|
|
اقتباس:
البيت شف ساسه قوي لكن ستره امشرّقه=محتاج لا ترميم ومعلم في الشغله خبير ومن سباب اهل القور يالسبع واهل المحذقه=كل ماتقدمنا شوي عدنا الى الصف الاخير |
اقتباس:
من كثرة العدّي دهلنا ع الترف والبعزقه=نصرف بدون احساب كل واحد حسب نفسه امير الاولي لي فالخزائن قام في يوم انفقه=والثاني اهبل حب رقّاصه وقده الا فقير والثالث الزنديق ما نفعته حتى الزندقه=وحده تقوده بعد ما جاه العمى واصبح ظرير |
اقتباس:
لا يالمقرم لا تجيب القصر سد الصندقه=عود العشر ياصاحبي ماهو كما العود الكسير ذولا الثلاثه لوهرج منهم احد لتصدقه=حتى حلف وابشرك ف المجتمع منهم كثير |
اقتباس:
حيا الله ابو محمد حمد لله على السلامه بمناسبة العوده نبا منك فصل انت او ابوطارق وشايف انّه ماهو بعيد مالكم عذر الليله لا انته ولا هومحبينكم يبغون سمركم لهم حق وواجب عليكم . |
اقتباس:
|
اقتباس:
ابشر ابشر يالمقرم ونت طلباتك اوامر=فوق روس الكل لا يابووليد للخواطر صافيه يالشهم بتزين المسامر=والهواجس باتجيب اللي جديد ياعسى حظّي مع الجاويد ميقع حظ عاثر=ياهجوسي خلي الزايد يزيد مانبى نعلّمك ونته ياعمر عارف وخابر=تعرف الجفري ومحسن بن فريد |
اقتباس:
العشى في القدر عا نار المطابخ والمجامر=كل شي موجود شف بعيد عادني مد شن ويدي عالمقص مازلت صابر=لين يظهر راس هارون الرشيد باقزع له بالقي مدخل على قلبه ونافر=لي سرق بند قك يابيت القصيد |
اقتباس:
احمد الله ياعمر يالذيب دام العتم سابر=ويش تبغى بالملازم والعقيد كلما هجدت شوي رديتها هوشه وناير=ماعرفنا لك ذكي ولّا بليد ون ظهر هارون ياذيبان عا البث المباشر=خاف عدها روس يكردها كريد مابظني حد سرق حد ياولد والحق ظاهر=والغلط ياصاحبي يحصل اكيد |
اقتباس:
عاد في راسي هواجس من قدا بن عمر عامر=مانبا نغلط كما غلطة حميد قبل نقطع با نقيس الميح من واحد لعاشر=والليالي مقبله يابو سعيد مانهم في البث لو عشره كما يسلم وداعر=في ثواني با نضويهم شريد يعرفوني كلهم لقد السمر حاضر با حاضر=وانت تعرفني ويعرف بو وليد مثل غيث الخرف باشر اهل صاعد واهل حادر=واسقي احو يره وعوره والرشيد |
اقتباس:
انت قدوتنا ونحن نعرفك متجيب قاصر=قولها والله على قولي شهيد بس انا شوف الحكايه ماتخص يسلم وناصر=لا تشب النار توقدها وقيد خاف تحرق ياعمر فيها وتصبح شخص خاسر=تجني الحسره وغيرك مستفيد شف عقيل انشده وانشد صاحبه احمد معاشر=باتفيدك لورساله بالبريد ون تبى شوري ترى ميضيع كل مخلوق شاور=اغفر الزله وتبلغ ماتريد السماحه طيبه يالذيب دام العظم جابر=واعرفك ياصاحبي رايك سديد المهم رجّعك ربي لا غلوبك والمحاضر=تبترع ياراعي الباس الشديد |
ما شاء الله عيلكم يا بن احمد انت وابو طارق
مسرحات امتعتونا بها لكنها التهمت الربوط . فصل جديد يابوطارق على شان نتوله قبل كل واحد يسري له ديره |
اقتباس:
معلّقه بمعنى الكلمه !! |
مجلس عمر الذيب تدردب إلى الصفحة 3 في فهرست عذب القوافي هيّا رفعناه الآن إلى رأس الصفحة الأولى وعسى ما يتدردب مرّة أخرى! العشق في قلبي مزيّد لك يا حياة الرّوح لي سمّيت حالي يا أهيف رهيف القد يا لون الطهوب ريقك دواء سرّي مؤكد ( لــ ) إللي عبر عمره هدر دايم يصالي ما له دواء غيرك ... ولو من جبح نوب ( منقول ) |
اقتباس:
لاتفتح الباب المبنّد= ذكّرتني ايّام عدّت مع ليالي= نكّشت بي يالمخشني كمّين صوب= ذكره في الخاطر مخلّد= نذكره لاقد هب بحري او شمالي= له حصن في قلبي حجر ماهو بطوب= |
اقتباس:
السيل في الوادي معمّد=قد سال بعد إسنات لشهر والليالي وجه اليمن يصبح طري بعد الشّحوب= |
اقتباس:
العكر ذي قبله يهدّد=خوفي على سبيي وعاخيرت موالي ذي هن في المسيال عاعدة تبوب= والهيج عاده ماتقيّد=منّه شكت يالمخشني صفوت جمالي ديّع في الوادي وعينه عالجروب= لي هو على ضرّي تعوّد=ماطبّه الا طعن باذلاق النصالي لمّا يقز من نخل جربي والعلوب= |
|
الفصل طال إذا ماشي في الخاطر بانسوي فصل وإن شاء الله يعجبكم وبدون مجامله لاماهو مظبوط شفو غيره
من منكم خطط وشارك = وشل قسمه خام من لحم الذبيحه= لابارك الله فيك يالوجه القبيح من لاقراء سورة تبارك= مابايجي منه خلاف إلاّ الفضيحه =والجود والمعروف للوجه الصبيح أرجع دخل حوشك ودارك= وفتح أعيونك وشم ياخار ريحه= دنياء الندم ماحد عليها مستريح |
اقتباس:
يا با دجانه هت خبارك=وإن شي معك لهل السبب أيّة نصيحه قدها مقاله ( لا بليتِه لا تصيح )= |
اقتباس:
جتك الأذيّه مِنْه جارك=وإنته تبا يسقيك من شُخْب المنيحه وِتْبا السّند مِنِّه وهو قصده تطيح= |
اقتباس:
قولوا لبانافع معارك=ما بينهم لثنين بس ما هي صريحه إمداغلِه بين المفوّه والفصيح= |
اقتباس:
ياصاحبي كُثرت سِفارك = والارض دايم لأجل امثالك بريحه من غيابك دمعي الغالي يطيح . = |
اقتباس:
كم زاد قدْرك معْ وقارك=يا ليث هاشم سمعتك زينه مليحه دايم يجي يا شيخ مِنّك كل مليح= |
اقتباس:
يا بادجانه خذ قرارك=المال قدامك وشف بقعه مُتيحه=ماليوم شف ماحد من اصحابك صريح
ماغير ضُف مترك ووارك=سالم على غادر وخلاها جريحه=وانا مصّوب والذي مثلي جريج |
اقتباس:
سلامته سالم علي الجرو بو لطفي!!! وإذا المعنى في بطن الشاعر وتقصد شخص آخر فسبع زخيات قفاه. |
اقتباس:
لا اقفيت باعلّي مزارك = واللي قِتل لليوم ماعرفنا ضريحه ضنيت ماشي له ضريح ..= والسم في داخل جِرارك = حذرك صحابك كان تقبلها نصيحه دايم وانا فيكم نَصيح .. = |
اقتباس:
يالمخشني دائم شعارك =الوفاء والود والكلمه الصريحه=منته منهم لي يحبون التفاخر والمديح كل من جاورك زارك=اللبن تسقيه من ضرع المنيحه=في أباريق الذهب تسقيه ما هو في سفيح |
"]قال الفتى حسنون بنت النايحه مبعد بكت =شوها غريبه ياصحابي عاد حد ينكر نكير
|
اقتباس:
قولوا لحسنون الفتى مالبنت عرياء لي ضوت=لو هي نويره كان ماخلطته بُرّك بالشعير أظاهر انها الا كشافه عالعرب ماشرفت= عاقل ولا راعي المشوره باوزير |
اقتباس:
غصباً عليها تستحي مادامها قد وكّلت=قبصة حشيمه جاتها في زحمة السوق الكبير
:FRlol::FRlol::FRlol: |
اقتباس:
سهلاه يا القبصه ما دام البنت عَدْها ما أحملت=لطَّلّقت يا الواقعي هو الزّين ... ما معها صغير بس تنتبه من بعد ... كل ما قيّلت أو بيّتت=لا يغرّها مولى البقش ... لا تنبطح له عا السّرير |
اقتباس:
يالمخشني حذرك من الثيران لاقد عصبت = مالك ومال الي عصت في عهدها كمن وزير
|
اقتباس:
ما جات بالقوة ولكن بالسياسة قد رضت = اما ولي الامر كان ايعيش في الحلم الكبير وانته من اللي شجعوها يوم شافوها استحت = قالوا لها يوم السعادة جاء مع الخير الوفير |
ولعاد ينفعها الندم مادامها قد شرّفت = في عرسها رقصت وراحت لاقداهم هي تسير واليوم لا يالمخشني شفها لبوها قد شكت = لو كانت العصمه بيدها كان خلّت بو بصير |
يا خسها ليله على اهل الدار من يوم اقبلت= حد منهم واقف وحد جالس وحد شوفه يسير حد منهم راضي وحد زعلان والثالث سكت=لا الراي واحد والنبي ما شلها لو بايطير |
واليوم هذا البنت يا اهل الدار شوها جردت =قد زقلت النقبه مع الشيذر وبا تقص الظفير مادام واليها يغفل عاد صوته ما خفت=واجب عليكم كلكم صغيركم هو والكبير ان عاد شي نخوه تباها منكم حذها وهت =في حلها لما نختكم لاتغيب وسط بير |
كل عام وأنتم بخير |
اقتباس:
كل عام وانته طيّب مفتاح المجلس بيدك الليله يابو رائد والشادليه من سلومك . |
وهذا فصل يابو وليد
طرحنا اليافعي والزنجبيل الحار في الدله = طبخنا شادليه منها يكفي ملى الفيجان بغينا بانقهوي منها حسني وبن بله = وبشار الأسد وانجاد لي طوّر بلد أيران |
اقتباس:
نجوم الخرف باتعطي ثمرها جاي في حله=وبا تشرب ذبور الكسر لاقد فتكت الوديان ولكن المصيبه با تقع لا قسموا الغله=لهم عادت ما واحد يراقب شوكة الميزان |
| الساعة الآن 02:57 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir