كل من دخل للبحر بيشوف الصدف=واللول والمرجان عينه باتشوف
والخط بالعنوان واضح يعترف=فيه النقط والشكل من فوق الحروف

ما كل من جا غاص في بحر الصدف= وحوت القرش نابه مثل حد السيوف
ورجال يعمونه باللطم الحتف=بايلتوي خشمه من لطم الكفوف

ذا فصل يالشعار بالبناء بلك = ماباك يالمفتل مع درف الصليل
الخرصانه للزمن ايظا ولك = لاتخاف لا كل شعب فالوادي يسيل
كل من معه دولار في لسهم ملك = واحنا قفا نقل الكفاله والكفيل
كل من كبر قالواسرح دور فلك = فلان قد سافر وجاب اخر موديل

هذه طباع الحضرمي باقولك=ان طبعنا هذا من الزام الدويل
والحضرمي لاقد ضعف جسمه ورك=بايشد عالدنياء ويلقي المستحيل
يسهر على شغل الحراسه في الشرك=يوقف على البيبان في صبحا وليل
ويعود لوطانه متى ماقد برك=وسار شيبه يقمس الا بالصميل

في كل بقعه من العالم له صرك = هيج ما يزنع من الحمل الثقيل
من بلاد الصين لما الجديده يورك= تاريخهم محفور ماهو بقطنه ونيل
وان عليه الزمن جار تحمل واحترك= ولاخلد للنوم غفوه وقت المقيل
ولي انقضى عمره وركت عظامه برك = مايلام الصقر بعد فعل المستحيل

ياليث بابن الليث حك الصفر حك=والحضرمي معروف له شرعا طويل
له قسم زايد وقتها حل الدرك=وقت المعارك يشلع الحمل الثقيل
وحضرموت العز من جاها هلك=ياكم وكم شاجع يردونه ذليل
تاريخهم معروف شف مافيه شك=ماهو من الليله من الزام الدويل

تحيه قد خطها النقاش بخط الكلك = مني لبوراضي مع الشكر الجزيل
وذي يجهل التاريخ يانسل الملك = خله مع الجهال مع باقي الهضيل
وان كان شمس الامس ضوها دلك= لاحت خطوط الفجر قبل الاصيل
يامن على دربه تهيا قد سلك = حذرك دروب اللوم والقيله وقيل

طالب حسن محظوظ فالسفره فتك = حتى الحليله جنب بوراضي دليل
حتى الجوايز يالفتى تضوي معك = والله يان سكنك تبا لازم كفيل
ابا المشوره شور بورضي برك =عيني على صالون في شركة جميل
والله يالهيلكس فالمجرا يحك =وان ياتحمل مايشل حمل الثقيل
الجيب ياطالب يجمل فالصرك =لا قد ركبته ماتبدل به بديل

الجائزه قد شلها جبران موثوقه بصك=اما انا ماشي معي مسوى الحلييل
جبران بايضحك وبايبين الحنك=من فرحته دمعه على خده ىيسيل
واسميت لي في الجيب مرفوع البنك=يابغت من ضواك يااخر موديل
والبخص بايصبح بغبران الحشك=ذي يحلموا حتى بو دبه دويل

كل من معه ياصاحبي فيزه وفك =حاله منكد يسهر الليل الطويل
يسامر نجوم الليل ورواد الفلك= مسكين بوحضرم سرى قلبه عليل
مسكين حسب كل من بحر جاب السمك= واللول والمرجان بالحمل الثقيل
يوم ماحسب لتاليه وقع في الشبك= سارح وضاوي ويتبعه حدعشر صميل
هكذا حال الحضارم ... وان ملك= ياويل لرقبه من السيف السليل

اربح مابغيته مالي بلرباح=بادي يسدالحال والقلب مرتاح
في شعب من لشعاب با تحت ذلاح=وبغى سلب بلجيك لصاح صياح

المشاركة الأصلية كتبت بواسطة مجمل ذا فصل يالشعار بالبناء بلك = ماباك يالمفتل مع درف الصليل الخرصانه للزمن ايظا ولك = لاتخاف لا كل شعب فالوادي يسيل كل من معه دولار في لسهم ملك = واحنا قفا نقل الكفاله والكفيل كل من كبر قالواسرح دور فلك = فلان قد سافر وجاب اخر موديل

المشاركة الأصلية كتبت بواسطة طالب باتيس النعماني الجائزه قد شلها جبران موثوقه بصك=اما انا ماشي معي مسوى الحلييل جبران بايضحك وبايبين الحنك=من فرحته دمعه على خده ىيسيل واسميت لي في الجيب مرفوع البنك=يابغت من ضواك يااخر موديل والبخص بايصبح بغبران الحشك=ذي يحلموا حتى بو دبه دويل

المشاركة الأصلية كتبت بواسطة منازل اربح مابغيته مالي بلرباح=بادي يسدالحال والقلب مرتاح في شعب من لشعاب با تحت ذلاح=وبغى سلب بلجيك لصاح صياح

لاجيت باتبناء بقر للساس = حط الربع ياصاحبي عالحيد
لازم تمتر توخذ المقياس = مادام عاده كل شي في ليد
القول له معنى وله أحساس= وتعرف المطلوب بالتحديد
يوزن بميزان الذهب والماس = ماينفتح ملسن بدون اقليد
وأن باتحاول يالفتى لاباس = قبل الدراسه خذ سنه تمهيد
لاماحفظت الفاتحه والناس = اكيد ماباتعرف التجويد