اليوم يالشعار قرب السفر = باقي على العطله ياطالب ثمان
مشتاق للوادي وحلان الهجر = مشتاق للبقرين والمكلا كمان
مشتاق في بلادي حتى للحجر = وترابها عندي أحسن من عمان
تفرح أذا شفت الجبل سدك ظهر = كأنك ملكت الكون في ساعة زمان

المشاركة الأصلية كتبت بواسطة الغازي 2007 اليوم يالشعار قرب السفر = باقي على العطله ياطالب ثمان مشتاق للوادي وحلان الهجر = مشتاق للبقرين والمكلا كمان مشتاق في بلادي حتى للحجر = وترابها عندي أحسن من عمان تفرح أذا شفت الجبل سدك ظهر = كأنك ملكت الكون في ساعة زمان

يالادمي راجع حسابك وانتبه = واحسب حساب الموت من بعد الحياه
الله يعينك عالسنيين المتعبه = يارب تالي وقت تكيفني بلاه
قد خضت في العشقه 12 تجربه = والحقتها بلوا ولامنها نجاه

المشاركة الأصلية كتبت بواسطة الغازي 2007 يالادمي راجع حسابك وانتبه = واحسب حساب الموت من بعد الحياه الله يعينك عالسنيين المتعبه = يارب تالي وقت تكيفني بلاه قد خضت في العشقه 12 تجربه = والحقتها بلوا ولامنها نجاه الاخوه الشعار هذا الربط من الشاعر عبدالله باني

الغيث من فوقي وارضي شاربه = ما بادحق في ليل من دون الحذاه
مانوكل اللقمه وقدها حاربه = ومن قطع فيها تالم من شواه
وان كان حد مكسور ودّه تاربه = لاعند بن عامر يدور من دواه
لاحد يدم الوقت لمه خاربه = حتى الولد دلحين مايتبع اباه

باني هنا يغفل لأنه مشتبه = متهوم في تهمه مامنها بداه
متهوم في سيطان وادي تاربه = كله سبب خاله وماجابه معاه
يومه طمر في السيل وسط الغاربه = مسكين مايلتام يحسب حد قفاه
ليهو شرد خلاك أنا باحاربه = بسقيه من عتمي لي ماحد سقاه

المشاركة الأصلية كتبت بواسطة الغازي 2007 يالادمي راجع حسابك وانتبه = واحسب حساب الموت من بعد الحياه الله يعينك عالسنيين المتعبه = يارب تالي وقت تكيفني بلاه قد خضت في العشقه 12 تجربه = والحقتها بلوا ولامنها نجاه الاخوه الشعار هذا الربط من الشاعر عبدالله باني

الفكر وحسن القول من ربك هبه = بالصبر والحكمه بلغ عاشق مناه
العشق له وديان شقيّه متعبه = من دخل فيها نسي قوته وماه
يابخت من خله قرب منه وله = من صدق لاحبه صدق فعله معاه

قد قالها بن سلم دنيا خاربه = وابليس يترزح واصحابه معاه
عشرين عام وكل وحده غايبه= شفتوا بنات الشيخ لي ضيّع عشاه؟
صيّح وكم صيّح ولاحد قاربه = حتى خوانه كل واحد مايباه