يقول بن وزران ياساري الليل=هت مامعك من قبل ميبين فجره
في من علا نجمه على الجدي وسهيل=مثل القمر غطاء نجوم المجرّه
يافارس المعنى على صهوة الخيل=تعّبت بحرالشعر مده وجزره
مرحوم عاقبرك نثرنا الاكاليل=عسى السماء تسقيه من فيض مطره
ياصاحبي يرياض ياباشراحيل=بكتابك( المحضار مرآة عصره)
دليل انّك ماقطعت المواصيل=واحفظت ماقد كان من ود وعشره
انا اشهد انّك وافي الوزن والكيل=لله درك يارياض الف مره
وبشرحك الوافي وعمق التحاليل=اسعدت كل قاري واثلجت صدره
افرحت رواد الادب كم وكم جيل=بريت بالمحضار خلدت ذكره
ساعة صدوره مثل طش الهماليل=كنّه نزول الغيث عا قاع جدره
طرحك دواء يشفي قلوب المعاليل=ف قلوبنا طفّيت لوعه وحسره
ولكاتب التقديم قدرٍ وتبجيل=واجب على المجهود مدحه وشكره
دكتور باسودان له زود تفضيل=له في مجال النقد همه وقدره
وختامها موقفي سجله تسجيل=يالسنبلي صاحبي بعطيه جبره

يقول بن وزران ياساري الليل=هت مامعك من قبل ميبين فجره
في من علا نجمه على الجدي وسهيل=مثل القمر غطاء نجوم المجرّه
يافارس المعنى على صهوة الخيل=تعّبت بحرالشعر مده وجزره
مرحوم عاقبرك نثرنا الاكاليل=عسى السماء تسقيه من فيض مطره
ياصاحبي يرياض ياباشراحيل=بكتابك( المحضار مرآة عصره)
دليل انّك ماقطعت المواصيل=واحفظت ماقد كان من ود وعشره
انا اشهد انّك وافي الوزن والكيل=لله درك يارياض الف مره
وبشرحك الوافي وعمق التحاليل=اسعدت كل قاري واثلجت صدره
افرحت رواد الادب كم وكم جيل=بريت بالمحضار خلدت ذكره
ساعة صدوره مثل طش الهماليل=كنّه نزول الغيث عا قاع جدره
طرحك دواء يشفي قلوب المعاليل=ف قلوبنا طفّيت لوعه وحسره
ولكاتب التقديم قدرٍ وتبجيل=واجب على المجهود مدحه وشكره
دكتور باسودان له زود تفضيل=له في مجال النقد همه وقدره
وختامها موقفي سجله تسجيل=يالسنبلي صاحبي بعطيه جبره