شوفوا هنا طالب جالس محتبي = والناس حد راضي وحد منهم حزين
جالس يتسمع في هرج الولي = شوش على عقله ويغمزله بعين
مسكين مالبكري شوفه مختفي = روح ولاشفناه من عدة سنين
وجانا مالشارق وجاته ضربتي = ليهو متزبن في الحصن الزبين
ليهو بغض نفسه يدور قربتي = أنا هنا باخلي القاسي يلين

مايختفي البكري وقط مايرتشي = لي مايعرف الزور ربه معه يعين
من ماعرف قول يلوماه ما يختشي = وحاسب انه في خلق الله يهين
وهو يهين نفسه ساعة ماينتشي = وخلق يمدحونه وهو ماهو فطين
هو من دار زينه يالحليله نشنشي = لاكن الذري وقع في خس طين
شعبة بامحمد نورها وقت العشي = ليه ياطالب تتبع الكبش السمين
لازاد الطفل في العتم شفه يعتشي = وقصبة المعيان ذي تذلح تبين

المشاركة الأصلية كتبت بواسطة الغازي 2007 شوفوا هنا طالب جالس محتبي = والناس حد راضي وحد منهم حزين جالس يتسمع في هرج الولي = شوش على عقله ويغمزله بعين مسكين مالبكري شوفه مختفي = روح ولاشفناه من عدة سنين وجانا مالشارق وجاته ضربتي = ليهو متزبن في الحصن الزبين ليهو بغض نفسه يدور قربتي = أنا هنا باخلي القاسي يلين

مشكور يالبكري جبت المختفي = جبت العسل مصبوب في فيجان صين
وأسقيتني ماليوم بألكاس الهني = ذكرتني الشعبه وذا هرجك يقين
وسلام على الشعبه ليهي قريتي = شعبة عمر دايم بعقلي من سنين
نعرف اللوماه لاجيت عالبتي = بلقيك وسط عيني وساعه عاليمين
عاشان تشوف الذري ليهو بجربتي = والطين يالبكري ذا من خير طين
لنته ولا غيرك تمشي مشيتي = لاقمت للدنيا بطحنها طحين
وأنته هنا ماليوم تحت حمايتي = أنت الاخو دايم يأبن الحسين

ياحد من الوادي منته منتسي = وينك لك فتره شوفك ماتبين
العشق ذا بلوى ومنه نشتكي = من بلي بألعشق يردف بالونين
النوم يفارقني وتبدا سهرتي = والليل يعذبني وصبحي مايبين
بيت أتقلب وأمسح دمعتي = أمسح من خدي الدموع الجارين
وأنا هنا وحدي عايش بوحدتي = عايش مع رب النجوم الزاهرين
من لي لقاه الزين ليهو منيتي = روح ولاتكلم حتى بكلمتين

الغازي صار يهرج نسي خونا نسي=
=لاكن مصير الوقت يحكم والسنين
حال الرماد دائم مع الريح يختفي=
=اما ذهب اصلي ما يصدى حسين
باسالك يا الغازي كم رقم المسج=
=برسل حواله مني لك تعين
علك تتطور وتلبسلك لك حذي=
=تمشي كذا حافي اثر رجلك يبين
الستر حبه الله ووصى به النبي=
=وانته ستر حالك لايظهر مشين
جالس تتزمل مسوي مربعي=
=لاذكا فيك ولا انته فطين
بسحبك لاعندي تفرش مجلسي=
=وتكنس المزرب وتسقي الجالسين
انذرتك عاد شفني واحذر ضربتي=
= بخليك لي تخضع وتبصم باليمين

واليوم يالشارق أسمع كلمتي = باسمعك كلمه تلقيلك رنين
شوفك من البارح علينا تشتكي = واليوم انا شوفك كما الطفل الحزين
لي كنت من الاول قوتك عالحتي = واليوم تتخصر بتونه وساردين
قد جيت لاعندي وباشل مدفعي = بضرب على حصنك وضربي بايبين
أنا هنا الغازي وكلن به دري = وأنته تعرفني من عدة سنين
قد كنت في المخدم تلبي خدمتي = أنته ولد عمك وأفطن يافطين
عندي هنا الرز وأسمه بسمتي = أكيد على بالك من ذيك السنين
واليوم يالشارق أشوفك مبتلي = لانك هنا ترطن على سيدك رطين
هالحين بانفذ شفني كلمتي = من قبل ماتصيح بصوت الغافلين
واليوم باحطك داخل قبضتي = ولعد شي فكه وبانايص جنوبك بالوين