حط المكاوي ناحجه فوق العلم=وانشدعلى الحمزه وخالد بن وليد
ذي صيتهم معروف في كل الامم=ذي يضربوا الكفار بيدا من حديد

كلن بعقله يالعزيز المحترم=حد عقله امخسر وحد عقله مفيد
واللي يحافظ عالمبادي والقيم=مابيندم ياجيد ياترباة جيد
والشيخ باقادر يمكن لا عزم=ميجيبها ربغه ولا نيه اكيد

ماباخريبه في طريقه قدعزم=مقبل قداكم جاي من مطرح بعيد
يالذيب علمته وعاده مافهم=وقلت له يالذيب شف طالب حقيد

باجيب لي يلزم وليهو ميلزم=مادام نار الحقد تتوقد وقيد
عندي ولد خالن وعندي ابن عم=وعندي جميع انواع اصناف الحديد

الحمد له والشكر ربي قد قسم = الفضل للفاضل بعلومه نشيد
من سمع قولك ظن عنتر قدم = مادرا انك من النغبه شريد
ماحد خلق فاهم وان كانه قزم = ايام بتجيبه وان كانت بعيد
لاهوطرق بابك يدوّرعالكزم = لاكذب لابهتان بل هذا اكيد
الضرب جاء منك عالهام الرقم = السم في نابه بعد منه بعيد

وينكم ياذي تفهمون الكلم = الشر محد منه بايستفيد
والادمي لاقده الا بكم = ما باتفند كلامه شي اكيد
معروف من ينطق بقواله حكم = ومن صاحب العقل الرشيد
وان جيت للحق باجي منك وثم = بدحق معك لا قبله ونيد

المشاركة الأصلية كتبت بواسطة عمر الذيب عمر الذيب بالصدق ياطالب تزم الحيد زم=والكذب والبهتان ماله شي رصيد والشاعر العملاق ميهم القزم =في كل زامل لاحضر يرعد رعيد

سلام لك يا الذيب يا أصمع يا سْـحَـم=إنته على كل الكواسر شيخ سيد
لحضرت لا يا الذيب جفّـلت الغنم=أرجوك خلي لي في الأوصار عيد
القافيه لا تخمها بإيديك خم=خلي لنا حرفين منها نستفيد
يقول بن عمرو الحمومي شو العجم=زحفوا لساحتنا وهل عيسى شريد

والبدو ذي دهباهم الشيخ الحكم=لا لبط شوهن حقهم ثنتين ليد

سلام من عندي لكم دام النسم=يجري مع الدم في الحناجروالوريد
في سعفكم ياذي تجلواكل هم=بابات ساهرعاالزوامل والقصيد
ماعذرباخلي القدم حذو القدم=دام الزوامل ملقيه فوق راسي رعيد
كل من سقاني شهد ما باسقيه سم=لي ركب المفتا ح عالباب الحديد