ذا فصل ف اللي راح واللي مقبل=تفاقدو يهل اللحون الزينه
كل من يزمّر لي انا باطبل=اما العدو حط اصبعي في عينه

قد جيتني والورد عندي مذبِل=ماجيتني والسيل (ف)معايينه
لكنّني بخلط هنا باغربِل=والزين باجيبه وبترك شينه

ياهاجسي فين القلم باسجل=يامحسن التسجيل لي في حينه
واركد تمهل لا بعد تستعجل=اعرفك انا ماباتجيب الشينه

المشكله متعقده باربع عقد=وعبود بانواس ما عنده حلول
انكانها الا عنكله فوق الرقد=شو كلنا نعرف لعنكال الرجول

يابن طويحس عالعرب لا تدجل=شف كل واحد في يده سكينه
ايش فيك بوزار العرب متحمل=وش لك سنع فيما العرب ملقينه

مصعوف يامصعوف لا تستهبل=الظاهر انك شارب القنينه
ان كان جاء من شرق انا باقّبل=انا على ديني وهو عادينه