|
|
قال طالب حسن صالح بنقده رهبني=ينتقدني وانا عالصح ماعرفت قصده ماتشوفون بوزايد بسيفه ضربني=وينكم وينكم ماحد مناصح يرده |
قل لطالب حسن واحدن قد سلبني = شل عقلي وقلبي قله الا يرده ودي الا اشوفه كل لحظه بجنبي = طول عمري انا ماشفت مخلوق قده |
الغلط ياجماعه بينكم كان فني= كل واحد من الشعار عامد بحده حد يبى الالف ذي بالمد حاكم ومبني =والمعلم يبى التنوين من غير مده |
في الرجاجيل والله قط ماخاب ظني=الف حيا بذي هو طاف عالناس زهده صحبة الخير والجودات شفها تعني=نعم والله بطالب دوب يوفي بوعده |
اشكركم جميعا على هذا الابداع والامتاع وحان وقت السحور عندنا
طاب وسبع اليل وبوزايد الله لا يخليني منكم وافتقدنا الاخرين الوعد بكره ان شاء الله تصبحون على خير |
اقتباس:
رضوا الهيل يالشعار باجيب بني=لجل عاشق رماله ذي وفنا بوعده يشكي الوقت يوم الوقت ايضا تعبني=دوب منكود يالخوه وحالتي نكده |
اقتباس:
احيتتنا بهذه الابيات الرائعه وننتظرك القابله ان شالله |
ابو فيصل والواثق حياكم الله مشرفين الله يشرف مقداركم
|
اقتباس:
بن كند صاد بو قشعه وبو قرن محني=جابهن من مناتر سبر لحدود وجده هيج منيب محمّل عالمنيفه يعدي=ما همر قسوة احسوره ولا هاب بعده |
اقتباس:
العمودي بهذا القول والله حنبني=وايش باقول دام الامر كله بيده العمودي يقول الخل كنه جنبني=والعلاقه لها ميثاق عندي وعنده |
بنشد الصحفي المندوب بالله افدني=بالذي قد حصل في حرف واجبال صعده صاحبي با يشد فالعيد او با يهدي=وان بغا قوم تلحق قل له ابشر بسعده |
كلااااااااااام يالواقعي
جيت في وقتك يالغالي ولكن بغينا فصل جديد منك |
اقتباس:
مامعك المثل يا نهد يا صاعراه والصيعري كفا ووفا ما ذلحين براس بو فيصل شيخ |
منتظرينك ياشيخ ماحد بايتقدمك
|
الشيخ قدها وقدودها
|
بيننا بعد السحور ان شأ الله
|
اوكي ولكن وين الشيخ
|
الشيخ شكله طلع
واحد يفصل من عندكم |
تصبحون على خير
وعدنا العصر |
فصل جديد
الشائبي حبه وأحمد شوقي = وشعرهم محفوظ في وجداني أسلوبهم والذوق ناسب ذوقي= وأبداعهم لوحه أمام أعياني لقْريتها ينزاح هم من فوقي =وألعب كما الأطفال في بستاني يفتك مرصاني وينحل طوقي= ونعم بحريه كما سجاني |
شعر الوفاء والجود هو معشوقي =والانتماء والحب للا وطاني ابداع راقي يالوفي مرموقي=مثل الجواهر غالية لثماني |
حب الوطن يجري بدم اعروقي=والوحده الغرأشقيقة عاني
من قبل يتسيطر عبيد السوقي=ويبيعه للقايد السنحاني با عوش يم الخصر ذي ممشوقي=بيعه بلا دلال يا بو هاني واليوم فيها خمس تعشر عوقي=ليدز ولاينفع دوأ الزنداني |
المعذره يا الصوت بسقي نوقي=وبا رعى من بعد ذا حشواني وعادني با بت يم السوق(ي)=نبغا ملابس عيد للزقران(ي) وسلمت عا ذي القافيه ... ما عوق(ي)=إيصيبكم لن قافكم جرداني بيجونك الشعّار رعد إبروقي=ما نا معلّق يا الأخو بأجفاني محمد بن مخــاشــن |
اقتباس:
المشجري ليته يجيب احقوقي=من ذي سرق قلبي ودبّر ساني غرنوق من نضره صبح معشوقي=وان ما رحمني اشهد اني فاني با عطي له المكنوز في صندوقي=والدم لو يطلب سفكته قاني لا من بني عذره ولا مرزوقي=جاري عشقته والنبي وصّاني |
اقتباس:
وكل مطروداً ترى ملحوقي=با تلحقه ان قدر الرحماني ترى المحبه والهواء والشوقي=يالواقعي قد كسرت عظماني والقلب من بعد المحب محروقي=اما الكبد مبطي وهو ظمياني |
عهدي بك ألاّ شاعر(ن) تريوقي=واليوم تنظم لي على القيفاني في العشق ويّا دولة السلجوقي=وسلاح ذري صنعة الإيراني نحنا العرب شف كفّنا مخروق(ي)=تبذيرنا أول ولا له ثاني وزعيمنا إللي قد صبح مشنوق(ي)=بعده نعاني ذلة(ن) وهْوان(ي) محمد بن مخــاشــن |
كلام ياشعار كلام
لي عوده بعد التراويح |
حمد لله على السلامه يابورايد
وقبول العمره |
وفصل جديد ياشباب
من عنده القدره يفصل |
اقتباس:
|
قيدت المنيبه يابو رائد طلقها الله يعطيك العافيه
|
قويتو يارجال
|
جديد
يا الواقعي حبك ولك تقدير=يشهد علي الواحد المنان ودي تطوّر كل شي تطوير=تفسح في الأتراك والألمان شفهم كما العجره تلف با الزير= لمان يصبح في خبر ياكان والكسر بعده يصعب التجبير= ولو جبر أثر على لنسان |
اقتباس:
يا المشجري نورتنا تنوير=يا سيف باتر يقطع العمدان انته على رجلك وانا با طير=واشرب كرع من قصبة المعيان مالي بهم دعوى قلال الخير=حقدي عليهم يشبه البركان ذلا نواخذ ساعية باقير=لا بيدهم ديره ولا سكان |
اقتباس:
المعذره يسعيد عالتاخير=ماشوف انا بقعا على العدّان ليتك تجي جده وجده غير=حتى زياره يارفيع الشان تقدير لك باجز راس ابعير=والي تباه امن الغنم والضان والواقعي يفهم من التاشير=وانا اعرفه راجل ذكي فهمان |
اقتباس:
صدقت في ماقلت والتعبير=لاياجبل راسي كما ردفان لخير فا الطاره ولا في القير=ولامكينت جيبي النيسان لاجيت بعبربه حفر تحفير=فل الوحل يزقلبي وفا القيزان ولعاد بيدي حل ولا تدبير=شكواي لك لا ياعظيم الشان |
اقتباس:
لازم نبا للعشرقه تعمير=والسوم بنرده كما ما كان لا كن ذالمرّه بدون الطير= ما باه يدحق سفلة الحرثان |
اقتباس:
ماشي يجي من عندكم تقصير=يا الذيب يبن الذيب ياسرحان ذلاّ الوفاء مصدره والتصدير=من عندكم بارقه والرعدان هذه وراثه والحياه أتسير=شبانكم يتوارثوا الشيبان والواقعي حنقان من شامير= يومه معوّج شوكت الميزان |
اقتباس:
الواقعي جاب الزون عالبير=مقصده يبغى يسقي الضميان ولاحسب فتنة قلال الخير=لي قوموا دعوه بلا برهان غير المقرم بيعطيهم تير =لي هم ربوا عا الزور والبهتان |
اقتباس:
السوم لتصلح بغا تسوير=وأرجال عا سوره من الشجعان لت أمن البدوي في الخرخير=بيبيعها لبليس والشيطان |
| الساعة الآن 02:31 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir