مالليله التصويت لا وادي عمر=والصوت بايوصل عبوده والسحيل
ياريتها الا بالتراضي والخّير= ان كان ما فاز المعلم والقبيل

مالليله التصويت لا وادي عمر=والصوت بايوصل عبوده والسحيل
ياريتها الا بالتراضي والخّير= ان كان ما فاز المعلم والقبيل

مالي في البحرين ولاّ في قطر=تركّتها يالسبع في قيم المقيل
من بعد ماقد شفت غبران الصور=كلن من المذخور من رهقه يكيل

صوت لمن تبغاه ياوعل النتر = ماضن شي كفه على لخرى تميل
لما يجي عارض ومخصب بالمطر= بيجيك وادي عمد من روسه يسيل

يالدينميتي كل حجه بالبصر=تاتي وبالراضه ولا شي بالصميل
خذ لك من الي فات والماضي عبر=شفها سحابة صيف ما منها هشيل

والنعم بالوادي ومن جاب الخبر=وادي يزف بالجود ماجاب القليل
يبهوض والجفنه مع وديان سر=تشهد لوادي عمد بالخير الجزيل

قفلت معي خله يحن ولا انكسر=مادام لصقع قاد لعور والشليل
جالس تزر فالحبل ياسبعان زر=لم انقطب والهيج عاده فالحويّل

الله يعينك لا تساقطن الستر=مانا معي عبره من الزام الدويل
ماقلت لحد نسم ولا زر الكمر=كلين بايلقي الذي هو مستحيل