|
|
الاخ / عمر الذيب الاخوه / الشعار اسمحوا لي بالفصل والمعدزه عن غيابي الطويل لمجلس شاعرنا عمر الذيب
مرت سنه يالذيب على حاله برد دمه وحر = ظنيت باتبدا ردود الفعل وعاد الدم حار بالرمز والتشفير ريت القول ياتي والحذر = تفهم غلط قصدي وتتبع نجم تائه في المدار الموت في لحظه الا يالموت مامنك مفر = ابكيت في الدنيا عيون الناس و لـي قد صار صار لاهانوا الشعار لهم تقدير يرحب من حظر= باقوال من عنده على المقصود وفهمه للحوار |
اقتباس:
قنـّـاصنا جاب القوافي من قدا بحر(ن) وبر قوله مغطـّــى تطعمه حالي وقد تطعمه قار *** قل له لمَـه تحذر لماذا الخوف يا شبل النمر؟ منذو متى يا صاحبي لثعال بتخيف النـّـمار؟ *** والموت حق عا كل حي لابد نورد في الحفر وبعدها المثوى يقع فردوس أو حُمْـر النـّـيار *** لكنـّــها الدنيا إبتلاء يا خوي فيها نختبر لنسان بأعماله ... عسى نجتاز ذاك الإختبار محمد بن مخــاشــن |
اقتباس:
في بحر عشقي قال بو طارق من الصغره مهر=ونغوص ونجيب النماره من غويطات البحار والدر والياقوت والالماس جبته ياعمر=وعاد عيني بالذهب لي في مناجم زنجبار وانته تلف وتدور مابين الثرياء والقمر=وتحسد عمر ماتاباه يوصل طير لي في الجو فار |
اقتباس:
يامرحبا ترحيب بسم المبتدا هو والخبر=واسم اللغه لي جابها القناص في علم وخبار يحول ياحولاه ياهاجسي حوّل بالمطر=وانا من البدوان والبدوان تفرح بالمطار واليوم يالقناص قد دقيت ناقوس الخطر=ليت الاوادم تتعض من ماحصل تاخذ عبار دنيا دنيّه ياوسيع العرف شفها الا ممر=يوخذ نصيبه لادمي منها وهو جازع ومار الكيل عالنيات لا ياوعل مرصوص العجر=وصلاح لعمال الفوايد ياصحيبي والضمار |
لون المذاري كلها كل من ذرى يصرب ثمر=ان كان دقاق السبول يبات جالس في الوصار لكن شي يثمر وشي ما منه الا للنشر=كلن بحضه ياعمر في يوم تحصيل الثمار |
ماشي اعترف لي في كلامك يارفيقي واحتزر=انته مرخي الحبل ولا دائمأ عاالحبل زار ياحكمة الله قال خالد في القضاء هو والقدر=والانس هم والجن ماقدروا يردون القدار خرمان للزامل وصوت الدان لاحن الوتر=وسمعت شي مدروف او فنان يعزف عاالوتار صبت دموعي فوق خدي مثلما مزن المطر=والحال يتكدر ونوم العين لابانام طار والمغترب كمين عله في وسط قلبه ضمر=تعبان ومفارق صحابه راس ماله والضمار |
اقتباس:
ياحضرة القناص خذها بالمفيد المختصر = ما بتدرى إلا ولد الذيب في القشران غار مازال بو طارق معه ميزان محكوم العبر = من لعتبر بايعتبر في يوم كسر الاعتبار مادام سيدنا قسم بالله في ام الهجر = بيجيب حقه منهم لو تحرق الدنيا بنار |
هاتوا في الحاضر لنا خلوه كلما مر مر =يامعشر الشعارنبغي منكم مشوره وشار وان حد تعذر منكم نا منكم ماباعذر= في مثل ذه وامثالها نا مانحب الأعتذار القصد نبغي من غبب سيلان بانرسي ببر =ونشوف وش من حولنا في الأمر صار امر السفينه ذي بها الربان في الغبه شمر=ورجع من الموج القوي عكم بها وسط القشار ماتستخي للعطب خشبه فوقها تعبوا النجر=وتعطبت من قلة الخبره بهم وضح النهار يوم القباطن سمعهم ناقص وحد قصر النظر=اثر على شوفه وحد ماشي معه همه وبار يغلبه سكان السفينه لافرت فرته انحدر=ولعاد سيطر عالسفينه يوم زاد الأنحدار |
اقتباس:
حيا بلي شرف ابو مخشن في ساعه حظر = حيا بمولا العرض من جوده جبر صاحب وجار يابن سعيد السر في الدنيا مصيره ينجهر = احيان ضرب الليل يصيب اهداف ويهدمها ديار في الارض نا شوفك بنيت الساس واطرحت المدر = ياليت من مثلك يقيس الطول وعرضه بالمتار |
اقتباس:
هذا سبب خوفي لفهم القصد تخطي ياعمر = العيب عالمشواف الا يالذيب عليك الصيد طار ترمي على اهداف ونا ظني بعيدات النظر= وش جاك تقصفها وهي من سمح مافيها عمار الفرق في الاسباب واما الموت آتي عالبشر = الناس تتحسر وخذها الضيم على موت الصغار اصل الخبر ثابت وبالالوان موثق بالصور = لاتقول ماشفته وخل المشي من سنح الجدار |
| الساعة الآن 08:01 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir