حذرتكم مبطي من النصاب = صوتي ولابغيتوا سماعه
عدكم لقيتولي حنق وعتاب = قلتوا السما والقاع قاعه
والتاليه كلن صبح خباب = في كل جهه يشكي وضاعه
لكن شرعي دايما غلاب = ماقولكم حتى وداعه
لاقد تجمعنا خوه وانساب = كل حصن بانبي رباعه

لاقد حنب وتقلدت لبواب=يرضا بما جابوا الجماعه
بكره معه فرصه من الاحباب= ان كان عنده شي قناعه
ونه يبا يتقلب القلاب= لازم نجره من كراعه
قله كفانا نجمكم قد غاب= ماشي معك غير الاذاعه

يبرق ويرعد والمطر صباب = رعضوا معي يهل الزراعه
عدها قضايا واجده وحساب = فالذي لقى فالشعب راعه
كل شي مقيد في ملف وكتاب = شفها تدينه لانخاعه
لكن شيخه قد لقاله حجاب = وحروز بتقوي دفاعه