|
|
اقتباس:
اسمحوا لي بالفصل حفظكم الله وجمعه مبارك للجميع
عاد قلبي معك ياصاحبي وانت شارد=ايش من قلب في جوفك ملته الظغينه ايش من طبع ذا طبعك مفهي وبارد=تنقلب لي ثلاث الوان عينه بعينه ذا جزاء لي وانا احبك وملقيك زايد=عل البشر يومنا ملقيك دُره ثمينه |
اقتباس:
خاف صاحبك قل للسبع عايب وكايد = قد تمرد على حلان حجر الزبينه ترك القمم الخربان في قصر عامد= والخدم حد على اليسرى وحد عا يمينه وأنت رجال تعرف كل حاجه وزاهد= والركيكه تفندها من اللي سمينه أترك العيف مادامه مدبر وجاحد= الخيانه 0وقل الخير شرعه ودينه |
اقتباس:
مرحبا قول ثورني وانا كنت راقد = قرب هجوس كانت مبعده في دثينه جاتني من قدى مهجوس له قدر زايد = ذكرتني ملاقيه وسعفة سنينه كل مابطيت في الغربه الى الارض عايد = يامودي تودي المغترب لاعرينه دعوة الخير والرحمه بها الله شاهد = مالك الملك ذي نجى صحاب السفينه |
اقتباس:
صاحبي قل لبورائد مكانه معاند=جيت برضيه لكنه جفاني بحينه ماعطاني وسع نشرح ظروفي وناشد=قفل الباب واعطاني قزوز المكينه |
اقتباس:
كل منبر يضج باالعلم بطن المساجد = من هدانا الى تقوى وطاعه حصينه فرج الله همه والكرب والشدايد = والمدور يدور عاالصفات الحسينه والمعلم بعلمه والنصايح يناشد = يفشي الخير ويذم الحوال المشينه وانت قل خير كن للرشد والخير قايد = تطرد البوس وتحوز النعم والسكينه |
اقتباس:
الف مرحيب ياحيا بحلو الموارد=بالبطل باقديم اللي قواله رزينه [/QUOTE][/poem]قل له الخير باياتي لحدراء وصاعد=بار بالقرشي يتوفر ونسمع حنينه البشر في عموم الارض هبّت تجاهد=ضد من هو خذل شعبه وسبّر يخينه |
اقتباس:
ألف حياء بذي له برق يلمي وراعد = ساعت الغيث في القنفان تسمع حنينه للمعزه ولم الشمل يمشي0 وقاعد = بين جده وينبع والحرم والمدينه ياحسن خربت الدنياء وصار التباعد= ديدن الناس في يبعث ووادي كنينه والموظف كبر ووصل لسن التقاعد= لا تلومه إذا جدّر شروجه وطينه |
اقتباس:
من خبار الفضاء واهل الصحف والجرايد = شي يحوش وشي يقهر حوالي حزينه والمخابي عين واجناس لغراب صاهد = في لواح القدر حيث المخابي دفينه كل زايد نقص في مال رشدي وراشد = يرحم الله ذبرك والجروب الزمينه والرداء والشقاوه والحسد والمفاسد = باتضوي لمولاها عواقب لعينه |
اقتباس:
في ربوع السعيده خير والخير واجد=الذهب والمصانع والايادي الامينه لكن الربع مغطوها مغوط الكرايد=والطمع ما ثمره الا روائح نتينه |
اقتباس:
دلني عاالطريق الطيبه والمقاصد = ذي عليها الدرك ولها قواعد متينه ذي بقلبك بقلبي والقلوب الشواهد = ليش تشكي بحالك خلها في الدفينه حس عظامي كم العيدان ذي في المواقد = يوم يبعث رصني عامزاجه رهينه والعرب من نفاق الوقت راحوا فرائد = كل واحد وله شيطان سده قرينه |
| الساعة الآن 12:42 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir