|
|
اقتباس:
عمودي من؟ يبو نوّاس ... شف للتمر علجومه وصاحبك الذي تقصده هو لقذوف والعلجوم *** وخل المعمديّه للذي في ( عرضنا ) رسومه عمودي بن مطهّر مهو لا تقليد أو مرسوم ــــــــــــــــــــــــــــــــــــــــــــــــــ ــــ عرضنـــا = عرض آل مخـاشــن وبه قرية من آل عمودي آل مطهّــر محمد بن مخــاشــن |
اقتباس:
رحب باقوال من شاعر يهز الارض بقدومه=محنك يعرف الميعاد والتاخير والتقدوم دخل في البحر يا محمد معا بو شيخ بن عومه=هو الريس ونحنا معارضه وانته لنا باعوم |
صحاب الدار عندك والنزيله بنت صمصومه = لعد تهتز ولاتفزع وخلك ذيب يا الصمصوم إذا هجمت قبيله غاشمه شعواء ومغرومه = شقيقه بايهد مابايجوك الفرس يا المغـروم (( صوت سيبان )) ــــــــــــــــــــــــــــــــــــــــــــــــــ ـــــــــــــــــــــــــــــــ اقتباس:
عمر شف ( صوتهم سيبان ) جنبيته مثلومه وسيفه قد تكسّر من زمن ... لتقول هو مثلوم *** وقد صلـّــب مواله والسواقي كبس مردومه حفر قبره بيدّه ... صبْر قبره بيصبح مردوم ــــــــــــــــــــــــــــــــــــــــــــــــــ ــــــــــــــــــــــــــ قبره بيصبح مردوم = أي أنه سيموت وسيدفن في قبره الذي حفره بيدّه محمد بن مخــاشــن |
اقتباس:
العمودي اصل يامحمد وشف لوضاع محسومه = ولعاد تهرج وتتكلم وشف هذا الخبر محسوم ونعمك في بضة دوعن تربي ناس دمدومه = ولاهو فسل سايرهم صبح ياصاحبي دمدوم عمر لاالمخشني يسال على حاجات معدومه = معاد باطول السيره وله باوجد المعدوم محمد كان نفسك من خريف البقل محرومه = عليك الدوم والتولق وكثر فيه يالمحروم وحسب الضن شف ثورك علف ناشب بحلقومه = بغاله بيطري لي ينزل اللقمه من الحلقوم |
انا يابن مخاشن ماقدر شفني على لومه
كذا طبعي بناد ماسعف ياصاحبي للوم ولو شي بينكم زقلوه وسط ابروم وضلومه ولانرضا لحد منكم يقع ضالم وحد مضلوم |
اقتباس:
هو الريس ونحنا معارضه وانته لنـا باعـوم ــــــــــــــــــــــــــــــــــــــــــــــــــ ــــــــــــــــــــــــــ نما ما الرّسْـع ألا يا الذيب ونـْـته شفت برعومه وبا يصبح مِـدِن بالسّـدْر دامه قد نمى البرعوم *** وجنب السّـدْر فيه الشوك مثل السّري مبرومه تغز إعيون كل سارق عدى عا حقـّـنا المبروم محمد بن مخــاشــن |
اقتباس:
معا الريس علي مابخلف بتبع اعلومه = وماصاحبك في المنفا ولا منه خبر معلوم ربينا عاحليب الابل والحشوان مفطومه = وكن المخشني من ام البن مفطوم وبنواس صم راسي وشهره قد كمل يومه = يجيب الصدق والواقع يدل عاذا كلام اليوم ولكن بعضهم ميدرى بشي غرقان في نومه = ريته قال ابو فيصل يصحصح مايفيد النوم |
اقتباس:
وذي هو بيننا يا صاحبي كلمات مرقومه سَـمَـر ذلاّ ... وحب الشيخ في أكبادنا مرقوم *** يحارشني دوام الوقت ... له أقوال مشئومه بدل ما هو يجيب الزين بو فيصل يجيب الشوم محمد بن مخــاشــن |
بغيتوا ايش بالنقاف وقعوا ناس صمصومه
لان الهرج ذا كثره مضر يالشاطر الصمصوم ومن هرج الزلف ماشي فيد ياناس وسلومه سوا غير الزعل والبغض من سالم ومن سلوم |
اقتباس:
أنا محجاك لا فيل النـّــجاشي مد زلـّــومه وإنته يعجبك نابه معا خفـّــه معا الزلـّــوم *** فقه يسحقك ويدوسك وقد يعصرك برطومه وساعتها ضلوعك تنكسر من عصرة البرطوم محمد بن مخــاشــن |
| الساعة الآن 06:14 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir