مايحتمل برد الشتاء والبؤس = لابيت يحميه لاجدر لاستره
ماله مسافر ومامعاه فلوس = لاضمان لاتامين في العسره
صاغر قبل حنية الروس = بعد ماكان كل الناس في امره
هذي الحياه عبر ودروس = مسكيين لي مايحسب لبكره

لتكون زعلتة و في قلبه لهيبه = اوشي وشايه من عدو في شقاقه
جرح المحب و الله مصيبه = ماينجبر لولفيت ساقك بساقه

شكراً اخي ابوراضي على الترحيب وكل عام وانتم بخير

تحت طلبك اخي طالب نتمنى ان ينال استحسانكم

سلام ياباتيس تعداد الشجر =وعداد ما مطرت على صحراء ثمود
وسلام عالغايب وعاللي قد حضر= سلام يانسل النماره والاسود
طالت الغيبات واحوالي خطر= من غاب لابد يوم ياصحابي يعود
مليت من قسوة زماني والدهر= مليت من طول الليالي والعقود
نا جيت باسلي فوادي باسمر= معكم عسى سود الليالي باتجود

يامرحبا بك الف ياجرو النمر=مايبرق البارق وماحن ارعود
يامرحبا حيا تراحيب المطر=ياذي تبرد عالخواطر والكبود

بسألك ياباتيس عن بعض البشر=ليهم لهم صولات من وقت الجدود
كانوا شباه الشمس واشباه القمر= من غاب منهم عسى انه بايعود
ماحد منهم اليوم ياطالب حضر= وامست نا وحدي مابين الحسود

ذالوقت يتقلب يرد الحلو مر= واحناندور وين بانلحق برود
سكتو ولانشدو على مال الثمر= يتقاسمو فيه النصارى واليهود

اصابع اليد تتفاوت وخذ منها عبر= والقلب للبعض يتقرب وللبعض صدود
من الناس يا سالم تحذر تنغدر = سهام الغدر يا خوي تخترق كل السدود

سلام مني عالسقيفه واهلها=مالاح بارق في جلابيب السحاب
وين الثقيله وينها باشلها=قد جيت باجوب وبعطيكم جواب

السقايف عامرة بكم وبزوارها = وبرغم ذلك ما زلت نفتقد لصحاب
وين الشغف والعطاس خير روادها = نسأل ونتخبر عنكم يا احباب

القيد وسط الساق من فوق القدم=لاحول ثم لاحول من قيد الحديد
وايش عادني باقول من ضيق النسم=وحدي في الغربه وبوراضي بعيد

ياباخريبه هت وخذ من مامعك=النقد حقك من سنينك لوله
من حيث مابتسير شفني بتبعك=بعطيك عاشرع العرب والقبوله

بسالك يارحمــــن ابعد كل هم= والطف بعبدك في يوم الوعــــيد
صداع في راسي وزاد الالم= والزامل يبعد مني الالم الشديد
مانا بشاعر ياهل الجود والكرم= حبيت اشارك قولكم كي استفيد
والعذر وسامحونا ان زعل القلم= سامحوا اخيكم المتيم بوحديد

الله يصونك يالعلم يابن العلم=ياصاحب المعروف والرائ السديد
نحنا بجنبك والقدم فوق القدم=من حيث ماباتسير حط يدك بليد

يامرحبا بكلام زم الراس زم=من عند شاعر حط عالباب القليد
ذي هو يحط الكي من فوق العلم =وان قد دعيته صوت لبا من بعيد