|
|
اقتباس:
سكت ولعاد تتكلم عباد الله في سكره =من العشقه وحد من بعد خله والوطن مغبون ونا عانيت ما عاناه بن ماضي من الشقره =الذي في عشقها مبروك راجع منها مجنون ولوطالعت ماحد مثلها في الجسم و البشره=ولافي الطول والقامه يشبهنها بنات اسطون وبن ماضي عشقها يوم له في العشق كم كره =وكل من جرب العشقه عذر من هو بها مفتون |
اقتباس:
اساسا ما لنا إلا الصبر والتفكير في الهجره = ولا بيداتنا غير الدعى يا صاحبي بالعون ونترقب فتن لخبار من نشره الى نشره = بعضها صدق واغلبها مكايد وإفتراء وظنون ونتحسر على الماضي برغم ايامه العسره = ولكن كانت السمرات فيه إتهيض المشطون ألا يالله بليله مظلمه ماشي بها قمره = تجيب اعلا الجبل لأسفل ويصبح منتهي مطحون |
اقتباس:
اذا قد العافيه مالك وستر الحال قل ودره =لدنيه فانيه لو حد معه حتى كما قارون برزق الحي متكفل عظيم الشأن ماغيره =ومالاهو بيد غيره ثلاثه ارباع بيجوعون من الوضع الذي شفناه في كركوك والبصره=وبعض اراض لاجاء اهلها من جوع بيموتون مآسي قوم ومصائب سمعناها في النشره=معد خلت بلد آفه خطيرة عينة الأفيون ولو هي بالرضاء مخباط مانبغاه من خشره=على مسلم بيد مسلم يطخ من مصنعه وحصون بغينا الأمن دائم يستتب عشره على عشره=وترجع حسبما كانت رسب للناس هي والخون |
اقتباس:
دعه بالخير وتنور الليالي لي بطت غدره = وقل يالله صلح حال القبائل كلهم وبطون [/poem][/poem]وحل في القطن لاقد ماتبى سيئون والصفره=وخل الخير فالك ليش بالشر هكذا تدعون وكن ريض شوي مالك ومال الزير والعجره=شرب لابك ضماء منه كما لي قبلك يشربون ولاباتجحد النعمه وباتهتف شبع بطره =هتف لما متى ماقده في راسك تبان قرون وهتفك عالجبل مابايحرك منه الحجره=جبل منصوب راسخ معتلي يحماه رب الكون |
سبح في العشق قال الذيب يامبرورك بن ماضي=وخذ مني وهت لما شروق الشمس يا مطلوب ==================================================== الى ذكرة المحب لي بسمته مثل القمر تاضي=احس انه يبالي كي على قلبي بلاء تجنوب |
اقتباس:
ويدخل كل شاعر والكلام الزين هو القاضي=وفيما خص بن ماضي خترته عنكم مندوب
|
اقتباس:
يقولون المحبه ياعمر ود قلب وتراضي =وكل من حب حد يتبعه من شنطوب لاشنطوب وما بعض المحبه لاتعب سكره على الفاضي=تجيب الا الملامه للمحب والكره وا لتعتوب |
تصبحون على خير
|
وحن شفني مثيلك ياعمر عاوقتنا الماضي=عساه ايعود ذي حبه يداوي قلبي المتعوب تركني في الهواء وحدي ولاحصلت حد قاضي=يرده لي ولو حتى نبيع المال هو والنوب العفوا اذا مانا على اللحن |
اقتباس:
وهذا الصوت قبلي ياعمر مدروف وغياضي=ولكن ضاق ربي يدرك كل من ضاق والمكروب ونسبح كيف جاء رمضان له تعروب ومقاضي=ومثلك عارف المقضاة وانته عارف التعروب اذا ربي رضي عن شخص يابخته بذي راضي=ينادي في السماء جبريل عبدي عندنا محبوب |
| الساعة الآن 09:59 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir