الكلام الحتف والعيف ماحد يطيقه=الشبامي شكى منه وحضرة جنابي
من سعف بعد هذا اليوم نشفت ريقه=في الزوامل صلاحي عارفه من خرابي
عارف الهرج والجلجل عرفنا سحيقه=واعرف الطعن تعرفني ذلاق الجنابي
وان تبونا على الصفحات نشعل حريقه=بنشعلها وبا تحرق طراف النصابي
غراب صاهد=

قل لشعارنا جيبوا القوال الدقيقِه=والشبامي حلف ينّه نوى ما يحابي
آه يا غراب صاهد ... للمهاوي السحيقِه=سحبلونا الجماعه بو شنب والوصابي

فصل يالسبع لا تبعد ونب عالعمودي=وانهم الزيرسالم ذي يطّلع شبيره
والقياده معي ونتو حراسه جنودي=من يخالف طريقي بّودعه سجن صيره

في بلاد العرب يا خوك ما اضمن وجودي=يوم بلدانهم مركب ولا لبوه ديره
الحذر من جنودك ... خير منهم يهودي=كم من عسكري قد ثار واردى أميره

فصل يالسبع لا تبعد ونب عالعمودي=وانهم الزيرسالم ذي يطّلع شبيره
والقياده معي ونتو حراسه جنودي=من يخالف طريقي بّودعه سجن صيره

العمودي انا عارفه ممعه زنودي=ماخلاف اللتع عنده وهدره كثيره
بو صوارين ويمثل بنفسه سعودي=ناصح الشيخ ولا بالقي به كسيره

في بلاد العرب يا خوك ما اضمن وجودي=يوم بلدانهم مركب ولا لبوه ديره
الحذر من جنودك ... خير منهم يهودي=كم من عسكري قد ثار واردى أميره

وش يناصح لهيده صاحب أفعال سود(ي)=له تواريخ يضحك عا الجموع الغفيره
والمصيبه يقول إنّه علينا يذود(ي)=وإنه الشيخ ذي صيته وصل كل جيره