لاتسرع وقعلي من صحاب الرزانه =لاتسمع كلام اهل العقل والعمايم
البطل لاسرح من بايحل في مكانه =انت داري وكم انسان داري وعالم

كم بطل عندنا يشهد لهم بالبنانه = بانحط في مكانه شخص واعي وفاهم
لي يحب الوطن مش كل شي لاثبانه= مايكٌفي ثلاثه اعقود عالشعب جاثم

شفت منهو صدق ماليوم نطقت لسانه = قول ولد الهميمي كله الا غنائم
قل لمنهو عماني ينتبه عاعمانه = والبطل هو بطل يالي تبون التفاهم

شعبنا اليوم اقسم ان يتمي مكانه = غضب يرحل والا باتطير الجماجم
خاف عاده يقعله منهم ذبح ضانه= ان بقاء ماتحرك بايجي امر حاسم

مرحبا قول من شاعر صدر في بيانه =خيرت الناس ذي من اجل ارضه يساهم
والبطل ياحمد معروف باول زمانه =خاض في البحر والامواج جنبه تلاطم

ان طلع او نزل لابد نحنس عنانه = قل لبو شيخ باذن الله لي نصر قادم
ثورتي قال شاعر باتدمر كيانه = ان بغا بالرضاء ونه بغا بالتصادم

عام تسعين عرفناك كيف الديانه =كيف توكل وتشرب ونت قد كنت صايم
ونما اليوم باتلقي علينا شطانه =يارفيقي عقل قبل الوقع والصدايم

عام تسعن قد روح وعداء زمانه = لكن العام هذا بايقع عام حازم
بقلع العلب من جذعه وبرمي غصانه= علب مسموم ماتبغاه حتاء البهايم