وين العمودي قائد الشعار=يومه ذكي يعجب كلامه
والصيعري لي هو عليه البار=لي عمق بحره مية قامه

حافظ عليها من بعيد الشوح=لي قطًع الزانه بوسط البير
في قصر داخل حضنها مبطوح=طال الزمن ولاقصر بيطير

لا تدخل الغبه بلا بحار=ذا بحر مامنه سلامه
قل للعمودي لا يقع ثرثار=من شان مايقل احترامه

يابن حسن بن كمل المشوار = ماباك ترحل لا تهامه
شاره قويه فوقنا يالجار = والرعد يرعد في جهامه

يامرحبا ياالشاعر المغوار=مثلك ترى زاد احترامه
مشتاق للجنه واخاف النار=يالله سترك والسلامه

ماهو كذا الترحيب يابشار = في المحضره كمين هامه
رحّب ضيوفك كلهم اخيار = ترحيب مابعده ندامه

حول بنجم القلب لاقد ثار=لاحط عالناس الغمامه
والبرق شاعل في سمانا نار=يارب سالك بالسلامه

يامرحبا بك يازعيم الدار=انته الملك وانت الزعامه
العفؤ منك لا غبيني الشار=كلن بقدره واحترامه

ماشي فوائد من قدى السمسار = حتى ولو حط العمامه
بعض البشر ماشي لهم مقدار = ولالبوهم شي كرامه
اما انا كمن جمل هدار = ضويه في يدي خطامه
مابدخل لاحجر بن دغار = بالباهرب والبازقامه