ولا انا غلطان يابو صقر

اي والله الاخوان (بن بريك والطامع) عشروا لنا بثلاثه فصول مره وحده لاعدمناهم.
اما ملاحظتك اخي الفاضل اخالفك فيها لان (شورك ــ وقنيفك ــ وصيفك ) على نغمه قافيه واحده
ولايوجد اختلاف من ناحية نغمة القافيه ولكن تختلف في الربط وهذا الا ختلاف جائز لان
الخ الطامع لم يربط البيت الاول بربط الثاني (قنيفك ـــ شورك) .

اذا اتى في البيت الاول بــ(صيفك ) و البيت الثاني بــ(قنيفك) فهنا يوجب عليه ان يربط الابيات
الي بعدها ويكون حكم على نفسه بالتقيد بالربط . ولكنه لم يربط البيت الاول باثاني فهنا تكون ابياته
ليسى فيها خلل في القافيه اخي الفاضل

ماشاء الله الفصول واجده ولاكن ماتحدد الفصل الي بتمشون عليه
واحد من الشعار يردف على فصله لجل نمشي عليه

ذا فصل لجلك قل لبن يعقوب=واللي معاك امن الجماعه
بشعف ذلولي بكلف المركوب=باجي لكم في ظرف ساعه

عسى نصيد القصد والمطلوب=والقلب يوهد من وجاعه
والوعد لا يالهاشمي معصوب=والعزم هو والاستطاعه

للشر درب وللصلاح ادروب=واللغو تلحقه الاشاعه
ف الدار يمكن يخرب الترتوب=وسطاك محتاجه فزاعه