ماقول شي فاهل المعزه والكرم = دوب الكرم ياتي من الناس الكرام
لتسابق العملاق لوكانك قزم = وان كان جم مثلك عالدنيا السلام

ياصاحبي شف مالكم فينا عشم=وش قرب الحضري قدا بدو الخيام
ياطارف ارفع راعد المقصي زجم=وش بايكنك يا هيامك بالهيام

يالقاسمي مالليله البارق برق=ماباتشوفه العين لي مثل البراق
وان قلت لك نوبي من اجبوحه فرق=يصعب عليّه بُعد نوبي والفراق

ذيهو تركها قل ل خالد قد شهق=ومن تركهم قد تبلاهم شهاق
ومهرة الكذاب ما عمره صدق=رباء عياله عالرشاوي والصداق

من يوم قابلناه يمشي في زلق=ومن قمس سعفه يزلقه انزلاق
ون ضايقوه اعداه وافق واتفق=خاين وقد وقع وثيقة لتفاق