المشاركة الأصلية كتبت بواسطة حنطبه (المشاركة 658464) السيل مروس والمطر صباب = والناس في حوسه كبيره واهل الحراثه صابهم ماصاب = خلطوا المطيره بالمطيره

مولى عبوده مرتشي نصاب=وعياله السته خطيره
ياحنطبه عاد السمر ماطاب =والناس في خبه وسيره

سبحان ربك لي هزم الاحزاب=عالم بما هو في السريره
مايفلت الخائن ولا الكذاب = من يوم نيران سعيره
يالله عسى تغفر لذي هو تاب=والخاتمه جنه خضيره

المشاركة الأصلية كتبت بواسطة سبع الليل (المشاركة 658468) مولى عبوده مرتشي نصاب=وعياله السته خطيره ياحنطبه عاد السمر ماطاب =والناس في خبه وسيره

الفاس خارب واتعب الحطاب = والجار يشكي من جويره
حلان روكب شورهم ماصاب=ذي عطلوا سلك الظفيره

المشاركة الأصلية كتبت بواسطة سبع الليل (المشاركة 658470) سبحان ربك لي هزم الاحزاب=عالم بما هو في السريره مايفلت الخائن ولا الكذاب = من يوم نيران سعيره يالله عسى تغفر لذي هو تاب=والخاتمه جنه خضيره

يالسبع قالوا ما بدا ماء راب= والبعض ما يحب الستيره
واليوم شفها كثرة الاسباب = كلن يفكر في مصيره
ومن يروم العز قط ماهاب=حتى ولو عينه ظريره

المشاركة الأصلية كتبت بواسطة العائد1 (المشاركة 658480) يالسبع قالوا ما بدا ماء راب= والبعض ما يحب الستيره واليوم شفها كثرة الاسباب = كلن يفكر في مصيره ومن يروم العز قط ماهاب=حتى ولو عينه ظريره

يامرحبا بالعايد عدد صباب = يارعي العلوم الشهيره
معاد تفيد التماني ولسباب = ولايروم العزمن عينه ظريره
العز شلوه عراض لشناب = اهل المبادي والعقول الخبيره

دقة في البيجو من القلاب = واتساحبوا لما حويره
واللي ضوانا قد خرج بالباب = والله يجنبنا مصيره

المشاركة الأصلية كتبت بواسطة فهد العوش (المشاركة 658614) دقة في البيجو من القلاب = واتساحبوا لما حويره واللي ضوانا قد خرج بالباب = والله يجنبنا مصيره

مليون يا حيا من الترحاب= والهيج ما يخفى هديره
ذي لاظهر ساعه علينا غاب= واليوم ذه ساعه نويره
يابن العوش يا خيرة الانساب= بنشدك من حجه نكيره
من جارنا ما هو من الاجناب=ذي جاب سمه في عصيره

المشاركة الأصلية كتبت بواسطة العائد1 (المشاركة 658620) مليون يا حيا من الترحاب= والهيج ما يخفى هديره ذي لاظهر ساعه علينا غاب= واليوم ذه ساعه نويره يابن العوش يا خيرة الانساب= بنشدك من حجه نكيره من جارنا ما هو من الاجناب=ذي جاب سمه في عصيره

يأهل الجفاري خيرة الأسلاب = لا صارت الأجواء عكيره
دوسوا العقارب والحنش والداب = وكلن يراقب ذبر بيره