ذا فصل ياطالب وجع فالنون = ماشي عوافي الوجع فالراس
العظم حسه يالفتى مطحون = قالون جاب الهم والوسواس
من بعد ماشفت الجمل مرصون = باينحرونه شف جمل باداس
باينفقونه ذا خبر مظمون = اقروا عليه الفاتحه والناس

كل ماجراء كله سبب شارون=ذي هو يراهن عاغياب الراس
شارون ياملعون ياملعون=دايم تنكد عاعيال الناس
يالله طلبتك تطلق المسجون=وتبطل الحيله لبانواس

بعمل في الحجه وفالمدمون = ودغشين بلقيها في المحماس
ماباالعزيزيه ولاالمدفون = ولاصواني زايده بسباس
بقنص في المنزح وفي ذمرون =يكفي من الغربه كفى ياناس

لايامجمل لاتقع مجـــــــنون=تلقي لنا الكورة كما بوكاس
ماباتحل عثبق ولاذ مرون=ذلاتماني من قفاعـــــــباس

حنات لليامي وللمثمون = يهل الزوامل ياذهب والماس
عين العزيزيه ماتقع ذمرون = مليار تسقي من عيال الناس

ودي بشربه من على ظلمون=فيه الدواء يشفي جميع الباس
وكلمة رضاء عندي كما مليون=من عند صاحب غير كل الناس

خمستعشر حسبناها مع خمستعشر=كمل الشهر بأيامه ثلاثين ليله
وان حسبنا ثلاثعشر مع خمستعشر=ينقص الشهر بأمه ليالي قليله

خدمة القول ياطالب علينا تعثر = بالحاول لبدلها بخدمه بديله
جبر بوشيخ يالشعار واجب لعشر = قول بوشيخ يالحلان ماشي مثيله

ياسلامي على طالب وخصبه مجمل = يطلع الحسر يطلع في العقاب الطويله
وافي الشرع من شرعه لشهره يكمل = رب يالله نتجمل بدنياجميله

مرحبا قول من شاعر دخل في المعسكر=ينظم القول من عنده ثنعشر حليله
يامجمل تجمل عبر الوقت لغبر=طال ليلي وكل ليله تعدي طويله

سلمولي علاطالب حسن الف مخطر=هيج لثقال ذي داهل يشل الثقـــــــيلة
قلة الصبرياطالب كما من تصــــــبر=ودع بلجود ذي يشفي النفوس العليلة

ريت حد في بلاده يوم ذا العيد يحظر = لجل باشل بوعطفه ونظف مسيله
باتغرض مع الرميان ماباتعذر =بالعاود عرب اهل الشروع الطويله

مرحبا قول من شاعر وصلني مسطر=من مجمل وبن عوبث رجال القبيله
في حريضه لقوا تاريخ للناس يذكر=والجماله لهم والجود هو الفظيله

من جوار الحرم سبح وهلل وكبر = خذ نصيبك من الدنيا وزور الطويله
شوق في القلب للوديا ن مليون واكثر = روس وديان ياكمين شجره ظليله

مني سلام الفين يتردد ويتكرر=صافي منقى من اقاذير الرذيله
باردها عاده انا في الوادي الاخضر=من بايوصيني شوني بمشي ياعويله
باشل بو قلعه دي باروته يعكر= طين العيد باخليه قاصف صبحه وليله

ماتعلم سقط فالدرس صالح منصر =كل مخلوق مستكفي بعقله دليله
وان نزل بايتاجر ماتفود تخسر = كل مخلوق له مهنه وفيها سبيله

عاد الايام باتجيبه تمهل تصبر=يامجمل تجمل واترك الباهديله
كيف تشكي لنا حالك وحالي مكدر=من نظر حال بوراضي بسرعه رثيله

كل من قام ليله قد كسب ماتخســــــــر = شهر رمضان مر يأهل الكرم والفظيــــــــــله
ياكريمان في ذالشهر ترحم وتغفــــــر = شف مجمل محمل والحمـــــــــوله ثقيـــــــــــله
ليلة القدر في ذالشهر فالعشر تظهـر = ياموفق توفقــــــنا بها خير ليــــــــــــــــــــــــله

اليوم باكربي بلاميزان = جاب البصل يجلبه من سيون
ماشي معه عبره ولاخيذان = حتى البصل ريحه طلع مغفون

وايش عادني باقول في شرقان=شرقان لاعاقل ولامجنون
شرقان باينكد على الجيران=سروه قبل الناس مايسرون

قولولطالب يدحن الشيطــــــــان=ولادعينالة ولدهـــــــــــــــــادون
شف ولد بن هاشم معة برهان=عندة دواءقاطع وبا تشــــــــفون