المشاركة الأصلية كتبت بواسطة طالب النعماني (المشاركة 653448) القلب محزن والجوارح محزنه=من صورة الريس وهي مجروحه كله سباب العنتره والشيطنه=كل من نصح له ماسمع منصوحه

ليش التبطر بالبلد والهيمنه = ليته سمع لكلام أهل الدوحه
كلن سمع صوته وفيه الونونه = مثل النطيحة بالوصر مسدوحه

الكير طافي والحذر لاترشنه=لا ياعلي صالح ترك صبوحه
ماعاد باتغني معك عالدندنه=شفها مع غيرك مست منكوحه

المشاركة الأصلية كتبت بواسطة طالب النعماني (المشاركة 653448) القلب محزن والجوارح محزنه=من صورة الريس وهي مجروحه كله سباب العنتره والشيطنه=كل من نصح له ماسمع منصوحه

عساه مؤمن يعتبر من مؤمنه=ويعود يسلك في طرق مصلوحه
وان مارجع بتجي كبيره الحنحنه=وياويلها ماالشاه لي منطوحه

المشاركة الأصلية كتبت بواسطة تاج العليب فؤاد باطويح (المشاركة 653479) ليش التبطر بالبلد والهيمنه = ليته سمع لكلام أهل الدوحه كلن سمع صوته وفيه الونونه = مثل النطيحة بالوصر مسدوحه

اللحم ماشي واللبن لا تسهنه=دام المنيحه في الوصر مذبوحه
والثار وينه لي يرس في مرصنه=مادام بقرة بافرج منطوحه

المشاركة الأصلية كتبت بواسطة طالب النعماني (المشاركة 653483) الكير طافي والحذر لاترشنه=لا ياعلي صالح ترك صبوحه ماعاد باتغني معك عالدندنه=شفها مع غيرك مست منكوحه

ولعاد تصلح لك ولاهي ممكنه = ترجع وهي قد ارضها مشروحه
وسواسها قدها معه متمكنه = شف ذكرياتك منها ممسوحه

المشاركة الأصلية كتبت بواسطة طالب النعماني (المشاركة 653492) اسف اخي ميراد تكرر قافي منطوحه صدفه دون علم بقافيتك يالغالي

المشاركة الأصلية كتبت بواسطة تاج العليب فؤاد باطويح (المشاركة 653503) ولعاد تصلح لك ولاهي ممكنه = ترجع وهي قد ارضها مشروحه وسواسها قدها معه متمكنه = شف ذكرياتك منها ممسوحه

ذلا تدهف به عوامل مزمنه=وحشو والجربه لنا مبيوحه
باشلها بالغصب او بالهيمنه=معاد يقوى عاللهب والجوحه

حطوا الدخون الزين وسط المدخنه=ياذي تخطون الكلم في اللوحه
عمي علي ممنوع يرجع موطنه=صكوا بواب الدار لي مفتوحه

المشاركة الأصلية كتبت بواسطة ميراد باسودان (المشاركة 653520) ذلا تدهف به عوامل مزمنه=وحشو والجربه لنا مبيوحه باشلها بالغصب او بالهيمنه=معاد يقوى عاللهب والجوحه

تبغى عزيمه مابغت شي هنهنه = كل من تصوب ينتبه لجروحه
ونقول للشيطان الله يلعنه = ونخلي البلجيك صوب قروحه