على الطعم يسقط من لايطير = ومن لايحلق فوق الغمام

قصتي قصه طويله مالها قفله = ولها بدايات معروفه بتاليها
كانو وكانوا يبعون الامل جمله=قادوا السفينه وتاهوا في مراسيها
هيهات هيهات تشعر منهم ذله = وتفرقوا بعد ماهدوا مبانيها
حد منهم انقضى نحبه على غفله = وحد يخبط ولا حدد شواطيها
وعسى نهاياتم كانت على المله = متروك له الامر خالقها وباريها
مسرع صماصيمهم تصبح لنا عله = وينقلب حامي العده حراميها
ماهم على نهج بومدين وبن بله = عالي السفينه بغمضة عين واطيها
وتصبروا الناس وعطوهم مائة مهله = ونهاية القول ذب البنت غاويها
وباركوا الابرياء ماقرروا الشله = وتأملوا خير زفتها لهاويها
في خلال ايام شل سيمانها كله = والحجل والعضد سابه لين يرضيها
وترك لبن خالها الصيد والوقله = وقال له حذرك لاتجيب طاريها
بن عمها شفه مترقب لنا الطله = بالروح والدم يحميها ويفديها
عينه طويله على الصندوق والعمله = وعلى الذهب والدرر ذي بايحليها
بنضيع لو قلت كلمه سهو في الجمله = احسب حسابك ودقق في معانيها
خلك محنك سياسي واترك العجله = واقنع جميع العرب أني مربيها
وحدي وسهران لما كبرت الشتله = وانا الذي كنت حارسها وساقيها
انا البطل بس ذيهو لابس البدله = حقي وملكي سواحلها وواديها
ياالقاضي الأولي لاتشتت الحمله = ياكم دساتير تظهرها وتخفيها
لي مايناسبك ترمي به في السله = ومدعيها معك ومعك محاميها
ومابقى منك إلا تحرف القبله = كل شي تغير ويكفيها الذي فيها
مافادت انغام اوتارك ولا الطبله = ولاصواتك والحانك تسليها
الصوت ترنيم له وعاد له شله = وله قوانين يفهمها مؤديها
والحاصل إن النهاية ماتقع سهله =وأنت البطل وأنت كاتبها وقاريها