|
ياكم واكم قد سألنا يالوفي عنك = قالوا لنا ناس انك مرهف الاحساس بسألك عاد المحب ذي ماخلف ظنك = عاده بجده والا قد لقف مكناس ؟ |
اقتباس:
وافي ولبعد قصر رطلك ولا مَنّك=والناس ما هم سوى ... عدّة عِيَن وأجناس وإن جات زلّه تجي ما عنّها وعنّك=ياما بلعنا الزلل من زيد بن مرداس |
اقتباس:
أنا لوحدي عرف يالمخشني رطنك = أيام ماكنت تقطع عودهم بالفاس لابارك الله في من باكشف حزنك = في عيد فيه الفرح ماتنكتم لنفاس |
أين الأحبة من السمر ؟..نترك لهم الفرصة في المشاركة أو نغير الصوت مارايك ياغالي ؟.
|
اقتباس:
ذاك المحب ذي بطى يا وليد في ذهنك=على فؤآده لقى ضبّه معا ترباس سلم لنا عا الأخو العملاق ذي محنّك=ذي هو معَن في العداوه دونما مقياس |
اقتباس:
ما قاله البكباشي فهو ماشي |
اقتباس:
خله يروح ولاتسقيه من دنك = مادام عادك تشوف الحرف في الكراس يبلغ سلامك لهم وبابلغ حسنك = من طيبتك يارضي كل عيف بايحتاس |
اقتباس:
يا بلحمر تِفْهَمِه رطني بحق لنّك=دايم تناخش محمد يا صليب الراس وِتْزَعّلِه قصد يضحك في السّمر سنّك=وتذُر ( فــ ) عيونه الشطّه معا البسباس |
اقتباس:
مصخى بمن هو على ديني وعا دينك=مبغيت مخلوق يمسي الليل في رِطّاس
|
اقتباس:
والسّكن يا بلحمر بالظن قد جنّك=وأما أنا با نهب لا حجر والأخماس!!!
|
اقتباس:
شفنا حمامه غريبه عامده غصنك = لادوعنيه ولاهي من بلد جساس والظاهر انك خبيت الحب في حضنك = اش ذا الخطط ذي معك لاياالذكي يالحاس |
اقتباس:
ذيهم يغتون في جبنك وفي سمنك = هم ذي يفقعون ع الطبله وع المرواس ماهم عبارك ولاهم في قدى سنك = والآدمي لافتقر بايعلن الافلاس |
وين طهمت يابن مخاشن ؟
|
حد شاف بن مخاشن ياناس ؟ الظاهر أنه ذبها بالبرود !!!!
|
ذكرتني بالمدرف الذي كلما حن على صوت بمدروفه وانقطع نسمه ,التفت وقال :أبن من هذا الولد .لكن مرنح في السمره ماشرد .
|
اقتباس:
الشاعر بن مخاشن ما يخرج من المرباه إلا لا خلص عليه الرصاص وكمان عليه واجبات وله حقوق قبل وبعد صلاة العيد وبايلطم على الأصحاب والمعارف بايعاودهم غبشه والباقي قدك داري به يا شاعرنا القدير حنطبه؛؛؛؛؛ |
لله دركما من شاعرين عملاقين .. استمتعنا بهذه الامسية الرائعة ..
ابن مخاشن .. اين اختفيت .؟ ننتظرك يَ غـآلي .. وشكرا يَ شيخ القوافي " حنطبة " تحيـآتي لكم ودمتم بـود وكل عام وانتم بخير . ! .. محمد نور .. ! |
عيد مبارك وكل عام وانتم بخير وصحه وسلامه
|
ياعيد حيابك = خبار اهل الوطن ماتشرح الخاطر وكل ماقد حصل نكد على سالي = يحن لى ارض فيها كاسبين الجود والمعروف ياالزين ماصابك = من عيون الحسد ذي تقطع السابر وانته الا بري من سلطة الوالي = وبيجيك الفرج والعين عدها في فرح بتشوف |
واديك وشعابك = يحن قلبي لهن لكنني صابر على الغربه وذكرك دوب ع بالي = واتمنى رجع لكنني ع فراقهم مكلوف ذره من اترابك = وورقه من غصون اشجارك الزاهر لهم عندي ثمن ياموطني الغالي = كثر من مال بن لاذن وباشنفر وبامردوف |
اقتباس:
وكل عام وأنت بخير أخي الشاعر سبع الليل |
اقتباس:
بلغك الله كل ما تتمناه شاعرنا الحبيب حنطبه؛؛؛؛؛ |
اقتباس:
|
واقف على بابك = أنا المسكين يابالجود ياقادر تسهل أمرنا وتحقق آمالي = وتصلح ماخترب في ارض دمرها الطمع والخوف سنتك وكتابك = لنا منهج في التشريع ومصادر وقائد وحدوي ع الحق مايبالي = يساوي بيننا في كل شيء في الدخل والمصروف |
يالعيف من جابك = دمرت المال ذي له كم سنه عامر لقيت الأولي في الترقيه التالي = ولاهو ع الخبل يمشي على العاقل غلب مايطوف اهلك واصحابك = بغوا منك عمل ياالفاهم الشاطر ولاحد يعتمد ع البيض والدالي = وشف ماشي مغطىء ع الجنوبي كل شي مكشوف حضرتك وجنابك =يشوف الناس في الاسواق تتدافر ولكن البضاعه سعرها غالي = من التجار مكسبهم في الحاجة البسيطه الوف |
ياعيد حيابك = خبار اهل الوطن ماتشرح الخاطر وكل ماقد حصل نكد على سالي = يحن لى ارض فيها كاسبين الجود والمعروف ياالزين ماصابك = من عيون الحسد ذي تقطع السابر وانته الا بري من سلطة الوالي = وبيجيك الفرج والعين عدها في فرح بتشوف واديك وشعابك = يحن قلبي لهن لكنني صابر على الغربه وذكرك دوب ع بالي = واتمنى رجع لكنني ع فراقهم مكلوف ذره من اترابك = وورقه من غصون اشجارك الزاهر لهم عندي ثمن ياموطني الغالي = كثر من مال بن لاذن وباشنفر وبامردوف واقف على بابك = أنا المسكين يابالجود ياقادر تسهل أمرنا وتحقق آمالي = وتصلح ماخترب في ارض دمرها الطمع والخوف سنتك وكتابك = لنا منهج في التشريع ومصادر وقائد وحدوي ع الحق مايبالي = يساوي بيننا في كل شيء في الدخل والمصروف يالعيف من جابك = دمرت المال ذي له كم سنه عامر لقيت الأولي في الترقيه التالي = ولاهو ع الخبل يمشي على العاقل غلب مايطوف اهلك واصحابك = بغوا منك عمل ياالفاهم الشاطر ولاحد يعتمد ع البيض والدالي = وشف ماشي مغطىء ع الجنوبي كل شي مكشوف حضرتك وجنابك =يشوف الناس في الاسواق تتدافر ولكن البضاعه سعرها غالي = من التجار مكسبهم في الحاجة البسيطه الوف |
اقتباس:
لا تحرق أعصابك=عزم ياحنطبه وعبر بخط صافر مثيلك قال بوجمعان بيصالي=نصيف الله في عامر وصالح بن عمر شرغوف يادار مسخابك=يحلك مرتشي ويهينك الكافر ثلاث ارباعهم تركي وصومالي=ولا سيب الذي هم من قداء امريكا وقربتشوف |
اقتباس:
لو قلت لي مابك = انا بقول لك حظي ردي عاثر من الحسره على تغيب دسمالي = ومن تمر الصقاطر والمديني ذي صبح مقطوف سلفني اسلابك = وبنعود سوى ع الخط نتقاطر وبحلف انني مافارق اجبالي = ولو عودت للغربه حسبني آدمي مهتوف المجد يزهابك = نعم ياموطني ياعزي الفاخر تحدى الاجنبي لو قال ياحلالي = بملي متر من ارض البوه الشامخه لأنوف |
اقتباس:
يامسهل أطلابك=علي بالعهد لا ما قلت لك حاضر معك ياصاحبي في سلم وقتالي=عشان العز بانقضي على كل مرتشي ملقوف مقبلك وذهابك= علينا كالقمر والنجم لي سامر سمر ياحنطبه عارغم عذالي=وسل عاخاطري شفنا كما راعي الثقل مقصوف سيّبت لي سابك=وسبته في الهواء للزخي والعاكر وسبت الزاد والمزناد لعيالي= رفيقي مانبدل به بدل مهما قست لظروف |
اقتباس:
مابكشف احسابك =وعدني بادفع من مالي الوافر وخذ من مامعي ثلثين من مالي = وانا لي الثلث ون غلق اسحب لك على المكشوف ركز في اعتابك = على مباحث عدن وجنود وعساكر بغوا وضع اليمن بالغصب فدرالي = ولابغوا وضع عند أهل القيم في مجمله مألوف ذي بدلوا احجابك = ولقوا لك طلاسم زود العاكر وسابوا عبيد حم وسط الخلا الخالي = بغونا الا تبع ع كيفهم تحريكنا ووقوف تدنيس محرابك = على يد العميل الخائن الغادر حذر منه وقل له الشال ذا شالي = إذا اشتد الشتاء بتشوفني ع الجول به ملفوف اردم بقلابك = بياري يوم دلوي حبله القاصر افي وقت السناوه ماعطي امجالي = يخليني حنب والمال من كثر العطش محسوف |
لاتزيد اعجابك = بنفسك عاد جوفك وسطه النافر اذا مسكوك لاعمي ولاخالي = يجوا وقت الدرك ويبعدونك من قريب النوف قلل في خطابك = كتب بالمختصر النافع الباهر نكر لاتقول ذه قصتي ومقالي = اذا نقدك رصاصه قاتله من داخل الشاخوف |
اقتباس:
النخب في نابك = فقه لاتجيبها سد العرب صاقر ولاهندي ولابيفيد بنقالي = ولو شافوك ع السكه يعبروا ع المدحمل روف والقمل في ثيابك = ومن كثر الوسخ كل يوم تتكاثر اذا بغيته يهب قلد تغسالي = بيا الغسه وبالصابون بو علامه الحمامه دوف ون طالت اشنابك = قصه بالمقص من قبل لاتغادر ولو شافوك بيحسبوك ايطالي = من اصحاب اللحاء خافك تبيت ع جبل مخطوف حمبصك وقنابك = لاتجيبه هنا خله لبو عامر في الوادي العوج باوصي اعيالي = يحرسونك من اسهام العداء ورماحهم وسيوف بعطيك اتعابك = اذا قصيت رأس الفاسد الساحر وانا ماخاف وظماري على جالي = يجوني لارعد وسط النشيه فوقنا وقنوف |
أين الأحبة ؟
|
باقطب اشذابك = من العلب الذي ع الساقيه حادر وباخليك تسمع صوت سركالي = تبيت تندوح لما تنذي حبك المنسوف لاناخت إركابك = أنا بمسك خطام الدوسري الفاطر معي صحبتي في الترحال ورجالي = ولك كلما بقي حتى جواني قطننا المندوف |
ياشعب نوابك
على الحايه الصغيره دوم تتشاجر وبين المر مايفرقون والحالي ولاجتمعوا بنيه صادقه يوم القمر مخسوف واسباب احزابك بمدح الفاسد المغرور والخاسر يجعلونه بطل وعفيف ومثالي وماتحتاج له سيئون يسوونه لاهل الجوف ((((عيدكم مبارك ومسرات وخيرات ....تقبلوا مشاركتي المتواضعة ))))). |
عولك وغرابك = يقولين الحقيقه وانت بتكابر وخلك مثلهن في القيل والقالي = ولاتساوي العطب يابوعمر في قيمته بالصوف مدحك واطنابك = يفوق الحد وانته محترق حائر بقوه كاسحه تهجم على مثالي = وانا مسكين لا عراف لي مثلك ولاسنقوف |
اقتباس:
نيزكك وشهابك =على بلاد العوالق ذه سنه مامر تفجر قبل مايوصل لمسيالي = حماني الله من عين الحسد ذي ماتحن وتروف يامجري اسحابك = تقرب رأي بامنصور لباناصر وذي هو في المكلا يشبك اذبالي = تجي له صاعقه وتشل اركان البنى وسقوف |
اقتباس:
لالعبت بكعابك = لعب معهن ولو روعك نزل بادر دعيني لاتسكت باجيب عمالي = يشهدوا ان عينك ماوصلها منهن اقذوف لاحد تعنابك = تلقي له لوك وهروج وتخاطر بنفسك وأنت في صداقتك طوالي = وذي نفرك من جارك طلاسم ماكنه وصروف |
اقتباس:
أهلك وانسابك يسكنون المدن ووجودهم ظاهر وبالمعوز بلاغتره ولاعقالي وهم بدوان قد حلوا مغاره في جبل وكهوف كبرت مخلابك ولاسويت شيء والبعض تتآمر وأما العولقي ماقال افضالي عليكم واضحه ياناكرين الجود والمعروف |
اقتباس:
ماحجيت خطابك = ولاغشيت حد بسلوبك الآسر وقولي بيشهد ع كل افعالي = ولاتأثر ولاهتز منها ذي خضبت لكفوف يالعيف اسبابك = تحملت الأذى والقوم تتناحر وأنا صابر وساكت ماشكي حالي = حسبت الجود بايثمر وبانجنيه بالمردوف ارميت اقطابك ؟= وتبغاني دخل في البحر ونغامر وأنا بدوي على نشرتي وجمالي = سرح وضوي وتعجبني صوات الدان والمدروف |
| الساعة الآن 11:18 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir