أيش باقول يابوشاخ نا في حضورك=أنت شاخ العرب والبدع منّك محبّب
باتكلف و باشل العصا باعكورك=ماجسي فيك باحرِّكه به باتسبّب

كل ماجيت او مريت ساعة مرورك = بانرحب بكم مالغيث بالمزن صبب
مقبل الدور عاغيرك وبيجيك دورك = بعد مابينفع دكتور لابتطبب

وين ضيعة يابو شاخ عقلك وشورك=خذ كلامي وشف عمك علي قد تسبب
رد علينا برده لا متى في غرورك=قبل يصبح عرق وجهك تقول المكبب

يالعمودي تفرّحنا بشائر ظهورك=من طباعك تلبي كل داعي ومطلب
ريت لي في السقيفه بايراعوا شعورك=بن مخاشن نفظ يده وقوّس وصلّب

وين جمعان قله حان يالسبع دورك=باتطٌلق عقد في الحبل ذي هو معصب
لاتعكت على اهل الفكر مطلوب شورك=لان فكرك نقي صافي ولبعد تخرب

عادحكم الخول ماقدصدرمن نييورك=يخلص الشعب من ضالم في المال يصرب
ياعلي في موال الناس رعيت ثورك=ثورجاهل بدون اشعورسارق مدرب