مليت من عيش المدينه والحضر = واشتقت للبدوان ورجال البرور
حب البداوه والسمر تحت القمر = من زام جدي عالكرم فيها ندور

ذا خرج فصل يالهاجس رعد في قنيفك = مثل رعد الخره لاقد رعد في جهامه
ساير الناس لا تقنع بعرفك وشورك = ما من الكيف يا الصمصوم غير الندامه
اغنم اربيع عمرك لادخل حر صيفك = جودت الخرف في البلده واول نعامه
عالبعير القوي دايم ثقيلك خفيفك = لي يشل الثقل قالوا رجال الكرامه

ياحمد لاتسيء ظنك قبض في رفيقك=لا تحط العتب عالمخشني والملامه
غير خذها نصيحه لا تكثر هذيفك =بين لجواد في مخلوق لعرف مقامه

لاتجامله قال الشيخ يومه حليفك = قبل لتقوم عاراسك وراسه قيامه
بانحذرك يالصاحب دحق عاطريقك = قبل تندم ولابتفيد كثر الندامه