المشاركة الأصلية كتبت بواسطة الواثق بالله (المشاركة 551265) الف مليون من عندي و مثله مكرر=والتحيه لكم لايسباع الفيافي يوم شوفك في الزامل كلامي تغير=لانني عز كل مخلوق جيد ووافي

عاد عقلي من اصحاب الفواله محيّر=رايهم ما أستقر لليوم فيه أختلافي
حد يناوط وحد لليوم عاده مكسر=والبداوين تلعب بالكره في الظرافي
لعبت الفار والعري لعبها مجوّر=والسبب في الذي هم لابسين الكوافي

المشاركة الأصلية كتبت بواسطة سبع الليل (المشاركة 551294) عاد عقلي من اصحاب الفواله محيّر=رايهم ما أستقر لليوم فيه أختلافي حد يناوط وحد لليوم عاده مكسر=والبداوين تلعب بالكره في الظرافي لعبت الفار والعري لعبها مجوّر=والسبب في الذي هم لابسين الكوافي

لا تلوم المجوّر ما بيده ميسّر =كلهم ربعنا ماجات منهم عوافي
فوقهم ذيب يرعاهم على الخط لحمر = من تعداه بايصبح في الجول حافي

غيروا كل شي و الحلو ردوه قير=والهواء قد تغير بعد ماكان صافي
وايش باقول يالصاحب في الوقت لغبر=قطعوا الثوب ذي قد كان كامل وضافي

المشاركة الأصلية كتبت بواسطة الرقيب (المشاركة 551315) لا تلوم المجوّر ما بيده ميسّر =كلهم ربعنا ماجات منهم عوافي فوقهم ذيب يرعاهم على الخط لحمر = من تعداه بايصبح في الجول حافي

صح لسانك نسينا الذيب والراس لقشر=الله اكبر على لي باع ست الشرافي
ماحسب للمهونه ساعة الكر والفر=شل نفسه وشب النار وسط الميافي

المشاركة الأصلية كتبت بواسطة الواثق بالله (المشاركة 551319) غيروا كل شي و الحلو ردوه قير=والهواء قد تغير بعد ماكان صافي وايش باقول يالصاحب في الوقت لغبر=قطعوا الثوب ذي قد كان كامل وضافي

ان تباء الصدق شفها زايله بنت لصّور=حالها حال مولى بربره والضفافي
كسّروا في قنابيسه وجيشه تقهقر=وبركهته السنين القاسيه والعجافي

المشاركة الأصلية كتبت بواسطة سبع الليل (المشاركة 551322) ان تباء الصدق شفها زايله بنت لصّور=حالها حال مولى بربره والضفافي كسّروا في قنابيسه وجيشه تقهقر=وبركهته السنين القاسيه والعجافي

كل شي جاي في وقته قدم او تأخر = والرجاجيل ماتصبر بلا حل شافي
ساعة الكر ماحد منهم قد تاخر = خلها للزمن بايبين لك كل خافي

المشاركة الأصلية كتبت بواسطة سبع الليل (المشاركة 551320) صح لسانك نسينا الذيب والراس لقشر=الله اكبر على لي باع ست الشرافي ماحسب للمهونه ساعة الكر والفر=شل نفسه وشب النار وسط الميافي

ماطرح ساس لما قد نوى بايعمّر=اقتصادي ويحسبها يعد القفافي
ماحسب للمطر لاصار طينه مخمر=طالب اليوم خيمه لو بوسط الفيافي

المشاركة الأصلية كتبت بواسطة الرقيب (المشاركة 551327) كل شي جاي في وقته قدم او تأخر = والرجاجيل ماتصبر بلا حل شافي ساعة الكر ماحد منهم قد تاخر = خلها للزمن بايبين لك كل خافي

خلها للزمن مادام امرك تصّدر=لكن الحُر مايكهل صفات الضعافي
لا متى وضعنا في كل قريه مدهور= والهوامير تترقب حلول القطافي