المشاركة الأصلية كتبت بواسطة المطلع (المشاركة 369357) خل ذولاك هت لي في سقم والغليله =ايش لقوا بطي من شان ذلحين يلقون كل عاشق بلا معشوق الله وكيله =مايحصل من العشقه سوى الذل والهون

مثل شاهي المحب ماشي ولا زنجبيله=لي به القلب متولع ولا زال محنون
باعزم يا سعيد المشجري با سريله=المسافه بعيده والحرس ما ينامون

المشاركة الأصلية كتبت بواسطة صوت سيبان (المشاركة 369352) أنت سيد معك برهان ومعك حليله = والحبايب يحطوا الضرب مابين لعيون لطلب العون منك من حقول المسيله= هات برميل أولترين أو نص جالون

مامعي غير كي بوردي اليكم وسيله=وينهم بدوا هام الطيرذا الليل يمسون
ان تبا نصف وان تبغا القرون الجليله=باتبيت وزقرانك بذا الليل تشوون

المشاركة الأصلية كتبت بواسطة بونواس (المشاركة 369347) مرحبا مرحبا لايأمير الحليله يوم لك قدر عندي داخل العين والنون وانت ذكرتني ذيك الليالي الجميله مانساها ولاضني صحابي ينسيون

الف حياء بذي بنه وذي زنجبيله= يطلع الكيف ماهو كيف رشبه وغليون
من تعناء لمضنونه وجاء عا رجيله= بايسويه قرصه لي يحبه وكالون

المشاركة الأصلية كتبت بواسطة صوت سيبان (المشاركة 369363) أصلها تختلف فيها عطاياء جزيله= والهداياء قرنفل ون تباء مسك ودخون والمحبين فيها ينبذون الرذيله= لنقسم ليلهم وذن يقوموا يصلون

من خلص في المحبه ما ستارت رجيله =كأنه الا مقيد قيد ماكن ومرصون
والمحبه تعب عد شي طرق او سيله=للمحبه نبا دستور كامل وقانون

المشاركة الأصلية كتبت بواسطة المطلع (المشاركة 369364) ضاع كله عليهم شلها بانبيله =بعدما التنصبه راحت على ابن هادون عاقليد الحطب ماليوم والرانجيله=عالدكك والمقاهي تبغ حمي يمزون

والدبغ في المساجد ع المنابر زقيله=شفت حراث يقراءبالقلم ماذكر نون
والفتن كل شاوي شل فيها صميله=والدكك والمطابخ حقكم ورث مضمون

المشاركة الأصلية كتبت بواسطة صوت سيبان (المشاركة 369369) الف حياء بذي بنه وذي زنجبيله= يطلع الكيف ماهو كيف رشبه وغليون من تعناء لمضنونه وجاء عا رجيله= بايسويه قرصه لي يحبه وكالون

المشاركة الأصلية كتبت بواسطة عمر الذيب (المشاركة 369366) مثل شاهي المحب ماشي ولا زنجبيله=لي به القلب متولع ولا زال محنون باعزم يا سعيد المشجري با سريله=المسافه بعيده والحرس ما ينامون

لنقسم ليلك الدامس لزوماً تجيله = خل موترك مادام المواتر يحنون
سر بشويش في الصيقه ومر في الغليله= وانتبه من كلاب البدو ذيهم ينبحون

المشاركة الأصلية كتبت بواسطة صوت سيبان (المشاركة 369369) الف حياء بذي بنه وذي زنجبيله= يطلع الكيف ماهو كيف رشبه وغليون من تعناء لمضنونه وجاء عا رجيله= بايسويه قرصه لي يحبه وكالون

شل قلبي ودبر بو العيون الكحيله= لا عطاني عناوينه ولا رقم تلفون
ما رحمني يباني موت واصبح قتيله=مر جنبي ونا مصوب وفي القلب مطعون

المشاركة الأصلية كتبت بواسطة عمر الذيب (المشاركة 369374) شل قلبي ودبر بو العيون الكحيله= لا عطاني عناوينه ولا رقم تلفون ما رحمني يباني موت واصبح قتيله=مر جنبي ونا مصوب وفي القلب مطعون

غايت الشخص شفها ياعمر والوسيله = كلمت الود لاجاته من إنسان مزيون
وأنت طمّاع في قوته وفي سلسبيله= خاف منك عباد الله يشفهم يخافون