|
|
اقتباس:
تخبّرنا عن الروس الكبيره ذي غدت عندل=وكانت في السّفوله قل لمعضد تجرش البارود وقالوا لي اليميني دوب عا بن بِشِـر يتسندل=يرد الماس في القيمه مثيل الودع والصّهدود |
اقتباس:
|
اقتباس:
سلام ألفين يا شاعر من النقعه إلى الريده=عسى الموسم يجمّل في الضغيّن هو وجرب البير عساك اليوم قد حطيت ساسك فوقها الميده=حذر لا يكون ساسك عا ربخ في رملة الخرخير |
اقتباس:
أنا والله ما أحسد كل نونو لو رضع ديده=ولا أحمل بُك في قلبي ولو حتى لبن شامير بديوي نا في المشقاص قانع قد عمد حيده=ولا أحسب بوش يا الدنيا ولا أهمر لو عطوا لش تير |
خروج وعوده إن شاء الله |
اقتباس:
كلامك يشرح الخاطر وتصويبه وتسديده = يقع ع بن حمد ذي له عليكم في السمر تأثير اذا الهاجس شطح عندي معد بيفيد تحديده = وبافرقز عيوني كنني باطلع التقرير |
اقتباس:
رحب يالمخشني والهجس لاشافك يفك قيده=ويرغمني نخاويكم في الرمضاء نجيك انسير ولا بالف معك او دور دايم بامشي سيده=لانك اهل للناموس والجودات والتقدير سمر يالمخشني هات الخبر من ديره اسعيده=عليها شوفني خايف تقع عينت بلد كشمير |
قويتوا ... عدنا
|
اقتباس:
مسافر لليمن قالوا لنا المعمور وبارعيده=ولا با يطيب شي مغنى ... كما مِذّن بداخل زير نهم يا حنطبه أرجوك عا إعيون وبا سعيده=يشبّون السمر ... وإزهم على سالم ولَد باوزير |
اقتباس:
يقولون الحْكَم حد الخطر روحه معا فيده=وعادها اليوم تتشعلل لهب في ساحة التحرير مسيكين الذي ناوي يورّث وِرْث لوليده=وصار اليوم عا مغذّي ... مسطّط ... منقذي عا سْرير |
اقتباس:
انا كم قلت لك شدد على باداس في قيده=ولكنك تركته والخطاء منك في التقدير وشفت الصقر خيّف شلهاتمت مقاصيده=لانه حر يوم الحر يفهمها من التاشير وقدها هكذا يالمخشني جت عالعرب ريده=وشي من سبة العجله وشي من قلة التفكير |
انا موجود يابن عمرو باعيده وبازيده=ولكنك عذر صاحبك يمحمد على التاخير ولا باعطيك شي فتوى اذا قد جبت صمعيده=لحالك افت فيها ونت لك خبره في التنظير حشدنا الدعم يابن عمرو للموقف وتاييده=ولا شي فايده والمساله يبغا لها تدبير اهم شي لومعك مبدا وعندك فكر وعقيده=دخل واشرح لنا الفكره ومنّك مايجي تقصير |
اقتباس:
|
اقتباس:
العلة في حروف العلة قلت لك ذلك مائة مرة. حرف العلة يزاد أحيانا وهو غير موجود ... مثل مدافرة نقول إمدافرة ( زودنا الألف ) ويحذف أحيانا وهو موجود مث أحمد نقول حمد ( حذفنا الألف ) ويصلح ذلك على الواو والياء وإنت عارف ولا حد يعرّف عارف الشطر الذي ما إشتل معك بسبب كلمة ((( باوزير ))) إقرأها ((( بوزير ))) على نطقنا في المشقاص وشوف تشتل ام ما تشتل :FRlol: |
تصبحـــون علـــى خيـــر |
اقتباس:
|
باتحمس ياالمخشني مني او ماتحمس ؟؟؟؟؟؟؟؟؟؟؟؟
|
اقتباس:
طيب طيب. العجله ما هي زينه وأنا دايم أستعجل ما قرأت تساؤلك بتمعن. نهـم يـا حنطبـه أرجـوك عـا إعـيـون وبــا سعـيـده .... برضه حرف العلّة الواو!!! إقرأها ((( عا إعيون ُ باسعيدة ))) حرف الواو هنا لم يحذف ولكن تحوّل إلى ضمة فوق النون وهذا ليس من عندياتي. با دور لك قصيدة لسعود بن عبد المحسن فيها كذا كذا واو بهذه الطريقة. |
اقتباس:
قبائل فاليمن كلن يبا الدوله تقع فيده=ولاحد منهم راضي بثورة ساحة التغيير وقالوا بن مخاشن لا يغر الناس تنديه=يقول انه بطل قومي وهو من جبهة التحرير |
ياخفيف الدم سلم = عاد لي عندك مكانه صدكم بابه مقفل = ماصخا يلفاك شي زاخي وطين ريت لك ضربة معلم = ماتعود ع الخيانه بالمحب ماحد يبدل = قدركم سقفه النجوم الزاهرين |
اقتباس:
ياوسيغ العرف قدّم=للحبايب بالزيانه لوتقع عنهم بمعزل=باتبيت في حبال الزاهدين هكذا حال المتيم=تفضحه نظرة عيانه ياصديقي لا تحمل=والثقل كسّر ظهور الموشرين |
ياصديقي أبن أحمد .
المغني قال : كل فصل وله شطر أخير غير الذي قبله . فماعليش ياغالي لو تتكرم وتصوب مشاركتك الرائعة كما هي في البدع ولك سلام حار مني . |
اقتباس:
لا قراء كفي المنجم=قال لي بعطي ظمانه =شفت نور العين مقبل =ما تبا تنجيم يفهمها الفطين وان بطا نوره مضلّم=ما ترك عاده كيانه =من تربا وسط منزل =تنطبع ذكراه في قلبه سنين |
يحسبونا بامعلم ...بن حسن يعرف مكانه
كل من يبذل يحصل...يظفر الا كل ذي عقلِ رزين وعفوا على الانقطاع |
اقتباس:
قل لبن عاشور قدّم= بكرة العيم ضمانه السُلب بيدك وعقل=قبل ماتحلى المغاني والزفين لاتقع عالباب مردم=بن علي يملي ثبانه مال عاده ماتحلل=داخل الغُرفه ومثوى بامتين |
فصل جديد
يقول الواقعي بالسر هذا اليوم با جاهر=معي شك فالمقدم والحكم حق طاب والا عاب نبا منّك دواء يالذيب للحالب وللناجر=ونبغى حنطبه يوصف لنا جرعة دواء الاعصاب مصيبه لا قد القاضي انقلب دلال او تاجر=وترّك شرع ربه والذهب لصفر فتح له باب أذا كان الحناش الملس يقتل سمها الجائر=لسان لادمي تفعل كما فعل الحنش بالناب |
اقتباس:
رحب باقوال من شاعر كلامه لول وجواهر=كلفني شل بو مقصين واضرب صاب او ما صاب معه بابلغ الواجب كسب والا طلع خاسر=لانه طيب النيه ويتخبر على من غاب لسان الادمي علته في الاول وفي الاخر=وهي في الادمي امثال مافي البندق الضراب دواء الحالب بلذعه ياصليب الراس لا تحاذر=واما الثانيه مالي بها خبره بدون اعتاب ولكن ايش طب الادمي الكذاب والفاجر=ومن سلمه بندق يعتدي به عا اؤلي الالباب |
اقتباس:
ترك عندل وخلا مالها والنخل باجابر=ولا له شي طمع في ماذرا والكسب للكساب بغا في مصنعة عوره على لركان والداير= حراسه بالبنادق ياعمر قنعو من الكذاب ونا مبغاء كلام الوم والتجريح والناير=نضرنا بعضهم لا ولعت يمسي لها شباب ولاكن بنتظر مادام حد صاعد وحد حادر=يقولون المنيه واحده وتعددت لسباب |
اقتباس:
سلام الفين من عندي لكم ياسلوة الخاطر=عمر يالذيب لي حُسبته عندي خيرة الاصحاب بغيناها تقع سمره وهي سمره الى الباكر=وندارس ونتفاهم ونكسر شوكة الارهاب علي صالح وربعه لي لقوه في الناس ياساتر=وبالحمر ومن حوله من الزمره ومن لحزاب لعد خلو ولا بقو من المهره الى صافر=تمادوا ياعمر فينا وخلونا شبه للعاب ونحن شعب مانعرف سوى الا مرحبا و حاضر=يذمونا يهينونا ونتبعهم كما الطلاب |
اقتباس:
كلامك ياعمر بلسم لضيق الحال والخاطر=فتح نفسي لقول الشعر يوم اتقفلت لبواب عرفتك نجم ساطع يهدي الربان لي حائر=ملك وسط العضيده وانت عالمنبر كما السياب خلل باين في القاسم وكبش الساريه دامر=وقد شفنا الرضّه تنخر في المسلف وفي لعتاب ولكن مصنعة حبان شف بنيانها فاخر=مهندسها يخُلّ العود ل أرضى بأفخر الاخشاب ولاهي مثل عرشه فالمطر ما تمنع القاطر=ولو بيتت فيها غصب تصبر عا الوخم والداب |
اقتباس:
انا مانا بحد مقطور يعبر بي طرق صافر=عرف كل الطرق واعرف كباري واجده وعقاب ونعرف حجر بن كده ونعرف حصن باجابر=فوارق بينهن في كل شي ياطيب الانساب ولكن بالبنا والجهد والمقدام بو عامر=عراش البدو با تصبح مصانع نا طحات سحاب طرحنا القاعده صبه لها والسور والدائر=وزفلتنا الطرق من بعد ماكانت حصى وتراب |
اقتباس:
حزوم امطاء معك يالذيب لاتغالط ولاتكابر=ولايمكن تسد انته وياهم عينة الاحزاب ومن قلبه نقي من حيث هو ماغبه الماطر=ومن قلبه حسودي مايلاقي شي ولا واعجاب انا بغيتك تريّض ماتقع ملقوف ومغامر=وانا عارفك تفهمني وضني فيك ماقد خاب بغيت الصدق والواقع سمع من هرج بو ناصر=اذا تبغى تجيب الجوهره من فوق راس الداب |
اقتباس:
|
كلامك زين قل للواقعي باطنه والظاهر=ويعجبني لأنه شعر والقي له ثقل واحساب تأكد ان مكنون العرش مايدوم للأخر=اذا هبت مهب تصبح مكانه بهذله وخراب |
شفت الهرج ياعواله على الرجال متواتر = ودايم فصلكم حوله وشفت الباب بعد الباب ماهو جم تلقونه في الماضي وفي الحاضر = دامه شل مخزوني وخلا الرف والدولاب ماشي فايدها مادام ترضع نفسها الفاطر = والحاشي مسى يرغي ويرغي جمبه الحلاب خلوها كما اول وسوقو لي جمل عاصر = جمل باداس ذي يهدر ولاشي في الجمل ينعاب |
اقتباس:
كلام قوي وحكمه ياشاعر السقيفه !! |
اقتباس:
مقاله من زمن بتقول مايوقع سوى الشاطر=جمل باداس قده الا شبيه الجرو والسنجاب قنع يا ابن اليمن واصبر وشف كل زام له ناظر=قريب الحكم بايصدر على نغمة وتر زرياب |
خواطرنا وسيعه باشرب حتى من القاطر=سقيفتنا حديقه مثمره بالتين والعناب دخل والا خرج فيها مكانك قلبها العامر=ولا باتنكر الصحبه وعيش وملح باستهذاب |
ظهر بوصالح القائد بريح المسك بيباخر=وبيسلم على اصحابه بطيبة قلب واستلباب ونعمك قل لبوصالح وشهرك دائما جابر=شرب من صافي القربه شراب السُعد والاحباب |
انا ماشي معي شكوى خلاف اني مسي حاير=عبود الدوح واصحابه لقوا شولين عاكلاب وذا باطل وذا منكر عيال أبليس بتجاكر=مرازح في وسط داري من الضيقه الى الاسياب |
| الساعة الآن 12:31 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir