ألا يا الله يا منشي البــــــــارق و لمطار=بحمدك سبح الرعد في راس النشية
على روس المساقي بيـــّت غيث مدرار=بساعة ســـعد تمسي خواطرنا سلية
ونمسي في نعم بعد كثر الشوش وافكار= بجاه أهل السلف والنبي خير البرية
عسا عيضه في المال نرجا فيه لثــــمار=مواسم زاجية لاهل لمـــوال الزجية
نجوم الخير ذي واردة عالنـــاس لخيار=وكلن بايقع له على ما قد هــــــوية
ضوى هاجسي ينقح على طاسة ومزمار=وحكّم قول شــــافي كما طعم البغية
وجل الشــوش مني وأنا في طست فوّار=من اهل الوقت ذي شافوا العوجا قدية
زمن مكّارذي يخلط الحالي مع القــــــار= يحط المر هو والصـــبر فوق البغية
دواء لصواب جابوه واحموه عالنـــــار= يزيح الجوف بعض الدواء سم المنية
ومن ذي جاب هذا الدواءياهل التفكار= وجابه للعرب شوفوه مقطوع الرجية
ومولى العيد قد جابهوقد ضواه للدار= وعاد الشـــهر مقصي المنازل لوّلية
وفرحوا ناس جم يوم جاهم عيد لفطار= وقالوا اتعبت اهل القضاء يالشافعية
ومن لا رد نفسه يبونه يدخل النـــــار=عسا يلطف بنا منزمان الجــــــــاهلية
قبل ياهاجسي ماجاك من سمح صبار= دخل في الغوط من شاف موكاته قوية
ويالعاني سرح واودعك محكوم لسطار= من الشرقي توكل سرح في طيب نية
شروق الشمس لاذرّت البيضاءبلصبار= جزع في حد ذي هم يغتون السرية
كما فرضت عدن ذي عليها الخير سنجار=تصبحها فلــــــــوك الفرنجة والعلية
مراسي للــــــــدول كلها يمنة وليسار=وفيها سوق بين البيع والمشترية
تقبل حيود سمحة سرح عالرجل سيّار= وعينك لا تشــط للمعاصير القوية
جزع في صوط محمي من السارق وغوّار=حموه أهل الجرامل بشغل النامسية
على اهل الحنو سلّم على غايب وحضّار=كنان الراس لا ثارت الشارة قوية
قبل همــــــــــام فيهم لنا عاني وحد جار= ولا ترمي سوى حيث لك واجب ونية
وصل حصن الغليلة وتلحق فيه بيطار=حزوم القبولة لا برق راس النشية
جزع في شعب مضمو عسا له روع مبدار= ولا شــــفيت توخذ طريقك بالقوية
قصد لا ظـــعن يالمعتني مرماك للدار=قصد للحصن ذي هو قصوره معتلية
وبا تلحق حموله على ليمن وليسار=علاج الحرب من شافهم يذكر نبيه
وسلّم لي عليهم عدد ثجات لمطار=وماحنت رعوده في أرباع النشية
وبو يسلم بلغ خط منه زين لسطار= بنسخات القلم واللغة عجماءعجية
ذكر لي في الخضر يوم قد ميّح وقد سار= ولا حد يندهق بالطريق الهابطية
طريق الوعل في الطين مبعد حط ليثار= يجي بالمـــــــلح قدها عوايد اولية
ولاحد يذرى الشوك في ماله ولا القار= شف السبة تجي من مقاطيع الرجية
ومن به صوب جالب يقع في سعف من سار= ويمسي قبر جيز القبور الكافرية
ومن هو داهل البحر حيث الغوط مهّار= ولا هاب الموج عنده الدنيا دنية
وانا باحازي اهل المعاني واهل لفكار= ولكن عادني ما معي في لرض نية
انا بسألك وانته سأل الناس لخيار= ولد أو بنت عامد منازل دولوية
وملقي جيش تنظيمي وحكمه قطب مسمار= وهم في قبضة ايده على ما قد هويه
وفي جيشه لناثي ويوجد فيه لذكار =تعاون بينهم بالاشـــــارات القوية
ونعم أهل المنازل ونعم الناس لخيار=وشف من قد كسبهم بهم نال الحمية
على الاسلام ماقول ذولا ناس كفار= ولا حد يدلي الا على حجة طرية
وبختم بالمشفع حبيبي نور لنوار=ومن له حظ يا من حضر يذكر نبيه