طالب لبى مصرى وخذ مدين=والا تركنا نرضي الشيطان
والله لو تتناطح الحيدين=ويسير من حيثه جبل شمسان
ماخلي البابور بو دقلين= يغرق لحاله في غبب سيلان

خايف يقع في ملتقى البحرين=ويغرق المركب مع الربان
من بايجيب الميل بودقلين=لوهو ببحر اللول والمرجان

المشاركة الأصلية كتبت بواسطة جحدر جحدر ياهاجسي باصيح لك وانته نغب = ضاع البعير الزين من رعيانه باعو وهو من قبل يوصله الجرب = واتعاضلت لقيود في كرعانه

منجيب شي مقيول يالغازي سحب = هاجسي يزقل من طرف معيانه
عوذ من الشيطان يامولى المسب = كل من تعدانا قطبنا لسانه

ابديت برب القدس والحرمين = سبحانه خالق انسها والجان
مجمل جاب الصلح ماذلحين = والذيب جانا مشعل النيران
سيفه الغازي قصده باخشوين = مولا العضيده ومن الشجعان
ماطرعلى جاحز بايشل الطين = بيحسف ثمر داخل البستان
سيفه برق في معركة حطين = حذرك حذر شف عالجبل رميان

اليوم يالشعار يا سحب سحب = ماحد يحط جحدر في دكانه
الكلام الزين من صنع العرب = ماحد يتنكر لاصحابه ولاعمانه
عندي الدليل وأنك مكذبني قرب = الدليل واضح ياجحدر من عنوانه
واليوم يالشوبا ماشي قد خرب = أبليس صبح يوزن في ميزانه

مركبنا ياطالب مايهاب الغبب = مايغرق المركب وعاده فيه ربانه
لاتخاف ياطالب ياعز النسب = المركب المعروف ذا معروف بعنوانه

يامرحبى بالقول من شاعر كتب =بعض الصوع يعجبك في قيفانه
وبعض الصوع يندرك لا سوق الجلب=ويحط طليانه مع خرفانه
وان كان هو ناوي وبي قل الادب=بشرم ثلاثه ارباع في اذانه

ان حد رضي راسه فنا راسي غلب=ون حد ضمي جبت الدلي والزانه
وآنا الذي معروف من جدن وأب=من راس حصني نارها رشّانه
وانا معي سكين باقص العصَب=بقضي على الغازي وبذبح ضانه
واليوم يامريم عسى حدلش خطب=من ذري با واكد ومن جيرانه

جحدر معاه الزير في حربه نشب = وفارس لظهر الخيل وفكوا رصانه
فارس وهو الغازي مايهاب الكرب = مايهاب الموت باينزل وهي رشانه