المشاركة الأصلية كتبت بواسطة ميراد باسودان (المشاركة 654667) البحر يلطم والسماء معكور=والقبوله بندق رماها باترجع البقره سوى والثور=حيّه نكيره ما كماها

خمسه شُهر عدّت وانا مقهور=والنفس يبست من ظماها
والجوف من كثر العناء معصور=يشكي الحكومه مابغاها

المشاركة الأصلية كتبت بواسطة سبع الليل (المشاركة 654670) خمسه شُهر عدّت وانا مقهور=والنفس يبست من ظماها والجوف من كثر العناء معصور=يشكي الحكومه مابغاها

وعادك كماها ياسبع مشهور=بالصبر باتبلغ مداها
واللي يبى قدره بلحظه يفور=يقلب سفلها لا علاها

المشاركة الأصلية كتبت بواسطة ميراد باسودان (المشاركة 654673) وعادك كماها ياسبع مشهور=بالصبر باتبلغ مداها واللي يبى قدره بلحظه يفور=يقلب سفلها لا علاها

اللحم شي مندي وشي مدهور=كل من فضت بطنه ملاها
واهل التباسي قبضوا الطابور=ورعود ترعد في سماها

لا كهرباء رشنت ولا ماطور=لي بايكحلها عماها
هذه ثمار السمسره والزور=وأمراض ماعرفنا دواها

المشاركة الأصلية كتبت بواسطة سبع الليل (المشاركة 654695) لا كهرباء رشنت ولا ماطور=لي بايكحلها عماها هذه ثمار السمسره والزور=أبليس في ليله ضواها

ياصاحبي صاحبك ذا طرطور=الصادقه مايوم جاها
دايم يدعس عالحناش العور=وماحسب سمها وداها

لو شي معي هاجس كما المعمور =ما بحسب الدنيا دناها
لكنني عايش وانا مقبور= معرف سماها من عماها

والسبع شوفه قد غبيه الشور= عاد الحمة مبعد رقاها
شل الثقل وقد صبح مسفور=ولا عرف قاعها من سماها

وميراد عاده شال له ساطور=والمعركة مبعد بداها
بيجيبها من غيل بن حبتور=البنت ذي ماحد كماها