المشاركة الأصلية كتبت بواسطة المخشني (المشاركة 374601) لورأيته تظنـّــه جاء من الشام حلـْــبي قد صرعني بنظره سيد كل المزايين سيد أهلي وقومي وسيد معلاق قلبي ريد قربه ولا أبغى مُلـْــك دوحه وبحرين محمد بن مخــاشــن

مامعه فيك ظن في العشق موقفك سلبي =كنت اول سلي وفسحت في العشق ذلحين
يوم قوتك بطي مندي وساعات مظبي =كنت وحدك وبس في الكون سيد المضانين

في بحر عشقي ومضمونه=ايام شبتي والصغره
كنت المحب طيب النيه=وسلمت قلبي امانه للذي باعوه
محسبتهم با يبيعونه=يهوين ياقمرة القمره
مطعون طعنه بجنبيه=وضيوم ضيم الذي من حبهم خانوه

المشاركة الأصلية كتبت بواسطة عمر الذيب (المشاركة 374629) فصل جديد في بحر عشقي ومضمونه=ايام شبتي والصغره كنت المحب طيب النيه=وسلمت قلبي امانه للذي باعوه محسبتهم با يبيعونه=يهوين ياقمرة القمره مطعون طعنه بجنبيه=وضيوم ضيم الذي من حبهم خانوه

نيران في القلب مرشونه=والجوف مليان والعبره
في الحلق يالذيب محجيه =من بعد ذي يعرفون الحب ويصونوه
والحاصل النفس محنونه=في عشقتي صالي القدره
نحلم بأحلام ورديه =والبعد حل بيننا نا والمحب علبوه

من يعطي العشق قانونه =لاهو مشفر على الشفره
يدخل بهمه وجديه =يلقي الذي مايقدروا غيره يلقوه
في العشق اسرار مكنونه =يدخل بها من عشق قبره
تبقى معه سرمخفيه =لايبيح سركل من حبه وذي حبوه

المشاركة الأصلية كتبت بواسطة المطلع (المشاركة 374633) نيران في القلب مرشونه=والجوف مليان والعبره في الحلق يالذيب محجيه =من بعد ذي يعرفون الحب ويصونوه والحاصل النفس محنونه=في عشقتي صالي القدره نحلم بأحلام ورديه =والبعد حل بيننا نا والمحب علبوه

من بعد خله ومظنونه=المطلع بات في همره
ماهي معاناه وهميه=هذه حقيقة شعوره عند لي عرفوه
نا عارفه واعرف اشطونه =واعرفة اسمه من النشره
واعرفة حاجات سريه=عن لي عشقهم وهم هذي السنه بغضوه

المشاركة الأصلية كتبت بواسطة المطلع (المشاركة 374639) من يعطي العشق قانونه =لاهو مشفر على الشفره يدخل بهمه وجديه =يلقي الذي مايقدروا غيره يلقوه في العشق اسرار مكنونه =يدخل بها من عشق قبره تبقى معه سرمخفيه =لايبيح سركل من حبه وذي حبوه

المطلع شكله ولونه =خلاص عندي انكشف امره
والعاد في الحال حنيه=والسر في بير قله والذي ربوه
في العشق له فن وفنونه=شبه بها فن باصره
ما تنطفي دائما حيه=يفخر بها الدان واهله والذي غنوه

المشاركة الأصلية كتبت بواسطة عمر الذيب (المشاركة 374657) عكست الربوط لا تستعجل عدلها بالراضه

لي ماعرف العشق وفنونه =بيقول ماتحرق السبره
والعشق نيران ملعيه =وكيرها اهل الفتن لاياعمر شبوه
بالصدق قل ليش تخفونه =لاتعرف الصوت والنبره
وعرفت سيرته الذاتيه =وعرفت من هو يقع اول ومن هو بوه

المشاركة الأصلية كتبت بواسطة عمر الذيب (المشاركة 374655) المطلع شكله ولونه =خلاص عندي انكشف امره والعاد في الحال حنيه=والسر في بير قله والذي ربوه في العشق له فن وفنونه=شبه بها فن باصره ما تنطفي دائما حيه=يفخر بها الدان واهله والذي غنوه

العشق يالذيب بالونه =لانفخت وقعت لها فجره
خل بس حكايته منسيه = به عدك ماسك واهله من بطي سابوه
لاما معك سيف مسنونه =لاتسير في الليل والغدره
وكهرباء الحي مطفيه =خلك مكانك قعد لما متى مالعوه

المشاركة الأصلية كتبت بواسطة المطلع (المشاركة 374685) هذا هو تعديل الفصل المعكوس انتهت صلاحية التعديل ان احبيت تدخل عليه وتعدله وتحذف هذا بأمكانك يابوطارق وان حبيته يبقى هكذا لاحرج في ذلك مع خالص الشكر لك على التنبيه لي ماعرف العشق وفنونه =بيقول ماتحرق السبره والعشق نيران ملعيه =وكيرها اهل الفتن لاياعمر شبوه بالصدق قل ليش تخفونه =لاتعرف الصوت والنبره وعرفت سيرته الذاتيه =وعرفت من هو يقع اول ومن هو بوه

عارف مرابيه وحصونه=واعرفه شاعر وله نظره
من ارض زينه ترييميه=فيها الحبائب من اول من ضوى عزوه
واسمه من احروف ميمونه=ما هي صعيبه علي مره
مادام عندي صلاحيه=امن الشبامي ونائبه الذي حطوه

المشاركة الأصلية كتبت بواسطة عمر الذيب (المشاركة 374696) عارف مرابيه وحصونه=واعرفه شاعر وله نظره من ارض زينه ترييميه=فيها الحبائب من اول من ضوى عزوه واسمه من احروف ميمونه=ما هي صعيبه علي مره مادام عندي صلاحيه=امن الشبامي ونائبه الذي حطوه

ماعرفت هرجك ومضمونه =لاعرفت قلّه ولاكثره
هو نصح وإلا شماتيه =انه كذا بصركم لقّوا الذي تلقوه
لاما حصانتي ماصونه = ذلحين تو بافرت الكره
لا ارض زينه ومحميه =من حربكم ذي علي يالذيب شنيتوه