يا طالب الهاجس مسى محتار= ضارب ضرب في وسط راسي
والا بغيت اسمر مع السمار= اهل الرتب واهل الكراسي
من حذف ع السده وفوق الدار= هو ذي خبط عندي حواسي
مبروك لك يالشاعر المغوار= مليون على المليون راسي

يالعائد ابشر بالبرت والنار=بانجيب لك كل راس ماسي
وانته جويري لي عليك البار=في الضيق بك يشتد باسي

جينا نبارك حد باب الدار = مبروك لك ياحصن راسي
مبروك لك يا شاعر الشعار = حقك علينا شي اساسي

تستاهل العمده على الشعار=ياصاحب الرقم القياسي
تستاهل الناموس والمقدار =وفالك القصر الرياسي

مبروك لايالشاعر المغوار =لايامعلمنا الاساسي
وحنا معك من حيث ماتختار =وانت المدرب والسياسي

اليله الهاجس مساء محتار= من يوم ماشاف المائسي
ولد الشبامي زل في لخيار= ماقال هم منفوق راسي

ولد الشبامي مايزل عالجار =باذكّرك لو كنت ناسي
من عقله اشدف ساير الكفار=بعدوه لاينجس لباسي
لافلس في يدي ولادينار = ولامعي شي في كياسي
وامشي بحرية مع الاحرار= بالعز رغم الظرف قاسي

بلين يتعامل وبدولار=شو ولد باسنبل سياسي
مايمشي الا مع التجار=لي يضربو الرقم القياسي