ســـــــلام قل لبوراضي يعم= المنتدى كــله القريـــب والــــبعــيد
يانسل الاجوادي يابن الكرم= ياالشاعر الكبير يالجيد يابن الجيد
كلامك ياخذ من القلب هــــم= ويفرح الخاطر ولو به هم شديد
تقبل سلامي عدد ماسار القدم= وعدد جرايان كرات الدم في الوريد

سلام من عندي لحمران العيون=وسلام للمشرف وللقايد عقيل
ياريتكم ياهل السقيفه تعرفون=بان الوفاء والجود من شيمت عقيل
اسس لنا بنيان حافل باالفنون= وفي الثقافه والادب ما له مثيل

سلام من عندي لحمران العيون=وسلام للمشرف وللقايد عقيل
ياريتكم ياهل السقيفه تعرفون =بان الوفاء والجود من شيمت عقيل
اسس لنا بنيان حافل باللفنون=وفي الثقافه والادب ماله مثيل

يامرحبا بك الف ياجزل القرون=انستنا ياصاحب القرن الجليل
والمشرف واللي بجنبه يقصدون=هم اسسوا للفن عالحيد الجزيل

ابو صالح له موقع في وسط العيون= الشكر في حقه يعتبر شيء قليل
روادنا وزوارنا بالسقيفه يفرحون = وافكارهم تجبرك تلقالك خليل

السلام عليكم ورحمة الله ...
اخواني في السقيفه.... تحيه اخويه طيبه....

عدنا لكم بعد الغياب الخارج عن ارادتنا....
مع تحياتي..

سلام من بن سلم تعداد لمزون= وعداد ما الودي صبح سيله يسيل
والعذر ياصحاب المعزه والشؤؤن=ذلا الزمن هد الجبل ليهو طويل
خلا ولد بن سلم غارق في الشطون=جالس في الغربه ودموعه تسيل
والناس لي غابو عسى مثلي يجون=نحيي تراث الاهل لي وزنه ثقيل

مرحيب بك يا صاحب الشعر لي موزون= سلام يا بن سلم من عينات لمان السحيل
عذرك معك وعلى السقيفه ما يحتاج تبطون= المشاعر صادقه حين تصدر من مثلك اصيل

أنست يابن سلم ياريح الدخون=ياخيرت الصاحب ويانعم الزميل
كل الذي هم في السقيفه يسالون=عنك ويتمنون ودك ياالاصيل
والناس ذي هم يعرفونك يشهدون=باالجود والمعروف والفعل الجميل
خليت الاعداء والشواني يندمون=سريت كم شاجع من الساحه ذليل

الفين ياحيا بكل مخلص وفي=يوفي وعوده مايخالف في الوعود
في حلها يقدم ويبدل كل شي=ولاثارت الشاره رعد مثل الرعود
الجيد ابن الجيد ماباينتسي=ذكره ولاباينتهي عبر الوجود
باتيس ذي هو بايبتي كل عكي=بشهد لبن باتيس والعالم شهود

يامرحبا بك ياذل الوفي ياابن الوفي=عددمالمع بارق في المنشي وحنت رعود
شرفت عاقلنا وشرفت ذي عيدةغبي=وباتيس له عادات يخلي كل شامخ ينود
الليل يالشعار شوني باظهر كل مختفي=ولا باحسب للحكومه ولاباحسب للجنود
بس محيرني طفل في المهد عيده صبي=والا مـا بـا حـسب للنصـارى واليهـود

الفين ياحيا بكم من خاطري=يانسل جروان النماره والاسود
ياسبع يابن السبع ياساعد قوي=بالكلمه العياء ترقل بالحيود

قالو طلع بطال ذي قلتو تقي =واحترت مابين النصارى واليهود
من باطل الملعون ذي نكد علي =ذي هو يرد السيل فالوادي سنود

ذى فصل والثاني لبا منكم طلب=تحيو تراث الاهل يالشعار
كلين من عنده يبلغ مايجب=منكم لبا مكتوب صادر في قرار

حيا وسهلا قل لبو طارق رحب=ياوعل بوقرنين عاروؤس الصبار
ياكم وكم قناص في سدك تعب=ياحارس البندر وياحامي الديار
ماقلت لي ماليوم بقعه تلتهب =لبنان في زره عدمها الانفجار
الروس وامريكا عصابة بولهب=هم قاموا الفتنه وهم ساس الدمار

عينات تفخر بوجود السبع القبب = وجبال عاليه تحوط على كل الديار
البرع بالعيد يفقع وكل واحد يقترب= والجنابي حاضره ترتفع بِيَد الكبار

ياسبع خلك سبع مابين الذيب =واخذر من الجزار ذي سن الشفار
واحنا فلحنا ماسوى الى فالطرب=نرقص على القنبوس وانغام الوتار

كل يوم بسم الله دايم ابتدي=معبود سبحانه بحمده في السجود
يالله طلبتك كل عاصي يهتدي=ياخالق الانسان في هذا الوجود

معروف بورايد قوي ما ينحني =عظمه شديد الباس مفتول الزنود
صابر على الالام والضرب الحفي=يسهر على اخوانه وخلق الله رقود
وان قد طلبته قال خذ ذي هو معي=الله بايحفظه من عين الحسود

طلبتك يابوراضي ولاترفض دعوتي=وخلك رجال نشمي ماتخلف العهود
ارحبت انته ومن معك بايجي=لارض رخيه والقطن وثمود